mánadagur 10. juni 2013síða 13

13 Mánadagur 3. juni 2013 · Nr. 62 Sosialurin Hugskot og viðmerkingar – send sms til 225000 ítróttur Mánadagur 3. juni 2013 · Nr. 62 Føroyingur tikin fyri doping Pætur Albinus 21 ára gamli Frans Johannes­ sen, sum er føroyingur, men hevur búð í Danmark síðani hann var tvey ára gamal, er tikin fyri doping. Hetta hevur vakt ans í Danmark um vikuskiftið, tí Frans er ikki ein og hvør og svimur eitt nú fyri danska landsliðið. Tað var leygardagin, at danska svimjisambandið sen­di tíðindaskriv út, har tað varð kunngjørt, at Frans Johannessen er tikin við evninum Terbutalin í kroppi­ num. Hetta evnið er bannað og kemur undir doping. Tað var undir Danish Open í mars-mánaða, at kanningin varð gjørd. Skelkaði Forkvinnan í danska svimji­ sambandinum, Pia Holmen, gjørdist skakk av at hoyra tíðindini um Frans. – Tað er sjálvandi bæði skelkandi og harmiliga tíð­ indi at fáa, at ein av lands­ liðssvimjarum okkara er vorð­in partur av eini dop­ ingsak. Júst nú halda vit fast við, at sakin fyrst má byrja. Vit mugu tískil brynja okkum við tolsemi og bíða eftir at sakin verður viðgjørd í dop­ ingnevndini hjá Danmarks Idrætsforbund, sigur Pia Holmen í tíðindaskrivinum. Astma-heilivágur Sjálvur er Frans Johannessen róligur og metir, at evnið er íkomið eftir at hava nýtt astma-heilivág. – Eg eri vanur við at brúka innandingartól hvønn dag. Tískil hugsaði eg als ikki um, at nýggja innandingartólið, sum eg nýtti undir Danish Open, møguliga hevði hetta evnið, sum ikki er loyvt, sigur Frans Johannessen í tíðinda­ skrivinum. Frans Johannessen er fyri­bils bannaður frá kapp­ ingum og sleppur ikki við til tær næstu kappingarnar, sum skuldu vera í Barcelona 11. - 12. juni og í Canét 15. - 16. juni. Tekur sína tíð Tað koma helst at ganga nakrar vikur áðrenn sak­in verður avgreidd. Ein dop­ ing­bólkur hjá Danmarks Idrætsforbund hevur kallað Frans inn til samrøðu seinni í hesum mánaðinum, og verður sakin síðani beind í dopingnevndina hjá Dan­ marks Idrætsforbund. Í tíðindaskrivinum verður at enda nevnt, at ein kann vænta sær, at sakarmálið fer at taka nakrar vikur. albinus@sosialurin.fo Svimjing: Føroyingurin á danska landsliðnum, Frans Johannessen, er fyribils útihýstur frá kappingum eftir at hann er tikin fyri doping. Hann er tó púra róligur og metir orsøkina vera eitt astma-innandingartól Føroyskur HM-dómari Tað vóru ikki einans føroyskir fimleikarar í HM – ein dómari var eisini. Elna Johannesen úr fimleikafelagnum Støkk var ímillum teir 12 dómararnar, sum skuldu kjósa heimsmeistaran. Heimsmeistari bleiv russiska liðið Madonna. Torkil á 14. plássi Føroyski súkklarin, Torkil Veyhe, gjørdist um vikuskiftið nummar 14 í danskari A-kapping. Teinurin var í býnum Struer og var 150km langur. Torkil royndi at ríva seg leysan, bleiv innheintaður og fekk eitt 14. pláss. - Vónaði topp 10, men eftir umstøðunum nøgdur, skrivar hann á facebook. Dopingeftirlitið: Ansið væl eftir heilivágnum Doping: Sofus Debes Johannesen, formaður í føroyska dopingeftirlitinum, mælir øllum íðkarum, ið nýta heilivág, til at kanna væl eftir um ólóglig evni eru at finna í heilivágnum. Pætur Albinus – Mannagongdin er tann, at um tú hevur eina sjúku, ið krevur heilivág, skalt tú kanna væl eftir, um nøkur ólóglig evni eru í. Eru ólóglig evni í, so skal ein spyrja læknan, um tað finst annar heilivágur, sum hevur somu ávirkan, men sum ikki hev­ur ólóglig evni í sær. Um ikki ber til at fáa heilivág uttan hesi ólógligu evnini, skal íðkarin senda umsókn um undan­ taksloyvi til dopingeftirlitið - hetta plaga tey vanliga at fáa, sigur Sofus Debes Johan­ nesen, sum vísir til heima­ síðuna antidoping.dk, har listi við øllum teimum ólóg­ ligu evnunum er at finna. Undantaksloyvið, sum íðk­arar kunnu útvega sær, kallast Temporary Use Ex­ ception (TUE). Til heimligu kappingarnar er einans neyð­ugt at fara til lokala dopingeftirlitið, men um ein skal til altjóða kapping er tað eitt gott hugskot at kanna eftir, um avvarandi sersamband hevur egna reglugerð innan doping. Kann vænta revsing Vit spurdu Sofus Debes Johannesen, um ein sleppur snikkaleysur fyri at av óvart hava tikið evni, ið ikki er lógligt – eins og tað er líkt til at støðan er við Frans Johannessen. – Hann kann vænta, at hann verður revsaður. Er tað einans tað, at hann hevur havt loyvi áður, skift heilivág og ikki boðað frá, so kann tað verða ein linari revsing. Møgu­liga nakrar vikur heldur enn tvey ár, sum annars er vanligt, sigur Sofus. Ymisk evni kunnu tykjast at hava lítið upp á seg, men tað er als ikki óvanligt, at íðkarar, ið tilætlað nýta avriksfremjandi heilivág, nýta vatndrívandi evni fyri at dylja sokallaðu doping­ misnýtsluna. albinus@sosialurin.fo Sjálvur er Frans Johannessen róligur og metir, at evnið er íkomið eftir at hava nýtt astma-heilivág.