mánadagur 23. september 2013síða 25

25 Mánadagur 23. september 2013 · Nr. 110 Sosialurin Hugskot og viðmerkingar – send sms til 225000 Valkyrja hjá Týr er eitt satt meistaraverk! Fríðálvur Jensen – at fara ein gongutúr við sein­astu útgávuni hjá teim­ um á iPhone´ini, er eitt satt njótilsi! Eg havi roynt at fylgt teim­um hesar seinastu mán­ aðirnar og hevði varhugan av, at teir fóru at koma við teirra bestu útgávu - nakrantíð. Við hesi útgávuni hava teir rakt ein nógv breiðari lurt­ar­ askara, tí teir hava torað at fara yvir á ein kanska “mild­ ari” rock, sum eisini hevur givið pláss fyri eini kvinnu­ ligari rødd – í lagnum “The Lay of Our Love.” Tá eg hoyrdi undanlagið “Blood of Heroes” fekk eg kensluna, at tað kundi neyvan verða nakað betri, men eg má siga, at ØLL útgávan “osar” av væl gjøgnumførdum arbeiði, sum er so imponerandi við allari útgávuni! Teir hava eisini givið rúmd fyri “Grindavísuni,” sum hevur verið teirra “vøru­merki,” um ein so kann siga, men eisini her kann ein hoyra eitt meira “polerað” ar­beiði, sum kortini eisini gevur pláss fyri tí “ráa.” “Nation” er eitt avbera gott lag, men seinasta lagið “Cemetery Gates” vísir eitt veru­ligt lop, sum gevur rúmd fyri tí bleyta og harða, sum er ein fantastisk og øðr­ vísi uppseting, sum teir hava havt dirvi at leggja úr hond­ um. Meginparturin er á ensk­ um, sum, eg haldi, gevur út­gávuni ein nógv meira altjóða dám, sum ivaleyst fer at bera teir langt fram. Hetta er sanniliga ein útgáva, sum er verd at ogna sær og skal hon fáa 10 av 10 stjørnum frá mær! Hoyr her lagið: “Blood of Heroes” http://www.youtube.com/ watch?v=aONcdN0Weiw Vinjard Johansen Løgtingsmaður Tað verður ikki talan um nakra brúgv yvir um Skála­ fjørðin við mínum stuðli! Tá serfrøðingar bólkurin kom við teirra tilmæli til Eysturoyartunnilin, var til­ mælt at gera tunnilin yvir til Strendur, og síðan eina brúgv tvørtur um Skálafjørðin. Hetta er ikki tað tilmæli, ið eg komi at stuðla. Eg haldi at hetta er alt annað enn nøktandi, og er eitt sera nógv litað arbeiði, tá hugsað verður at serfrøðingar bólkurin visti at politiska skipanin hevði valt eina linjuføring sum serfrøðingar bólkurin átti at hildið seg til í teirra kann­ ingararbeiði. Nú er tíðin komin til at seta tunnilin í gongd, og eig­ ur hetta at verða gjørt bein­ anvegin. Vit vita øll at hend­ an verkætlan er ein lønandi íløga, og vil fíggja seg sjálva við teimum brúkarum, ið koma at brúka tunnilin. Eg haldi, at man hevur brúkt nokk av tíð til at kanna og drála verkætlanina. Man eigur nú at seta verkætlanina ígongd við tí linjuføring, sum løgtingið hevur samtykt og atkvøtt fyri. Sum tann einasta polit­ iska semja sum kann fáast, eftir mínari meting. So eiga vit at stovna eitt alment partafelag, eftir tí leisti vit hava gjørt frammanundan, við Vágatunnilin og Norð­ oyatunnilin. Sum kunnu met­ast at vera tvær væl eydn­aðar verk­ætlanir. Síðani kann felagið sjálvt gera tær kann­ingar sum eru eftir at gera. Eg farið hervið at vísa á, at eg fari bert at góð­kenna tað linjuføring sum Lands­ stýrismaðurin í Innlendis­ mál­um arbeiddi við. Tað verður ikki talan um eina brúgv við mínum stuðli, sum kemur at forkoma øllum fram­tíðar møguleikum á Skála­fjørðinum. Nei vit eiga nú at standa saman um tann lagda leistin. Alfred Olsen Tingmaður hjá Sambandsflokkinum Samtykt tunnilsloysn Eftir at Føroya Løgting fleiri ferðir hevur samtykt og harvið staðfest, at Skála­fjarð­ artunnilin skal gerast við eini linjuføring, ið inniheldur eina rundkoyring, so fremur ein arbeiðsbólkur, við Lands­verk á odda, nú eitt satt bak­bit við eini stabbabrúgv. Hetta verður gjørt móti Skála­ fjørðinum, sum tann nattúru­ havn fjørðurin er, umframt, at hetta er ímóti teimum ætlanum um útbygging í øki­ num og viljanum hjá komm­ ununum við fjørðin. Tí sjálvt um arbeiðs­ bólkurin ikki hevði fingið boð um at viðgera nakra nýggja linjuføring ella brúgvaloysn, men at greina møguleikan við eini almennari-, einari al­mennari/privatari ella eini privat­ari loysn, so mælir arbeiðs­bólkurin í sínum tilmæli nú til eina nýggja loysn, har tunnilin skal gerast frá Streymoyarlandinum og koma upp á Strondum og síðani at gera eina brúgv tvørtur um Skálafjørðin. Tað, sum alla tíðina hev­ ur verið grundarlagið fyri tunn­ilsloysnini og sum langt síðan er avgjørt, er, at gjørdur verður ein portalur á eystara og ein á vestara armi á Skálafjørðinum við eini rundkoyring undir Skála­ fjørðinum og harfrá koma upp í einum portali suðuri á Sundi. Hetta mælti hægsta serfrøðin innan tunnilsøkið til, sum tann besta og mest gagnliga linjuføringin. Sniðálop á Skálafjørðarøkið Landsverk eigur ongan part í hugskotinum í tí frálíku Sk­á­ l­a­fjarð­ar­tunnilsverkætlanini og hevur heldur ikki gjørt kjarnuboringar, onga pro­ sjek­tering, ongar ferðslu­ ana­lysur o.a., men hevur heldur lagt fótonglar fyri verk­ætlanini, sum eitt privat felag hevur brúkt uml. 18 mió. kr. uppá at fyrireika – hetta til sjálvt projektið, til kjarnuboringarnar, út­ veg­an av ferðslutølum og ferðslu­analysir, til kann­ ingar av linjuføringum, til fram­løgur av verkætlanini og til tann upplýsandi gjøg­ numkoyringsfilmin, sum vit oftani síggja í Sjónvarpinum Hetta hevur privata fe­ lagið gjørt - og tað arbeiðið, sum Landsverk hevur gjørt fyri felagið, hava teir fingið pengar fyri. So tá Lands­ verk sigur, at nýggja linju­ føringin og brúgv tvørturum Skálafjørðin er 200 mió. kr. bíligari enn samtykta linju­ føringin, so loyvi eg mær at seta eitt stórt spurnar­tek­ in við hesi tøl, tí mær vit­ andi hevur Lands­verk ikki gjørt tær neyðugu for­kann­ ingarnar, neyðugu kjarnu­ bor­ingar, neyðugu pro­jek­ teringina o.a. Eg fái meg ikki at trúgva, at Landsverk bara tekur kann­ingarnar sum P/F Skála­ fjarðar-tunnilin hevur gjørt, tí tað er mær vitandi ólóg­ ligt. Tað er heldur ikki skyn­ samt at spara í byggikostnaði uppá eina verkætlan, sum kostar umleið eina milliard og samstundis minka mun­ andi um nyttuvirðið av íløg­uni, og sum eisini fær aðrar varandi negativar av­ leið­ingar fyri menningina í økinum. Fyriliggjandi verk­ ætlan og linjuføringar av Skála­fjarðartunlinum eru gjørdar fyri at skapa størst møguligt nyttuvirðið og fyri at framtíðartryggja menn­ ing­ina í økinum. Skálafjørðurin sum oljuhavn So, um somu tíð, sum Skála­ fjørðurin ger seg kláran til komandi oljuboringar við Fø­royar, arbeiða limir í aðal­ráðum og Landsverk suðuri í Tórshavn seriøst við ætl­anum um at blokera Skála­fjørðin, við at mæla til at seta eina stabbabrúgv niður á Skálafjørðinum. Eitt byggjarí, sum kemur at forða fyri eini komandi menning inni á Skálafjørðinum, innan oljuvinnuna, ferðavinnuna o.a. Ein forðing fyri menning Líka so íðin sum eg havi verið og eri fyri, at Eystur­ oyartunnilin verður gjørdur skjótast gjørligt eftir tí linju­føring, sum Føroya Løg­ ting hevur samtykt, líka so nógv eri eg ímóti at ein stabbabrúgv verður gjørd um Skálafjørðin..... so eg takið als ikki undir við hesum.  Loysnin sum arbeiðs­ bólk­urin mælir til, vil forða fyri framtíðar skipa­ferðs­ luni inn og út av Skála­ fjørð­inum, og tá eg hoyrdi tilmæli frá bólkinum á sam­ gongu­fundinum, boðaði eg beinanvegin frá, at eg var ímóti hesi loysnini og kom ikki at taka undir við eini brúgv, sum forðar fyri fram­ tíðar menningini við Skála­ fjørðin, ið er Før­oya størsta og besta nattúru­havn. Henda royndin at forða fyri menningini á Skála­ fjørðinum hevur staðið uppá í mong ár og er so domi­ nerandi, at sjálvt um arbeiðs­ bólkurin ikki er biðin um tað, so koma teir við hesum brúgvaprojektinum álíkavæl – ein verkætlan, sum víkur frá tí linjuføring, sum Føroya Løgting hevur samtykt. Nýggj verkætlan og brot á løgtingssamtykt Fyriliggjandi uppskot frá arbeiðsbólkinum er ein nýggj verkætlan og brot á løgtingsins sam­tykt um linjuføring. Við hesum upp­ skotinum frá arbeiðs­bólk­ inum er verkætlanin við at fara fullkomuliga av sporin­ um í allar mátar og er komin í eina veruliga kreppu. Tað, sum skuldi kann­ ast, er ikki innihaldið í verk­ætlanini, men hvussu fyril­iggjandi verkætlan kann gjøgnumførast, tvs. undir hvørjum felagformi og hvussu fíggingin kann strukturerast og útvegast. Tí eigur at vera sæð burtur frá uppskotinum um brúgva­loysn, og vit skulu beinanvegin fara undir at fastleggja, undir hvørjum partafelagsformi og hvussu fíggingin skal verða til ger av Eysturoyartunlinum, við tí samtyktu linjuføringini, ið er fastløgd, so arbeiðið kann byrja so skjótt sum gjørligt. Sniðálop á Skálafjarðartunnilsverkætlanina! Eingin brúgv við mínum stuðuli