hósdagur 7. november 2013síða 40

nr. 129 · 8. november 2013 8 VIKUSKIFTI LURTA LES & UPPLIV lagt til rættis: Eyðun Klakstein Tað er stutt millum fløgu­útgáv­urnar. Summar hoyr­ist nógv um, áðrenn tær eru almennar, og so er tað tær, sum millum lítið og einki hoyrist um, áðrenn tær eru at hoyra. Millum hesar síðstu telist tann, sum her verður umrødd. Í vikuskiftinum kemur solo­ fløga við Árna Bech Jensen ella Árna Bass, sum hann ofta varð nevndur. Hann andaðist av herviligari sjúku 28. november í 2011 ella fyri knappliga tveimum árum síðani. Konan, Maiken Jen­ sen, fegnast um at dreymurin nú er vorðin til veruleika, og hon greið­ir soleiðis frá um fløguna: -Árni droymdi um at geva fløgu út, men tað var ikki vorðið til veruleika, tá ið hann gjørdist sjúkur og viknaði. Tá fór hann í studio og sang “Longur á leið”, sum nú er vorðið heitið á fløguni. Hann sang eisini “Í Jesusar hond­ um” saman við dóttur okkara Erlu, greiðir Maiken frá. Á fløguni eru fjúrtan sangir. Nakrir vórðu upptiknir í 1997, og tann upptøkan hevur sína serligu søgu. Maiken Jensen sigur soleiðis: -Ein skyldmaður Árna var deyð­ ur, og Árni varð biðin at syngja við jarðarferðina, sum var úr Vest­ ur­kirkjuni. Hann sang “Er Jesus nær”, og eftir jarðarferðina spurdi hon, sum nú sat einkja, Árna, um hon ikki kundi fáa eina upptøku av sanginum. Árni gjørdi ikki vandari enn at fara í EVR studio, og har sang hann seks sangir inn. Jóannes á Váli spældi klaver og Johannes Danielsen tók upp. Kvinnan fekk so hesar sangirnar á einum kasettubandi, og hann gav eisini mær eitt kopi. Hetta vóru sangir, sungnir “unplugged” eitt kvøldið í 1997. Fimm av hesum sangum eru við í á fløguni, nú við fleiri øðrum ljóðførum og bakgrundsrøddum, sum Jákup Zachariassen hevurt lagt aftrat. Árni og Sangbrøður Miðskeiðis í seksti árunum gjørdist Árni partur av Sangbrøðrum, sum sungu í Ebenezer og aðra staðni kring landið, og sum góvu plátur út. Øssur Berghamar stílaði fyri. Hann og Árni vóru vinir frá heilt ungum av, og tað er Øssur, sum hevur gingið undan í at fáa dreym­in hjá Árna um at geva fløgu út til veruleika. Øssur greiðir so­leið­is frá um Árna Bass: -Tá fyrsta EP-plátan við fýra sang­um kom út móti jólum í 1966, var tað serliga bass­røddin hjá Árna, sum hugtók lurtarar­nar. Árni Bass á fløgu Geislar máttu yvirtala mammu Henning Focus forvitnisliga framsýning Tvey ár eftir at hann doyði, er dreymurin hjá Árna Jensen um at geva fløgu út vorðin til veruleika Bólkurin av Sandi ger comeback leygarkvøldið, 25 ár eftir at teir blaðungir fóru at spæla saman Teir vóru millum 14 og 17 ára gam­lir, tá ið teir stovn­aðu sín egna tón­leika­bólk. Teir spældu nógv árini eftir, og hóast teir nú hava ligið í dvala í longri tíð, eru teir aftur klárir at fara á pallin. Talan er um tónleikabólkin Geisl­ar, sum leygarkvøldið ger comeback í sambandi við at ung­manna­felagið Virk­ið á Sandi verður 90 ár, og Ung­ manna­húsið verður 60 ár. - Sum ungir dreingir sóu vit upp til teir tónleikarar, ið vóru eitt sindur eldri enn vit, og har var tað serliga bólkurin Ravn­ar við Torbjørn Jensen, Odd­fríður Ras­mussen, Eyðstein Johanne­ sen og Sverra Mohr Edvinsson, ið vit valdu at leggja okkum tætt uppat. Tí bleiv navnið eisini Geisl­ar, tí “ar” máttu vit hava, eins og Ravnar, Hjarnar og onnur, greiðir Frankie Jensen frá. Hann og Jógvan Jón Petersen vóru 16 ára gamlir, tá ið teir gjørdu bólkin í 1988. Jónsvein Poulsen, sum var 17 ár, var elstur, Ási Mikkelsen var 15, og Henning Nicodemussen var bert 14 ára gamal. - Vit spældu nakrar ferðir á Sandi í 1988, síðan til eitt brúd­ leyp í Skálavík, har tey gjarna vildu hava hesar ungu fittu dreingirnar at spæla. Vit máttu í samráðingar við mammu Henning fyri at fáa hana at geva honum loyvi til at verða uppi heilt til klokkan 04 um náttina, sigur Frankie. Ferðaðust eisini Fyrstu ferð Geislar fóru av oynni, var nakrar mánaðir seinni, tá ið teir fóru til Sørvágs at spæla. Eisini tá lukkaðist at fáa Henning við. - Tá hevði ikki verið dansur í Sør­vági í langa tíð, men tey hildu, at vit skuldu royna tað. Vit spældu bæði fríggjakvøld og leygarkvøld, og tað eydnaðist sera væl. - Tað eggjaði okkum til at hugsa stórt. Vit høvdu tá lánt eitt ljóð­anlegg, ið fór at larma, bara vit trampaðu á pallinum, og tí keyptu vit eitt nýtt ljóð­ anlegg fyri 100.000 krónur frá Høgna Andreasen. Vit áttu ikki pengarnar, men Jónsvein, sum tá varð blivin 18 ár, setti seg fyri ein­um láni í Sjóvinnubankanum, greiðir Frankie frá. Eftir hetta spældu Geislar javn­an, og serliga var tað í Glyvra Bio og í Eydnuni á Oyrabakka, at teir slitu sínar gittarstreingir. - Tað bleiv spælt bæði fríggja­kvøld og leygar­kvøld, og tí leigaðu vit altíð ein størri bil til 11 persónar, ið vit kundu cruisa runt við eftir dansin og dagin eftir, sigur Frankie. Teir fingu eisini boð um at koma til Suðuroyar at spæla. - Vit vóru bidnir um at koma til Hvalbiar at spæla. Vit hildu, at tey høvdu tikið feil við onkran annan bólk, men slaturin um teir fittu Geisl­arnar av Sandi rukku eftir øll­um at døma eisini til Suðuroyar. Dans­ur var eisini á Tvøroyri hetta viku­skiftið, men heilt nógv fólk var í dans í Hvalba hóast tað. Comeback Manningin í Geislum broyttist nak­að gjøgnum árini. Jónsvein gavst, og Jógvan Jón fór at spæla bass. Seinni gavst Ási, og Eyðfinn Jen­sen, ið var lærari á Sandi, tók yvir. Seinni valdi Henn­ing at royna nýggjar leiðir innan tónleik, og tá varð tað eingin annar enn Elis Poulsen, sum setti seg við trumm­ur­ nar í bólkinum, sum tá varð kallaður Elis & Geislar. Hóast Frankie flutti til Dan­ markar í 1994 og Jógvan Jón í 1995, spældu Elis og Geislar til høgtíðir á Sandi og í Skála­ vík í nøkur ár, men eftir at Jóg­van Jón flutti út á Dímun, steðg­aði eisini hetta. Teir hava tó onkuntíð verið aft­ur á palli. Í 1998 spældu teir í Vági til brúdleypið hjá Jón­ sveini, fyri fimm árum síðan spældu teir til jubileum á Sandi, og nú leygarkvøldið verður so til­takið Geislar 25 ár. Manningin leygarkvøldið verður tann sama, sum byrjaði bólkin í 1988: Jónsvein Poulsen (bass), Ási Mikkelsen (keyboard), Henning Hjalt Nic­odemus­sen (trummur), Jógvan Jón Petersen (gittar/sang) og Frankie Jensen (gittar/sang). Um vikuskiftið hevur Galerie Focus framsýning við ymiskum verkum eftir kend føroysk listarfólk. Á fram­sýningini verða málningar, tekningar og litografir. Á framsýningini er ein mál­ning­ ur av Tommy Arge, Hans Jákup Gler­foss og J. Waagstein, Eyvindur Mohr og Frida Zachariasen. Tveir mál­ningar av Zacharias Heine­sen og Torbjørn Olsen. Fýra málning­ ar av Steffan Danielsen. Nøkur verk av Ingálvi av Reyni, Arnold Vegg­hamar og øðrum listafólkum. Nakað serligt, sum eisini er á fram­sýningini, eru akvarellir av danska arkitektinum Holger Jensen (1918-2004) av føroyskum kirkj­um. Í Føroyum teknaði Holger Jen­sen, kirkjuna í Fuglafirði, sum stóð liðug í 1983. Framsýningin er opin frá fríggja­degnum til sunnudagin Verk hjá Glerfoss, Waagstein, Vegg­hamar og fleiri verða at síggja á somu framsýning Geislar í 1988. Upprunamanningin í bólkinum spælir á Sandi leygarkvøldið Árni Bech Jensen Árni Bass