hósdagur 16. januar 2014síða 34

Blaðnr. 7 · 17. januar 2014 10 VIKUSKIFTI mynd: Elin Josefina Smith Tónleikur Niels Uni Dam nud@sosialurin.fo Kaj Klein býr saman við listakvinnuni Elin Josefinu Smith í Toustrup Mark, ið er ein lítil bygd í eystur Jútlandi millum Århus og Silkeborg. Her hava tey búð 10 ár, og parið trívist væl. Kaj flutti niður at lesa tónleik á universitetinum í 1980, og er ongantíð fluttur heim aftur. Tey liva eina kreativa tilveru í Toustrup Mark. Elin málar og Kaj ger tón­leik. Hóast bæði eru føroysk, so trívast tey væl í Danmark, men javnan ferðast tey heim, eitt nú tá Elin sýnir myndir fram ella tá Kaj spælir tón­leik. Tað er á einum av hesum ferðunum, at eg hitti Kaj uppi á loftinum í Smiðjuni í Lítluvík. Millum myndirnar hjá Elin Josefinu, seta vit okkum og práta um, hvat hann tekst við, og hvørjar hansara ætlanir eru. Triologiin liðug Í fyrra árið kom fløgan »Í andglettinum« út. Hetta er triðja fløga í einari triologi, ið Kaj hevur arbeitt við í nøkur ár. Hinar fløgurnar í triologini eru trídupult út­ gávan »Úr maskinrúminum« og »Hálvt frá hálsi«. Tónleikararnir, ið Kaj hevur spælt inn saman við, eru ofta danskir elitu­ tónleikarar, men ljóðið passar væl til føroysku fólkasálina, og t.d. ljóðar »Úr maskinrúminum« sum eitt slag av ný­ skrivaðum sjómansvísum, sangir sum Pallasa Pengar, Sawyer og Men tá óttin hvørvur kundu allir verið kvøðu­ljóma­ slagarar. Kaj greiðir frá, at hann sær tær tríggjar útgávurnar, sum eitt slag av triologi. Tí hann visti longu áðrenn hann fór undir tað fyrstu, hvørji løg­ ini skuldu vera á øllum útgávunum. Har vóru hugskot til yvir 50 løg, og sjálv­andi vóru onkri skift út ávegis, men hann helt um konseptið og bulin allan vegin. – T.d. á seinastu útgávuni, »Í and­ glettinum« høvdu vit spælt nóg nógv løg inn, til at tað eisini skuldi vera ein dupult­fløga. Løgini vóru heilt klár, men eg endaði við at kassera nógv av teim­um, so fløgan skuldi rigga sum ein heild, sigur Kaj. Ótilvitaður Cohen Á »Í andglettinum« arbeiddi Kaj saman við Mariu Guttesen, og hetta samstarvið Føroysk fólkasál Vestmenningurin Kaj Klein hevur verið útiseti í eitt mannaminni, men hóast hetta skrivar hann rámandi fólkatónleik, sum við teksti og tónleiki er rótfest í hansara føroyska samleika. Í løtuni hevur Kaj ætlanir um minst tvær nýggjar útgávur, og hóast hann stríðist við avlemjandi høvuðpínu, og tað sum hann sjálvur rópar eitt spilt vinstra oyra, so er tað enn tónleikin, ið hann brennur fyri og arbeiðir við í eystur Jútlandi