mánadagur 3. februar 2014síða 4

Mánadagur 3. februar 2014 · Nr. 14 4 Sosialurin Hugskot og viðmerkingar – send sms til 225000 Á flog Ingolf S. Olsen Sjúrður Skaale, fólkating­s­ limur fyri Javnaðarflokkin, er ein teirra, ið ferðast heilt nógv við Atlantic Airways, og tó at hann ikki sjálvur skal í lumman eftir pengum, tá ferðaseðilin skal gjaldast, tí tað ger Fólkatingið fyri hann, so heldur hann kortini, at tað er prísurin, sum eigur at viga allar mest, nú føroyska flogfelagið er fari uttanlands eftir strategum at seta út nýggja kós fyri felagið. Og hann heldur, at leiðin til Keypmannahavnar hevur so avgerandi týdning í hesum sambandi, at aðrar leiðir eiga at strikast, um tær tyngja rakst­urin og tískil noyða prís­ in á danmarkarleiðini upp. – Málið hjá Atlantic Air­ ways skal vera púra greitt: Føroyingar skulu so bí­liga sum gjørligt kunna sleppa til ein evropeiskan sam­ferðslu­ miðdepil, altso eina altjóða lufthavn, haðani til ber at flúgva til allan heimin. Tann mest upplagdi ferðslu­mið­ depili hjá okkum at flúgva til er sjálvsagt Keypmannahavn, sigur Sjúrður Skaale. At fáa tað at bera til fíggj­ ar­liga at flúgva til onnur ferða­mál, er sjálvsagt eisini eitt mál, heldur hann, men um hetta skal fíggjast við stór­um yvirprísum á rutuni til Keypmannahavnar, er betri at lata vera. – Vit kunnu aldrin flúgva til hvønn krók á klótuni úr Føroyum. Júst tí má fremsta mál­ið vera, at fólk ofta og bíliga sleppa til eitt stað, hað­ ani samband so er til hvønn krók á klótuni. Um aðrar rut­ur fáast at bera seg, skulu tær sjálvsagt eisini flúgvast, men um tær geva undirskot, skulu tær ikki flúgvast, tí so mugu onnur rinda yvirprís, sigur fólkatingslimurin. Vanvittigur prísur Um tað er so, at dan­markar­ leiðin fíggjar aðrar leiðir hjá Atlantic Airways, dugir Sjúrður Skaale ikki at siga, men hann undrast á prísin á danmarkarleiðini, sum hann heldur vera “vanvittigan” sam­anborið við aðrar leiðir. – Allir føroyingar sum ferð­ast, samanbera prísin úti í heimi við prísin á før­ oya­leiðini. Eitt ofta nevnt dømi er, at tú kanst flúgva úr Kastrup til New York fyri sama prís sum til Før­ oya. Eitt annað dømi er, at Atlantsflog flýgur til Egypta­ lands fyri Atlantis Rejser - og ein chartertúrur hagar, við hotelli og mati írokn­að­ um, kann fáast fyri á leið tað sama sum dýrasti flog­ ferða­seðilin millum Vágar og Kastrup. Líka mikið, hvussu hatta verður snarað og vent, so fært tú ikki fólk at góðtaka argumentir fyri hesum, sigur hann og nevnir eitt annað dømi: – Eg tosaði her fyri við ein føroying, sum lesur í Odense. Hann segði, at hansara lest­ rar­bólkur hevði ætlað sær til Føroya á lestrarferð. Øll vóru við upp á tað og gleddu seg. Men tá tey fóru at kanna prísin, øtaðust tey og gjørdu av at fara til Íslands í staðin. Tað var bíligari at leypa Før­oyar um og flúgva tann longra teinin til Íslands. Tað er ein sannroynd, at stórur partur av teimum ferð­andi á føstu rutunum hjá Atlantic Airways eru fólk í vinnuørindum ella al­ mennum arbeiðsørindum – hesi seinastu telist Sjúrður Skaale sjálvur ímillum. Felags fyri hesar bólkar er, at tey ikki sjálvi rinda ferða­ seðilin; tað gera annaðhvørt ein fyritøka ella ein almennur kassi. – Her verður ikki lagt so nógv í prísin, tey gjalda bara. Eg sigi ikki, at tað er so, men tað sigur seg nærum sjálvt, at tað er freistandi at skrúva prísin upp, tá kjarnin í ferða­ fólkahópinum ikki legg­ur so nógv í, hvat tað kostar. Men høgu prísirnir raka so tey, sum flúgva í privatum ørindum, sera hart, staðfestir fólkatingslimurin. Keyp tað selda aftur Onnur viðurskifti, eitt nú betri trimmaður rakstur á jørðini og burturlúking av Orkan skal Vágar-Kastr Føroyingar skulu so bíliga sum gjørligt sleppa til ein ferðslumiðdepil á evropeiska meginlandinum. Tað eigur at verða aðalmálið við nýggju strategiini hjá Atlantic Airways, heldur Sjúrður Skaale, fólkatingslimur. Hann heldur eisini, at einskiljingargongdin eigur at ganga aftur, um ongin kapping heilt skjótt verður um flúgvingina – Eitt alment monopol er hóast alt betri enn eitt privat monopol, og eg haldi, at vit hava bíðað nóg leingi eftir kapping á flogleiðunum. Tí má støða eisini takast til, um tað almenna skal keypa selda partin í Atlantic Airways aftur í sambandi við, at felagið ger nýggja strategi, heldur Sjúrður Skaale, fólkatingslimur