hósdagur 20. mars 2014síða 41

Sosialurin nr. 34 · 21. mars 2014 9 VIKUSKIFTI Eivør, ið leygarkvøldið vann tvær FMA heiðurslønir, er nú farin á konsertferð í Danmark, Týsklandi og Eysturríki. Mikudagin 26. mars legði Jyderup Højskole pall til fyrstu konsertina á várkonsertferðini hjá Eivør Pálsdóttir. Konsertferðin telur 9 konsertir í 9 dagar í trimum ymiskum londum, slag í slag gongur leiðin úr Jyderup til Tønder, til Køln, til Halle, til Aschaffenburg, til Hannover, til Erlangen, til Salzburg til Ebenesee í Eysturríki, har Eivør og bassleikarin Mikael Blak spæla síðstu framførsluna. 4. apríl. Eivør og Mikael hava áður ferðast saman sum duo, og verður hetta lýst sum ein intim duo uppseting. Niels Uni Dam Bjóðaði sjúkuni av Eivør ferðast í Europa Eivør hevur konsertir í Danmark, Týsklandi og Eysturríki Fríggjadagin letur ein framsýning við verkum hjá J. P. Gregoriussen og Anne Marie Gøricke upp í Galerie Focus í Lambagerði 1 í Havn. Anne Marie Gøricke er fødd í 1948 í Ringsted. Um verkini hjá henni á framsýningini í Galerie Focus er at siga, at eftir herviliga, lívshóttandi sjúku, er hon framvegis í fyribyrgjandi viðgerð. Hesi viðurskifti, saman við hendingum á lívsleiðini, hevur leitt til, at hon brádliga aftur tók málarakynstrið uppaftur, sum ein greið avbjóðing mót sjúkuni, sum als ikki skuldi vinna á henni. Málað er við stórum mátti og dirvi, móti sjúkrahóttan, hetta endurspeglast í myndunum. Hon er øðrum til fyrimyndar, sum stríðast við hóttandi sjúku. Hon dittar sær tí til, og nógv hava eggjað hana til at lata hesa framsýning upp í Galerie Focus.   J.P. Gregoriussen er føddur í 1932 í Havn. Hann er útbúgvin arkitektur í 1960 og stovnaði saman við øðrum Arkitektafelag Føroya í 1981. Hann hevur sett sín serliga dám á byggilistina í Føroyum, bæði sethús, skúlar og nógvar aðrar spennandi bygningar til dømis Listaskálan í Havn. Hann hevur sýnt fram sínar tekningar síðan 1962, millum annað ferðatekningar úr útheiminum. Palli hevur altíð verið sera góður við sín føðibý, Tórshavn, og mangan teknað Havnina. Palli hevur eisini útgivið bøkur við egnum tekningum, serliga kendar eru bøkurnar um kirkjurnar í Føroyum. Framsýningin er opin fram til 3. apríl. Tá ið Nick Carraway flytur inn í eini hús á Long Island verður hann granni hjá ríkmanninum Jay Gatsby, sum heldur risastórar veitslur fyri øllum, ið hava hug at verða við. Eingin veit rættiliga, hví Gatsby er blivin ríkur, men spakuliga kemur Nick undir húðina á Gatsby og finnur fram til, hvat tað er, ið rímaðurin hevur í kvittanum. The Great Gatsby, sum F. Scott Fitzgerald skrivaði í 1925, er ein av størstu bókunum í amerikanskum skaldskapi. Bókin hevur yvirlivað tíðarinnar tonn og fekk nýtt lív, tá ið leikstjórin Baz Luhrman gjørdi eina stórsligna endurinnspæling av filmi um bókina. Leonardo DiCaprio og Tobey Maguire hava høvuðsleiklutin í flotta filminum við sterku søguni, sum dregur teg inn í jazztíðina í USA, tá ið nógv bar til, og alt var loyvt. Filmurin vann tvær Oscar heiðurslønir – fyri bestu framleiðslu og bestu sniðgeving. Netflix bjóðar nógvar óneyðugar og líkagyldugar filmar og sjónvarpsrøðir, men Netflix hevur eisini sínar løtur, og í vikuni gjørdist stórfilmurin The Great Gatsby tøkur á Netflix. Eitt gott val, um tú skalt hyggja eftir filmi um vikuskiftið! Anne Marie Gøricke málar við stórum mátti og dirvi móti sjúkrahóttan, og hetta endurspeglast í myndunum Nú ber til at síggja stórfilmin hjá Baz Luhrman á Netflix juni í 1935 datt Carlos Gardel niður við einum flogfari í Medellin í Kolumbia. Alt Latín-Amerika syrgdi deyða hansara. Men arvurin eftir Carlos Gardel livir enn kring allan heimin. Eisini í Dansifrøi í Havn. Tango er ein heims- arvur hjá báðum UNESCO-felagsskapurin hjá Sam­eindu Tjóðum hevur út­nevnt tango-dansin at verða ein heims­ arv. UNESCO hava verið diplo­mat­ iskir, og hava útnevnt dansin til at verða ein arvur hjá bæði Argen­ tina og Uruguay, sum eisini er ein heimsarvur. Bæði londini gjørdu eitt rímiligt krav uppá hetta. Argentina, tí Carlos Gardel menti dansin í teirra landi, og Uruguay, tí teir áttu Carlos Gardel. Í Montevideo verður eisini staðfest, at Carlos Gardel helt við øðrum av teimum stóru fót­bólts­liðunum í Montevideo, nevnliga Nacional. Á leikvøllinum hjá Nacional, Estadio Gran Parque Central er ein heiðursbonkur fyri Carlos Gardel. Eg og Ivan Eginsson Eysturland nýttu, sum myndin sýnir høvið at njóta útsýnið yvir Estadio Gran Parque Central saman við Carlos Gardel. Í miðbýnum í Uruguay sóust ikki so fá fólk, sum royndu seg við tango-dansinum afturvið klassiskum tango-tónum frá fyrst í 20. øld, tá Carlos Gardel var á døgum. Tango-dansurin er veruliga í merginum hjá teimum. »Departament« við stuttligum vegaskeltum Landslutirnir í Uruguay verða nevndir »Departament«. Í Uruguay eru 19 departament. Nógv av departe­mentunum fíggja sítt veganet við vegaavgjøldum, sum ein má rinda rættiliga ofta, tá ein koyrir gjøgnum landið. Og tað eyka út­reiðsluna má ein so kalkulera við. Í summum departamentum býr ikki so nógv fólk, og tað kann verða langt millum býirnar. Tí kunnu vega­skeltingarnar verða rættiliga stuttligar og tilfeldigar, sum dømi, ið sæst á myndini, har ein tvær ferðir innan nakrar heilt fáar metrar verður biðin um ikki at yvirhála. Stemplað »32. februar« Fyri stuttum var Ivan Eginsson Eysturland, fremsti vinurin hjá Uruguay í Føroyum aftur á vitjan í land­inum. Her upplivdi Ivan enn einaferð hvussu rólig fólk eru í Uruguay, uttan at ganga ov høgt uppí allar formalitetirnar. Ivan hevur lutað eitt sera stuttligt pass-stempul við okkum. Av sonnum eitt stempul, sum ikki er unt nógvum at fáa í sítt pass. Seinast í sjeytiárunum gav skaldið Jóanes Nielsen út yrkingarsavnið »Trettandi mánaðin«. Men undirritaði vil siga, at stemplið í passinum hjá Ivan, sum hann fekk í Uruguay slær tað heitið. Har stendur nevnliga »32. februar«. Heri Simonsen Stóri Gatsby á Netflix