mánadagur 19. mai 2014síða 5

5 Mánadagur 19. mai 2014 · Nr. 56 Sosialurin Hugskot og viðmerkingar – send sms til 225000 Jón Brian Hvidtfeldt Óhappið, tá Skansanes rendi á landi í Storfjorden við Ålesund Dýra biðidag, er nú endað á borðinum hjá før­ oyska Sjóvinnustýrinum. Skansa­nes er undir før­oysk­ um flaggi, skrásett í FAS, og tí eru tað føroysku myndug­ leikarnir, sum í kjalar­ vørrinum á óhappinum krev­ ja skipið afturhildið. - Tað gera vit, soleiðis at klass­in kann koma umborð at kanna trygdina og um alt er í lagi, sigur Hans Jóhan­n­ es á Brúgv, stjóri á Sjó­vinnu­ stýri­num, sum umsitur FAS. Sjóvinnustýrið viðger í løtuni, um tey sum myndug­ leiki skulu krevja sjó­frá­greið­ ing um óhappið. - Fáa vit eina nøktandi frá­greiðing frá reiðarínum, so kann tað vera nóg mikið í sær sjálvum. Annars verður sjó­frágreiðing hildin har yvi­ ri í Norra, sigur Hans Jóhan­ nes á Brúgv. Sjóvinnustýrið hev­ur fyri­bils fingið eina skaða­frá­ boð­an frá reiðar­ínum. Sambært norskum fjøl­ miðl­um sigldi Skansanes tætt framvið einum ali­ brúki har á leiðini, sleit eina ankring til aliringar, áðr­enn skipið rendi á land. Til­burð­ ur­in fór fram stutt áðrenn klokk­an 13 Dýra biðidag. - Slapp fiskurin úr ali­ nótini, kundi verið talan um eina náttúruvanlukku, sigur alarin Roar Kjølås við lokala Sunn­møre Posten. Átaksleiðarin á staðnum, Trygve Ødegård, segði við blað­ið eftir óhappið, at eftir øll­um at døma var skiparin sovn­að­ur. Ein meting, ið reiðarin á Skansa­nesi váttaði fyri in.fo leygar­dagin: - Skiparin var sovnaður, og so rendi báturin á land, segði Emil Gert Nielsen við in.fo leygardagin. Sambært Emil Gert Niel­ sen var tað bara kúlustevnið á Sekstant, ið fekk skaða. Tað er reiðaríið Sekstant, sum eig­ur Skansanes. Reiðaríið er heimahoyrandi í Havn. Afturvendandi Hetta er ikki fyrstu ferð, at reiðaríið Sekstant er end­að á borðinum hjá Sjó­vinnu­ stýrinum, tí skipini hjá reiðarí­num hava verið fyri óhap­pi. 9. november í fjør rendi skip­ið Tinganes á land við lítlu bygdina Nesje í Møre og Romsdal. Skipið stóð langt uppi í fjøruni, tá fólk á staðnum vaknaðu henda leygar­morgunin. Ta ferðina við­gekk skiparin, at hann var sovn­að­ur á vakt. Sambært Hans Jóhannes á Brúgv vóru fleiri fundir við reiðaríið eftir óhappið í novem­ber. Hann vil kortini ikki upplýsa niður í smálutir, hvat hesir fundir snúu seg um. Men evnið var trygdin um­borð. Hóast skip hjá Sekstant hava siglt á land í Norra, tvær ferðir innan rímuliga stutta tíð, so vil stjórin á Sjó­vinnustýrinum ikki bein­ leiðis tosa um hert eftirlit við reiðarí­num. - Vit mugu gera okkara met­ingar, frá máli til mál, sig­ ur Hans Jóhannes á Brúgv. Stjórin á Sjó­vinn­u­ stýri­num váttar tó í sama viðfangi, at tá talan er um tveir tílíkar tilburðir eftir lutfals­liga stuttari tíð, so verð­ur neyðugt at taka tað við í viðgerðina. Tað bar ikki til at fáa fatur á reiðaranum á Skansanesi, Emil Gert Nielsen, til blaðið ídag. Vit vildu fegin tosa við hann um óhappið Dýra biði­ dag og hvat reiðaríið hevur gjørt fyri at forða slíkum, síða­ni óhappið við Tinganes 9. november í fjør. Sosialurin hevur verið í sam­band við skiparan á Skansa­nesi, men hann hevur ong­ar viðmerkingar til málið. jonbrian@sosialurin.fo Afturvendandi trupulleiki -Skansanes verður hildið aftur, meðan trygdin umborð verður kannað, sigur Hans Jóhannes á Brúgv, stjóri á Sjóvinnustýrinum, sum nú skal taka støðu til, um føroysku myndugleikarnir skulu krevja sjófrágreiðing eftir at føroyska skipið sigldi á land í Norra Skansanes á video Ein norskur alari tók video, tá Skansanes fór við fullari ferð skamt framvið nakrar alarar og rendi inn í bergið - Her kundi verið talan um eina vanlukku. Tað sig­ur alarin hjá Fjordlaks, Ro­ar Kjølås, sum stutt fyri klokkan 13 sá Skansa­nes koma siglandi við full­ari ferð inn móti ali­brúki­ num. - Hevði skipið rent inn í aliringarnar, so kundi ver­ ið talan um eina náttúru­ van­lukku, sigur Roar Kjølås við lokala blaðið Sunn­mørs­posten. Alarin tók alt upp á video, og tí ber til at síggja til­burðin á fleiri norskum og eisini føroyskum, fjøl­ miðlu­m. Sum nevnt í aðrari grein her á síðuni er skipar­in eftir øllum at døma sovnaður. jonbrian@sosialurin.fo Myndir: Sunn­mørs­posten