hósdagur 18. september 2014síða 31

Sosialurin nr. 106 · 19. september 2014 7 VIKUSKIFTI Tiltikin útgáva rundar fimmti Tá ið mætasti tónleikabólkur nakratíð í 1964 fór í studio at innspæla nýggja plátu, var tað fystu ferð, at The Beatles upptóku tónleik á eitt 4-sporað band. Hetta gjørdi nakað við tónleikin hjá bólkinum, og útgávan A Hard Day’s Night, sum í ár fyllir 50 ár, er ein av bestu útgávunum hjá Liverpool-dreingjunum. Hevur tú eina lagaliga løtu um vikuskiftið, kanst við hesari legendarisku útgávu leggja oyru til popptónleik, sum eingin megnar at gera The Beatles eftir. LURTA! kelda: Manntal 2011 Tað ber til at leingja lívið, tíma fyri tíma. Tí tey siga, at frukt er so sera góð fyri heilsuna og alt annað. Seks um dagin og tú livir longur. Spurningurin, eg spyrji meg sjálvan, hvørja ferð, eg eti frukt, er, um eg fái líka nógva tíð í hinum endanum sum eg brúki upp á fruktina her og nú. Tað tekur eina góða løtu at eta eitt súrepil, og tað skal skolast fyrst. Ella skrædla eina banan og skrubba eina háorkuperu. Trupulleikin var ikki so stórur, um eg dugdi at multitaska. Um eg kundi dustsogið og flust eina appelsin í senn. Tað eru tey, sum duga at lata eina greypfrukt úr við yndi, meðan tey sita á feys­ bukkuni. Spurningurin er, um vit fáa tann tíman, vit brúka hvønn dag upp á fruktina, tveir tímar, taka vit grønmetið við, aftur í aldur­dóminum ella fyrr. Og hvat, um vit doyggja av C-vitamin mis­nýtslu, áðrenn vit blíva gomul og skulu í holt við uppspardu vitamin­eftirlønina? Og so øll handan vistfrøðin. Nei, takk, ikki her. Vistfrøði er ein religión. Eg kann ikki torga religiónir, tær eru skaðiligar og geva búkilsku og leyst lív um­ framt lyfti um ævigt lív. Men siga vit, at vit fáa hasar báðar tímarnar, vit seta av og brúka til frukt og grønmeti hvønn dag, 730 tímar, 30,416666 sam­døgur um árið, aftur, ja, so gongur líka upp, tíma fyri tíma. Einki er vunnið. Annað enn, at deyðin verður útsettur. Og er tað nakar fyrimunur? Hann kemur kortini. So hví eta frukt og grønt, og ikki okkurt, sum smakkar væl? Tí tað siga øll donsku vikubløðini, nýggjasta testamenti hjá flestu føroy­ingum. Og kann tað, í ringasta føri, ikki enda við ævigum lívi hesu megin ævinleikan, um tímar hvønn dag leggjast afturat í hinum endanum? Annars siga tey klóku nú, at fólk, sum trúgva, liva longur enn vit, sum ikki trúgva. Enn eitt dømi um, at rættvísi er ein býur í Belgia. Teimum, sum trúgva, nýtist ikki at liva leingi, tí tey halda jú fram at liva eftir deyðan. Tey stúra ikki fyri tí eina degi. Hjá teimum er deyðin bara ein rundkoyring, inn øðru megin. út aftur hinu megin og so bara beint fram í allar ævir. Kanska er hatta bara enn ein av hasum annanhvønn­dag­ kanningunum. Annan hvønn er kaffi drepandi, annan hvønn dag er tað betri enn nakað annað, eisini betri enn gudsótti, fyri heilsuna. Sum við fruktini og grøn­ metinum, sum leingja lívið, fáa tey trúgvandi tað, tey brúka upp á trúnna, aftur. Tey fáa minst tann eina tíman, tey brúka í kirkjuni, og tann hálva tíman, tey brúka upp á morgunlesturin hvønn gerandisdag, aftur, hóast tey heldur vilja í rundkoyringina sum skjótast. Tí ævigt er betri enn stokkut. Og so øll tey, sum renna undan onkrum ella eftir onkrum øðrum, renna sum fyri lívinum. Og tað er júst tað, tey gera, renna fyri lívinum. Fyri hvønn tíma tey renna, fáa tey ein tíma afturat at renna í. Tey renna sum undan tarvi í outfitti fyri minst eina hálva vikuløn brutto við øllum møgu­ ligum tólum uppi á sær, sum máta pulsin, BMI, BTÚ, arbeiðs­ loysið, ferðina, kilometrarnar, costbenefit, alduhæddina, alt, sum kann mátast. Tølini eru prógvið. Vit liva í allar ævir hesum megin ævinleikin. Tíma­ glasið er altíð hálvfult. Í Himmiríkisfelagsskapinum ber bara til at renna, tá samdrigið er. Kánus spurdi Gánus, hví allar kvinnurnar í Starvs­manna­felag­ num ikki krevja, at felagið eitur Starvs­fólkafelagið, og eta eitt súrepli og eitt rátt brokkoli og fara út at renna, starvs­kvinnu­ renning. Umafturafturum høgni djurhuus Móðurmálsviðursløn 2012 Ævinleiki fyri tímaløn LURTA LES & UPPLIV lagt til rættis: Eyðun Klakstein 9 ára gamal súkklaði 35 km til mammuna Ein 9 ára gamal drongur í Faaborg í Danmark longdist mánadagin so illa eftir mammu síni, sum ikki longur býr saman við honum og pápanum, at hann tók málið í egnar hendur. Hann súklaði 35 kilometrar úr Faaborg til Assens, har mamman býr. Tá ið pápin fann út av, at drongurin var horvin, ringdi hann til løgregluna, og drongurin varð eftirlýstur í tveir tímar, áðrenn hann varð funnin við eina bensinstøð í Assens, har fólk høvdu givið honum okkurt at eta og drekka, tí hann tóktist so troyttur. Fólk og lagnir í heimbýnum Norski rit­høv­ undin Tomas Espedal blandar sjálv­ lævisøgur, brøv, skald­skap og journalistikk í sínum søgum úr heimbýnum Bergen. Sein­ asta útgávan hjá Espedal, Bergeners, snýr seg um fólk í heim­stað­num, og Espedal brúkar seg sjálvan og sínar upplivingar í sermerkta máta­num at skriva og siga søgur. Smáligur kritikkur av Søvndal Um vikuskiftið verður árligi Fólkafundurin hildin í ítróttardeplinum í Runavík. Ein av gestunum á fundinum er fyrrverandi danski uttanríkisráðharrin Villy Søvndal. Hann fer millum annað at tosa um, hvussu tað er at uppliva smáligan kritikk um málburð og slipsaknútar heldur enn at verða viðgjørdur fyri tað, sum hann stendur fyri. Samrøða verður við Villy Søvndal fríggjakvøldið kl. 20.30. Craig aftur sum 007 Fyrst í desember byrja upptøkurnar til nýggjan James Bond film, og enn einaferð verður Daniel Craig í leiklutinum sum 007. Hetta verður fjórði Bond-filmurin við Craig í høvuðsleiklutinum. Ralph Fiennes skal aftur spæla M, og Ben Whishaw spælir ein unga útgávu av Q. Naomie Harris heldur fram í leiklutinum sum Miss Monneypenny. Enn er heitið á nýggja filminum ikki likið út – arbeiðsheitið er Bond24. Filmurin skal frumsýnast í oktober 2015. 6,5% av øllum fólkum í Føroyum yvir 15 ár hava ikki føroyskt sum móður­mál UPPLIV! LES! Visti tú?