mánadagur 29. september 2014síða 17

17 Mánadagur 6. januar 2014 · Nr. 2 Sosialurin Hugskot og viðmerkingar – send sms til 225000 Mánadagur 29. september 2014 · Nr. 110 undir fýra eygum liðfelagin í HM í bólkinum U23. Sverri stendur við einari HM av­bjóðing á øðrum sinni – hesuferð í einum dupult­ skullara og ikki á einari rógvi­maskinu, og tað er ein av­bjóðing. – Eg var óroyndur í skullara­báti, og innleiðandi rógv­ingin gekk ikki væl. Men vit vunnu B-finaluna, og tað var ein ótrúlig kensla. Harvið eru Sverri og lið­ felagin nummar 7 í heim­ inum í U23 bólkinum, og fram­tíðin sær bjørt út. Men tað er ikki við liðfelaginum, at Sverri fer at náa OL-gull­ inum. Trívist best við sær sjálvum Prátið fellur á hendingina fyri stuttum, tá Sverri varð fluttur úr dupult­skullar­ anum og í ein einmans­skull­ ara. Ungi Miðvingurin gerst kúrrur. Hann hyggur niður í borðið. Tað gerst greitt, at hetta er nakað, ið nemur drong­in við sjálvsálitinum. – Eg var harmur, tá eg fekk boðini, tí eg trúði veru­ liga, at vit kundu gerast heims­meistarar saman. Men í roynd og veru gekk bát­urin betur við einari aðrari mann­ ing. Tó eri eg fegin um, at eg loksins kann rógva einmans­ skullaran, tí tað dámar mær best. Sverri trívist best við sær sjálvum, og júst hetta lýsir hann bæði sum eina styrki og veikleika. – Eg dugi illa at samstarva, og mær dámar ikki at linka míni krøv. Og so dugi eg heldur ikki væl at rógva saman við øðrum – eg síggi bert feilirnar hjá øðrum og ikki mær sjálvum. Á tann hátt tóku venjararnir røttu av­gerð­ina, sigur Sverri av­ gjørdur. Men hetta steðgar ikki treiska Miðvinginum, tí málið er enn greitt. Hann grætur eftir OL-gullinum í ein­mans­skullara. – Størsta bragdið innan kappróður er at vinna OL- gull í einum einmansskullara. Tá kanst tú siga, at tú ert besti rógvarin í heiminum, og tað ætli eg mær at verða. Eg venji ómetaliga nógv, og tað eru venjararnir fegnir um. Teir meta, at eg skal gerast betur fyri tekniskt, og so kann eg rógva eins skjótt og teir bestu í heiminum. Lagið er betur, og vónin byrtist aftur í andliti Sverra. Onkursvegna kann Sverri sammetast við aðrar mætar einstaklingar í ítróttarsøguni – Tiger Woods, Usain Bolt ella Micheal Jordan. Allir hava myndað sína ítróttar­ grein á ymsan hátt, men felags­nevnarin er, at teir trívast best sjálvir og halda nógv um seg sjálvar. Einki iva­mál er um, at Sverri hevur nógvar av egin­leikunum, sum ein OL-vinnari skal hava. Og við einans 20 árum í ryggsekkinum, liggur framtíðin opin framman fyri fótunum hjá Sverra Sandberg Nielsen. marita@sosialurin.fo UM Sverra Nilesen Rógvarin Sverri Sandberg Nielsen er 20-ára gamal og er ættaður úr Miðvági. Sverri er sonur Thorfinn og Jórunn Nielsen og hevur tvey eldri systkin, ið eita Bjarni og Elsa. Í 2011 flutti Sverri til Danmarkar til tess at gerast danskur landsliðsrógvari. Hann býr í Bagsværd, har hann venur saman við danska landsliðinum. Útyvir kappróðurn lesur Sverri til bachelor í ´elektrisk energi teknologi´ á DTU. Hvør er størsta róðrarupplivingin? – Tað var, tá eg vann óalmennu HM-kappingina í inniróðri í 2011 í bólkinum U19 . Hetta var ein stór kapping, og nógvir góðir rógvarar tóku lut. Áðrenn kappingina var eg als ikki vísur í, at eg fór at vinna. Tó visti eg, at møguleikin var har. Tá 500 metrar restaðu gjørdist eg greiður yvir, at eg hevði vunnið. Um tú ikki var rógvari, hvat hevði tú so íðkað? – Eg hevði avgjørt íðkað einstaklingaítrótt, tí tað dámar mær best. Eg hevði valt eina ítróttargrein, har kroppurin var skorin júst til ta greinina. Møguliga kajakk, tí eg havi ein sterkan yvirkropp. Tað er ikki óhugsandi, at eg hevði roynt meg innan 400 ella 800 metra renning. Hóast kroppur Sverra ikki er skorin til kappróður, so hevur hann orku sum fáður, tá tað umræður inni­róður. – Eg havi eina góða súr­ evnis­upptøku, so eg kann halda á leingi, tá eg rógvi. Og júst áhaldni er ein fyrimunur, tá 2000 metrar skulu rógvast í inniróðri. Tann 10. september í ár nýtti Sverri 5.48.3 min­ uttir at rógva teir 2000 metrarnar. Hendan tíðin er sjey sekund skjótari enn danska metið. Tó er tíðin ikki almenn, tí róð varð ikki til eina al­ menna DM-kapping. Góða tíðin ber tó við sær, at Sverri nærkast stóru róðrarfyrimyndini, norð­manninum Olaf Tufte, ið hevur vunnið tvær OL-gullmedaljur í ein­mans­skullara. Besta tíðin hjá Tufte í inniróðri er 5.44.0. marita@sosialurin.fo Skjótasta tíð nakran­tíð í Danmørk Altjóða úrslit: 2014 6.pláss til World Cup í Sidney (senior) - dupultskullari 2013 7.pláss til HM (U23) - dupultskullari 2011 1.pláss til óalmennu HM-kappingina í inniróðri (U19) - einstakl. – Eg eri alt annað enn lítillátin, og eg haldi, at eg kann gerast heimsins besti rógvari, sigur Sverri Sandberg Nielsen Mynd: Marita á Rógvi