mánadagur 6. oktober 2014síða 9

9 Mánadagur 6. oktober 2014 · Nr. 113 Sosialurin Hugskot og viðmerkingar – send sms til 225000 Danjal av Rana Guðrið Højgaard tók við sum stjóri á Ferðaráðið Før­oya í 1. mai í 2012. Ráðið var tá endurstovnað undir Vinnumálaráðnum, eftir at tað hevði verið fyri nógvum broytingum seinastu árini og at enda lagt undir Uttan­ ríkismálaráðið, áðrenn tað bleiv heilt avtikið. Síðani Guðrið Højgaard tók við, er felagið blivið al­ samt meiri sjónligt, og sam­ bært fleiri av luttak­arunum á Vestnorden Travel Mart, er tað í stóran mun Guðrið Høj­gaard at takka. Anders Stenbakken, stjóri í Visit Greenland og for­maður í NATA, er púra av­gjørdur. – Ein stór broyting er hend, eftir at Guðrið Højgaard tók við. Áður var tað ógreitt, hvat Føroyar høvdu at bjóða. Hon hevur megnað at givið føroyska produktinum eina klára rødd, sum ger tað nógv lættari at marknaðarføra Føroyar úti í heimi. Nýggja lýsingarátakið við un-orð­ unum er eitt gott dømi um hetta, sigur hann. Kent Christensen, stjóri á Make Travel, heldur, at partur av góðu gongdini má tilskrivast góða sam­band­ inum, Guðrið Højgaard hev­ ur við politisku skipanina. – Guðrið hevur megnað at fingið nógv sterkari polit­ iska undirtøku enn undan­ gongumenn hennara, og tað er alneyðugt í hesi vinnuni, sigur Kent Christensen. Ferðavinnuni í Føroyum er neyvan lív lagað uttan politiskan stuðul, og tí er tað so týdningarmikið, at stjórin í Visit Faroe Islands hevur politiskan tokka. Og tað hevur Guðrið Højaard uttan iva, sigur hann. Visit Faroe Islands hev­ ur seinastu árini verið serliga sjónligt við síni un- lýsingarátakið, har Føroyar verða lýstar við ymiskum enskum orðum, ið byrja við forskoytinum un. Í nýggastu kykmyndalýsingini síggja vit orð sum untamed, un­ compli­cated og un­con­ quered. Kent Christensen sigur, at tað tykist sum Guðrið alla tíðina hevur meiri at geva. – Ein fær ongantíð ta kensluna, at nú hevur hon einki vápn eftir í arsenal­in­ um. Tað gongur bara stutt tíð, frá eitt átak er sett í verk, til hon er í gongd við næsta átakið. Svend Aage Ellefsen, eig­ ari av Hotel Streym, sigur, at størsta broytingin er, at ferðavinnuarbeiði er komið í fasta legu. – Tað var so nógv órógv í fleiri ár. Ferðaráðið skifti navn og skap í heilum og varð flutt millum stovnar og aðalráð og til endans endurstovnað undir vinnu­ málaráðnum. Tað er torført at arbeiða undir so skiftandi og óregligum umstøðum. Hann heldur, at arbeiðið sum Guðrið Højgaard og onnur hava gjørt við at skipa Visit Faroe Islands sum eitt alment partafelag, er tann rætta leiðin. – Nú verður tað meiri stabilt. Felagið fær fríari teymar at nýta játtanina hjá sær, umframt, at játtanin ikki má og skal brúkast í inniverandi fíggjarári, men kann flytast inn í komandi fíggjarár. Hetta fær at skapa grundarlag fyri einum nógv størri kontinuiteti í ar­beiðinum hjá felagnum, sigur Svend Aage Ellefsen. Inga Hlín Pálsdóttir, stjóri í Promote Iceland, er eisini bergtikin av stjóranum á Visit Faroe Islands. Hon legg­ur serliga dent á, at sam­starvið í útnorðri er nógv broytt, síðani Guðrið Højgaard tók við sum stjóri á Visit Faroe Islands. – Samstarvið er nógv betri nú. Vit hava ikki bara fingið ein lim afturat í NATA, men ein ógvuliga virk­nan lim. Hon er íðin og als ikki bangin fyri at taka við ábyrgd. Hetta smittar av á hinar limirnar í samstarvinum, sigur Inga Hlín Pálsdóttir. Guðrið Højgaard tekur við for­ manssessinum í NATA 1. januar, eftir Anders Sten­ bakken. Tað tykist, sum tey flestu eru viss í, at ferðavinnan í Føroyum er í tryggum hond­um, so leingi sum Guðr­ið Højgaard stendur við róðrið. Danjal av Rana Eitt av aðalmálunum hjá Visit Faroe Islands er at økja um ferðafólkatølini í Før­ oyum lágárstíð. Eitt nýtt lýs­ingarátak er júst farið av bakkastokki, ið lýsir Føroyum um veturin, millum annað við einum nýggjum filmi. Ein onnur roynd hjá Visit Faroe Islands at draga ferðafólk hendan vegin í lágárstíð, er at marknaðarføra Føroyar sum eitt ferðamál fyri fyritøkur og stovnar, sum skulu skipa fyri ráðstevnum, starvsfólkafundum, leiðslu­ fundum, ársmøtum og so fram­vegis, tann sokallaði MICE-marknaðurin. Í síni marknaðarføring legg­ur Visit Faroe Islands millum annað dent á, at Før­ oyar ikki eru so fjar­skotnar kort­ini. Tað tekur einans eini tveir, tríggjar tímar at náa Før­oyum úr fastlandsevropa. Harumframt eru umstøð­ur­ nar at skipa fyri ráðstevnum og øðrum fundum í Føroyum sera góðar. Umframt tvey fýra-stjørnu hotell, hava vit eisini ein fimm-stjørnu fundardepil, nevniliga Norð­ ur­landahúsið. Seinastu árini er eisini ein stór menn­ing farin fram innan frítíðar­ virksemi. Nýggir veitarar sum Coastzone og Rib62 veita júst slíkar tænastur, sum tílíkar fyritøkur ynskja á starvsfólka- og leiðslu­ fundum, til toymis­menn­ing og annað. Annleyg Lamhauge, MICE marknaðarleiðari á Visit Faroe Islands, sigur, at tey royna at marknaðarføra Føroyar sum tað nýggja staðið. – Nógvar av hesum fyri­tøk­unum hava verið í London, París og Dubai. Nú leita tey eftir onkrum, sum er heilt annarleiðis, og tað kunnu vit bjóða, sigur hon. – Vit arbeiða hart fyri at gerast sjónlig á marknaðinum og at tryggja okkum, at fólk hugsa um Føroyar, tá tey skulu fyrireika teirra næsta starvsfólkatúr, sigur Annleyg Lamhauge. Visit Faroe Islands er til staðar á ymiskum MICE-ferðavinnustevnum uttanlands, umframt at tey bjóða fólkum, ið fáast við bóking av slíkum túrum, til Føroya at síggja, hvat Føroyar kunnu bjóða. – Tey, sum hava verið her, hava verið sera væl nøgd og vísa stóran áhuga, at koma til Føroya við størri bólkum, sigur Annleyg Lamhauge, sum nevnir, at fyri kortum vóru eini 200 starvsfólk úr danskari fyritøku á starvs­ fólkafundi í Føroyum. – Fyri fólk flest eru Før­ oyar ókendar og tí eisini spenn­andi. Vit kunnu bjóða fyrstafloks umstøður til ráð­stevnur og fundir, góðar umstøður til gisting og mat, og síðani er nógv at tak­ast við, tá fundurin er liðugur. Tá eru veitarar sum CoastZone or Rib62 klárir at geva ferðafólkunum eina uppliving, sum tey neyvan fáa nakra aðrastaðni í heim­ inum. Annleyg Lamhauge sigur, at sokallaði MICE-ferðafólk eisini geva restini av vinnuni nógv meiri enn vanlig ferða­ fólk. – Í vinnuni verður sagt, at vanlig ferðafólk leggja um 1.000 krónur eftir seg fyri døgnið, meðan MICE- ferðafólk leggja um 3.000 krónur eftir seg. Av tí at fyritøkurnar gjalda fyri ferð, gisting, mat og frí­tíðar­virk­ semi, hava tey nógv meiri pening tøkan til egna nýtslu, enn vanliga ferðafólkið. Hetta er peningur, sum so verð­ur nýttur í handlum, í café­um og kanska eisini í náttar­l­ívinum. Møguliga eru tølini eitt sindur lægri í Før­oy­um, men mynsturið er greitt. Føroyar hava eina ferða­ vinnu í menning, og um summarið er heilt fitt av ferðafólki í Føroyum. Vónin hjá Visit Faroe Islands er, at nýggja lýsingarátakið og MICE-marknaðarføringin, fara at fylla tey seingjar­ pláss­ini, sum standa tóm restina av árinum. - Hetta veitir eisini øðrum veitarum eina hjálpandi hond. Við at leingja sesongina hjá gistingarhúsunum, leingja vit vónandi eisini se­song­ina hjá frítíðar­virk­ semis­veitarunum. Nógv av hesum virksemi er jú tílíkt, sum føroyingar eisini njóta gott av, og tískil er bara gleði­ligt, um vit, við at draga ferðafólk hendan vegin, eisini kunnu betra um tilboðið til føroyingar í Føroyum, sigur Annleyg Lamhauge. Guðrið hevur sett røttu kósina Umboð fyri ferðavinnuna, bæði í Føroyum og í útlandinum, eru bergtikin av Guðrið Højgaard, stjóra á Visit Faroe Islands Hava verið í London, París og Dubai – nú skulu tey dragast til Føroya. Visit Faroe Islands vilja hava útlendskar fyritøkur at skipa fyri ráðstevnum, starvsfólkafundum og leiðslufundum í Føroyum Skulu lokka vinnu­ ferðandi til føroya Annleyg Lamhauge, MICE marknaðarleiðari á Visit Faroe Islands