hósdagur 23. oktober 2014síða 32

Sosialurin nr. 118 · 17. oktober 2014 8 VIKUSKIFTI Sniðgeving Barbara Holm barbara@sosialurin.fo Tað er eitt serstakt huglag í sam­ felag­num í dag. Tað tykist sum, at tað brád­liga er vorðið kul at vera krea­tivur. Allir tannáringar ynskja at vera listafólk og at skapa tá tey vera stór. Uttan at tey veru­liga vita hvat tað merkir. Tað er heldur ikki løgið, tí føroyingar eru óvan­liga kreativir. – Tað er nakað serstakt við føroy­ ingum á tí kreativa partinum. Teir næm­ingar vit hava duga allir onkran part av fakinum ótrúliga væl uttan stór­vegis undirvísing, sigur Laila av Reyni, leiðari, sum tó er í farloyvi í hesum døgum. Sniðgeving í Føroyum vindur meira og meira uppá seg, og vit síggja javnan, at nýggjar sniðgevar bjóða seg fram við vørum av alskyns slag. Men eingin ivi er um, at tað er ein beinhørð vinna at ar­beiða í. – Tey flestu merkini í dag hava tað ikki gott. Tey stríðast fyri at sláa í gjøgnum, og sum oftast tekur tað langa tíð. Tað er væl eisini tí, at vit bert hava nakrar fáar sniðgevar, sum av álvara eru komnir útum land­ oddarnar, vísur Laila av Reyni á. Hinvegin er greitt, at teir smærru sniðgevarnir hava stórt potentiali, og mong eru tey, sum Laila metir hava evnini til at røkka langt. – Tá ið vit tosa um klæði, so skalt tú í veruleikanum bara kunna avrika nakað serstakt og óvanligt, og so stendur heimurin opin. Og at finna uppá nakað serstakt duga vit væl í Føroyum, sigur Laila. Hon er eisini sannførd um, at vit enn bert hava sæð toppin av ís­fjall­ inum, tí gongdin á Tekniska Skúla sein­astu árini gevur Lailu eina fatan av, at fleiri sera dugna­ligir sniðgevar eru í land­inum, sum enn ikki hava latið frætt frá sær alment. Tað er kanska ein avleiðing av, at tíðarandin í dag leggur upp til, at vit skulu vera egin og trúgv móti okkum sjálvum. – Og soleiðis gerast tey fleiri og fleiri, sum fara kreativu leið­ina ístað­in fyri tær siðbundnu leiðir­nar, sigur Laila. Tað almenna kann birta uppundir Í 80'unum vóru fleiri framleiðslu­ fyri­tøkur innan klæði at finna í land­inum. Kreppan í 90'unum fór av­stað við hes­um fyritøkum, og í dag er eingin slíkt fram­leiðslustova at finna. Tað er spell, heldur Laila av Reyni. – Næmingarnir, sum koma til okk­ ara, duga so at siga einki innan fakið áðrenn. Men eftir stutta tíð liggur væl fyri, og tí hevði tað verið ynskiligt at sæð, at næmingarnir kundu fara víðari í læru í eini framleiðslustovu, sigur Laila av Reyni. Hon er vís í, at tað hevði gagnað snið­geving í Føroyum, um øll føroysk merki vóru framleidd í landinum, og ikki í Kina ella aðrastaðni. – Tað er stórt spell, at vit í stóran mun ikki framleiða okkara egnu klæði her í landinum, tí tað hevði ivaleyst eis­ini økt um virði á vøruni, vísur Laila á. Men tað er dýrari at framleiða í Før­oyum, og tískil velja nógvir snið­ gevar, at senda pløggini uttanlands til við­gerar. Um tað almenna hevði givið snið­ gevum og framleiðslustovum onkran fyrimun, so hevði ivaleyst verið lættari hjá okkara dugnaligu snið­ gevum at gjørt um seg á altjóða palli. – Mítt ynski er, at vit í framtíðini fram­leiða okkara klæði í Føroyum. Tað er so eingin ivi um, at vit hava fólkini, sum duga handverki til fulnar, sigur Laila av Reyni. tema Føroysk sniðgeving Hava stórt potentiali í Føroyum – Enn hava vit einki risastórt klædnamerki í Føroyum, men tað er eingin ivi um, at evnini eru har. Og ráki í samfelagnum í dag viðførir, at alsamt fleiri leita til sína kreativu síðu, og fara undir at skapa, sigur Laila av Reyni, sum er leiðari á klædna og tilvirkisdeildini hjá Tekniska Skúla í Havn Laila av Reyni, leiðari á klædna og tilvirkisdeildini hjá Tekniska Skúla í Havn