mánadagur 1. desember 2014síða 30

Mánadagur 1. desember 2014 · Nr. 137 30 Sosialurin Hugskot og viðmerkingar – send sms til 225000 ítróttur Heimsmeistarastevnan í svimjing á stuttgeil verður í Doha í Katar hesa vikuna frá 3. til 7. desember 2014. Pál Joensen er við umframt tveir aðrir føroyskir svimjarar Pál bjóðar av í Katar svimjing Tróndur Arge So er aftur HM á skránni í svimjing. Talan er hesa ferð um HM á stuttgeil, ið merkir at svimjihylurin er 25 metrar langur, og ikki 50 metrar langur, sum hann er til eitt nú OL leikirnar. Føroyar hevur tríggjar svimjarar við á ferðini til Katar, Tey 3 úr Føroyum eru Pál Joensen úr Suðuroyar Svimji­felag, Cecilia Wigant Eysturdal úr Ægir og Óli Mortensen úr Havnar Svimjifelag. Afturat teimum eru portu­gisiski høvuðsvenjarin hjá Havnar Svimjifelag, Rui Magalhães, ferðaleiðari Malan Vitalis Bærendsen, og svimji­sam­bandsformaðurin Rókur í Jákupsstovu. Pál, Malan og Rókur ferð­ aðust til Doha fríggjadagin 28. november, meðan hini komu vegin fram sunnu­dag­ in 30. november. Úr Katar frætta vit, at veðrið er gott. Hitin liggur um einar 21 gradir um nátt­ ina, meðan tað er nakað heit­ ari um dagin. Fyrstu dagarnir er eyka- aðalfundur hjá FINA(altjóða svimjisambandið) á skránni, umframt venjararáðstevna, svimjiráðstevna, tekniskir fundir og sjálvsagt síðstu fyri­reikingar hjá svimjar­ unum til HM. Størstu vónirnar eru til Pál Størstu vónur eru ikki óvænt­að til Pál í 1.500m frí, umframt møguliga eisini til Pál í 400m frí. Í 400 frí skulu teir svimja um at koma í finalu sama kvøld, meðan 1500 frí verður avgreitt við beinleiðis finalum, har teir átta svimja í finalupartinum um kvøldið, sum hava bestu til­meldingartíð frá øðrum stevnum hetta seinasta árið. Tí er ikki greitt enn, um Pál er millum teir átta við bestu tilmeldingartíðum; men har skuldi verið góður møgu­leiki fyri tí. Sambært styrkislistanum hjá FINA er hann fjórð skjót­ astur í heiminum hetta farna árið, ið er tíðarskeiðið sum kann brúkast til til­meld­ ingar­tíðir, og tí skal nógv til áðr­enn hann ikki er í besta riðli. Í veruleikanum er tað ikki alneyðugt at svimja í finalu­ partinum í 1500 frí, við tað at úrslitini frá innleiðandi eis­ini telja við í sovorðnum kapp­ingum við beinleiðis final­um. Vit sóu til dømis á HM í Dubai í 2010, at tunes­ iski Oussama Mellouli vann 1500 frí hóast hann svam í inn­leiðandi riðlunum um morg­unin, og at polski Mattaeusz Sawrymovicz gjørdi tað sama til EM í 2011. Tað er bara 800m frí hjá kvinnum og 1.500m frí, sum verður svomið sum bein­ leiðis finalur á hesum HM. Hinar kappingarnar verða skip­að við innleiðandi riðl­ um um morgunin, har átta teir skjótastu so sleppa í final­una um kvøldið, og har tað sostatt ikki ber til at verða heimsmeistari um morgunin. Orsøkin til at man ger hetta serliga við 800m og 1500m frí, er vælsagtans at kappingarskráin er lut­fals­ liga kroyst – fimm dagar í mun til átta dagar á HM í langgeil – og at tað tí verð­ ur hildið at verða ov stræv­ ið hjá teimum átta bestu at skula svimja teinin tvær ferðir, greiðir Rókur í Jákups­ stovu, formaður í svimji­sam­ bandinum. Innleiðandi riðlarnir byrja hvønn dag kl 09:30 lokala tíð í Doha, og finalur­nar kl 18:00. Til ber at fylgja við úrslitunum á omega­timing. com, og at síggja kapp­ingar­ nar á millum annað Euro­ sport. Danska TV2 sendir eisini fra innleiðandi og finalum. trondur@sosialurin.fo Kappingarskráin hjá føroyingunum: • Mik 3. des - Óli 200 frí • Hós 4. des - Óli 400 frí & Cecilia 800 frí • Frí 5. dec - Pál & Óli 400 frí, Cecilia 400 frí • Sun 7. dec - Cecilia 200 frí, Óli & Pál 1500 frí Pál Joensen