hósdagur 8. januar 2015síða 10

Fríggjadagur 9. januar 2015 sosialurin 3 10 Tøkniligi heimurin hjá okkara børnum Barbara Holm E in eyðsæddur partur av okkara fríløtum í dag eru merkt av, at børn sum vaksin sita við hvør sínum skermi og lata seg innliva í ein til­gjørdan internetheim. Børnini sita hvør við sínum teldli, tey vaksnu við hvør sínari snildtelefon, og alt meðan sjón­ varpið vísur nýggjasta netflix filmin. Vit eru í jólahýri, men tøknin hevur fingið fastatøkur á okkum øllum – eisini okkara børnum. Í temanum í Sosialinum hesaferð fara vit at seta fokus á hvørjar avleiðingar tað fær fyri okkara børn og ungu, at tey eru so knýtt at tøkn­iligu leikunum. Duga føroysk børn enn at spæla sjálvi? Fær tíðin við teldlinum avleiðingar fyri okk­ara kreativu síðu? Og hvørjar reglur hava føroyskar familjur fyri inter­net­ nýtslu? Tað er nakað av tí, sum vit fara at viðgera í temanum hesaferð. Jólini eru júst farin afturum okkum, og við jólahugna, góðum mati, góðgæti fyri allar pengarnar og jólagávum hava vit enn einaferð slept gerandisdegnum eina løtu fyri heldur at bjóða jólunum innum. Men eins og gerandisdagurin eru jólini broytt seinastu árini Sambært donsku Gallup kanningini eru tað 9% av dreingjum í millum 10 og 12 ár, sum nýta Instagram dagliga Kanningina gjørdi danska Miðla­ ráðið fyri Børn og Ung, og DR Miðlagransking. Endamálið við kanningini er at avdúka, nær gentur og dreingir fáa áhuga fyri sosialum miðlum sum til dømis Instagram, Snapchat, Facebook og líknandi. Kann­ingin vísti millum annað, at gentur fáa skjótari áhuga fyri sosial­ um miðlum enn dreingir. Eitt brot av kanningin er her. Øll kanningin er at finna á: dfi.dk/Boern_ og_unge/Medieraadet/Internet-og- mobil/Viden-og-Publikationer Gentur og sosialir miðlar 7-8 ára gamlar gentur gentur Fyri gentur í hesum aldurs­ bólki snúgva spælivanarnir seg bert um sjálvt spælið. Tær skulu verja sínar figurar og vinna sum mest við teimum. Tey best umtóktu spølini her eru MovieStarPlanet, Littlest Pet Shop, goSupermodel, Hay Day og partvíst Minecraft 8-9 ára gamlar gentur Hesar gentur spæla tað sama, sum tær í 7-8 ára aldrinum, men teirra áhugi fyri spælinum er broyttur. Tað snýr seg ikki einans um spælið, men eisini um tað sosiala samskifti, sum er við aðrar spælarar. Kanningin vísur tí, at tað er í hesum aldursbólki, at gentur taka sítt fyrsta stig móti sosialiari samveru á netinum, og spælið gerst ein platformur at samskifta við vinir. 9-10 ára gamlar gentur Hesar spæla framvegis somu spøl, og nú er hetta ein stórur partur av teirra sosiala lívi. Tær byrja eisini í hesum aldri at fara á aðrar platformar, t.d. Instagram, Snapchat og líknandi. 11-12 ára gamlar gentur Í hesum aldursbólki eru tær flestu genturnar farnar burtur frá spølum, og nýta heldur sosialar miðlar sum t.d. Instagram, Snapchat og líknandi. Ein donsk Gallup kanning frá 2013 vísir eisini, at 44% av 11-12 ára gomlum gentum nýta Instagram dagliga. Dreingir og sosialir miðlar 7-8 ára gamlir dreingir Hesin aldursbólkurin er sum hjá gentunum. Teir spæla bert fyri at spæla, og eru ógvuliga áhugaðir í at vinna spølini o.s.fr. Teir spæla mest Minecraft, Clash of Clans og líknandi krígs og strategi spøl. 9-10 ára gamlir dreingir Hesir eru framvegis sera áhugaðir í sjálvum spælinum, men tað er eisini í hesum aldri, at dreingir byrja at samskifta millum sín umvegis spølini. Men samskifti snýr seg einans um spælið, meðan genturnar samskifta um onnur ting eisini. Harumframt nýta hesir dreingir eisini Skype og líknandi kjattmiðlar, men framvegis eru teir ikki so áhugaðir í sosialum miðlum. 10-12 ára gamlir dreingir Hesir spæla framvegis nógv spøl, og tað eru framvegis spølini, sum hava størstan áhuga. Teir gera tó fleiri ting samstundis: spæla, eru á Skype, kjatta o.s.fr., og alt hetta hevur til endamáls at betra um teirra førleikar í spølunum. Tó so er nakað av samskiftinum farið at snúgva seg um onnur ting enn spølini. Kelda: dfi.dk Donsk kanning um spøl og sosialar miðlar Í 2013 var ein kvantitativ kanning gjørd millum 7 og 12 ára gomul børn og teirra foreldur tema Børn og tøkni