hósdagur 8. januar 2015síða 19

FRÍGGJADAGUR 9. JANUAR 2015 SOSIALURIN 3 19 ÁRNI GREGERSEN M akrelkunngerðin verð­ ur nú broytt, so lættari verð­ur at taka støðu til, hvør fyrst slepp­ur at fiska av makrelkvotuni í ES-sjógvi. Meðani treytirnar úr kunngerðini frá 22.desember í fjør vóru heilt opnar, so Vørn ikki helt seg kunna taka dag­ ar ímillum, hvør var best egnaður at sleppa at veiða og tí boðaði frá luta­ kasti, so verður kunngerðin nú broytt, so treytirnar eru greiðari. Nú verður meira neyvt ásett, hvussu skipiniu skulu vera útgjørd um tey skulu sleppa í ES sjógv. Eitt ískoyti verður sett í grein 17 í kunn­gerðini. Har stendur: "Skip, sum frysta veiðina og skip við RSW tangum verða tikin framum skip, sum eru útgjørd við øðrum køli­ skipa­num, tá atgongdin at ES-sjógvi og norskum sjógvi verður avgjørd og raðskipað sambært stk. 2 og 3. Rað­ festingin av skipunum verður har­ umframt skipað eftir stødd í brutto­ tons fyri skip sum frysta og skip við RSW-tangum. Skip við aðrari køling verða eisini raðfest eftir stødd í brutto­tons.” Betri útgerð Broytingin í kunngerðini ger, at Vørn nú kann geva loyvir eftir hvussu væl skip­ini eru útgjørd til makrelveiðu. Fyrst og fremst verður dentur lagdur á, at skipini hava góða køli- ella frysti­ út­gerð. Við øðrum orðum er tað nú ikki nóg mikið at køla við ísi í kørum um ein skal sleppa í ovasta kassan hjá Vørn. Skipini sum eru útgjørd til at frysta ella køla í tangum sleppa fyrst framt. Ein onnur treyt, sum er sett í kunn­gerðina, at stendur á jøvnum, so er tað støddin í bruttotonsum, sum gev­ur fyrimun til størru skipini. Hendan treytin er galdandi, bæði tá ið talan er um skip við køling í tang­um ella frysting og um tað verða givið loyvi til skip við aðrari køling. Partrolararnir Ein onnur broyting í kunngerðini er, at nú er eitt nýtt stk.7 sett inn, sum ávirk­ar møguleikarnar hjá par­trolar­ un­um at sleppa í ES sjógv. Avtalan sigur, at 14 skip í senn kunnu fiska makrel í ES-sjógvi. Nú stað­festir kunngerðin, at tá ið talan er um skip, sum partrola, so telja pør sum tvey skip - og ikki sum eitt. Um bert eitt av teimum 14 pláss­ unum er eftir, so kann umsøkjarin vel­ja at lata eitt skip fara at fiska av kvotu­ni. Hoyring Kunngerðin er til hoyringar í løtu­ni, men alt bendir á, at hon verð­ur góð­ kend uttan stórvegis vi­ð­merk­ing­ar. Hendir tað, so verður kunngerðin eftir øllum at døma lýst í dag. Stríð hevur verið um, hvussu kvot­ ur­nar skulu býtast og hvussu nógv skal kunna fiskast útyvir kvotuna hjá einstøku skipunum. Fleiri halda, at hetta skal setast so lágt, sum til ber, tí annars kunnu bert fá skip fiska størsta partin av kvotuni við at fiska út­yvi­r tað tillutaða. Hetta hevur við sør, at fara fleiri pør avstað beinanvegin, so kunnu tey taka sær av so at siga øllum parti av kvotu­ini, sum uppsjóvarflotin ikki fram­manundan hevur fingið sum egin­kvotur. Ikki nú Føroyingar kunnu fiska á leið 40.000 tons­ av makreli í ES sjógvi. Kunngerðin ásetir, at uppsjóvarskipini fáa á leið 22.000 tons , býtt á eginkvotur. Restin er so til onnur skip. Áðrenn far­ið var undir at broyta kunngerðina, so høvdu á leið 40 skip søkt um loyvi at sleppa í ES-sjógvi. Nú treytirnar verða broyttar, verða tað neyvan so nógv skip sum slep­pa framat makrelinum. Til ber at fiska makrel frá 1. januar til 15.februar, men nótaskipini hava boðað frá, at tey ikki fara at fiska í ES sjógvi í vetur. Tey royna í løtuni eftir svartkjafti. Frá 1. oktober og árið út ber so aftur til at fara í ES sjógv. Onnur skip bíða eftir at sleppa avstað so skjótt kunngerðin er lýst. Tilsamans 14 skip kunnu royna í ES- sjógvi í senn. Fiskimálaráðið setir nú nágeiniligari treytir fyri, hvørji skip fyrst sleppa framat at fiska makrel í ES-sjógvi Treytirnar broyttar í makrelkunngerðini MYND:DÁVUR WINTHER