mánadagur 12. januar 2015síða 6

Mánadagur 12. januar 2015 · Nr. 4 6 Sosialurin Hugskot og viðmerkingar – send sms til 225000 smásølur fyri vanbýti Tað er nógv størri umsiting av telefonuppboðssøluni, og tað er orsøkin til, at minstamark er sett á nøgdirnar, sum kunnu seljast um hana. Men á Fiskamarknaði Føroya eru tey altíð til reiðar at endurskoða skipanirnar, um tørvur er á tí, sigur Høgni Hansen, stjóri. Hann ásannar, at prísurin á telefonuppboðssøluni gjøgnumgangandi er betri enn á gólvuppboðssøluni Størri um­siting av telefonsøluni Ingolf S. Olsen – PRESS Høgni Hansen, stjóri á Fiska­ marknaði Føroya, ásannar, at tað oftast loysir seg betri hjá bátum at selja fiskin á telefonuppboðssøluni enn á gólvuppboðssøluni, tí prís­ur­ in gjøgnumgangandi er betri á telfonuppboðssøluni. – Tað er hann, men tað eru ymiskar orsøkir til, at smáu útróðrarbátarnir ofta fáa ein verri prís. Keypararnir vita, at hesir oftast fiska innar­laga, har fiskurin ofta er rakari og verri fyri, og har kann hann eisini vera fongdur við sand­maðki. Eisini er ofta bara ein maður við teimum smáu bátunum at taka sær av øllum arbeiðnum, og tað kann sjálvsagt eisini ávirka góðskuna, tí á teimum størru bátunum við fleiri monnum verður fiskurin blóðgaður beinanvegin og lagdur í ís­ vatn at bløða, sigur hann. Høgni Hansen leggur tó dent á, at tað sanniliga eisini eru menn, sum rógva út einsa­mall­ir, men sum kortini hava sera góða góðsku á fisk­ in­um. Krevjandi umsiting Stjórin á Fiskamarknaðinum skilir væl, at smáu útróðrar­ bátarnir, ið sjáldan klára upp um minstamarkið á 4000 pund, kunnu kenna seg fyri mismuni, tá teir ikki sleppa at selja á telefonuppboðssøluni, har teir síggja, at prísurin ofta er betri. Onki minstamark er ásett í reglugerðini fyri upp­ boðs­sølur, so tað er Fiska­ marknaður Føroya, sum sjálv­ur hevur ásett markið. – Orsøkin er einfalt tann, at tað er so nógv meira um­ siting tengd at telefon­upp­ boðs­søluni samanborið við gólvuppboðssøluna. Tað er ikki bara størri umsiting fyri okkum, men eisini fyri land­ ingarmiðstøðirnar. Hvør ein­ asta telefonsøla skal gerast upp og fakturerast fyri seg, meðan øll gólvsølan fer á ein faktura. Vit hava upplivað, at út­við 70 sølur onkran dag hava verið niðanfyri 4000 pund. Tað er tó óvanligt, men 30-40 sovorðnar sølur er ikki óvanligt. Tað er greitt, at um­sitingin hevði verið ógvu­liga stór, um allar hesar søl­urnar skuldu farið um tele­fonuppboðssøluna, og við verandi manning høvdu vit als ikki klárað at tasta alt inn og avgreitt sølurnar, sigur Høgni Hansen. Endurskoðan Hann vísir aftur, at virkini bara keypa tað, tey skulu hava, á telefonuppboðssøluni, og at minni eftirspurningur tískil hálar prísin niður á gólv­uppboðssøluni. – Tað er rætt, at keyp­ar­ ar­nir kunnu vera tak­tisk­ir, tá teir keypa, men tele­fon­ upp­boðs­sølan og gólv­upp­ boðs­sølan fara fram í senn, og ongin munur er á eftir­ spurn­inginum, sigur Høgni Han­sen. Hann leggur annars dent á, at Fiskamarknaður Føroya altíð er til at tosa við, og at um stór ónøgd er við onkra skip­an, so eru tey til reiðar at endur­skoða hana. – Men vit eru framman­ undan rættiliga smidlig og hyggja ikki so fýrakantað upp á allar reglurnar. Um til dømis ein bátur hevur minni enn 4000 pund, men ikki nær til lands nóg stund­is­ liga til at vera við á gólv­upp­ boðs­søluni ein fríggja­dag, so sleppur hann at selja á tele­fon­uppboðssøluni, sigur Høgni Hansen. Hann ásannar, at tað er eftir ynski frá keyparunum, at hægstu og minstu prísirnir ikki liggja alment frammi, men bert eru tøkir hjá skrá­ settum brúkarum. – Onkuntíð hava allir prís­ irn­ir ligið alment frammi á heimasíðuni, men hesum hava keypararnir sett seg upp ímóti, sigur Høgni Han­ sen. Betri fiskiskapur og betri prísur hava merkt, at 2014 hóast eitt lítið undir­skot fer at roynast mun­andi betri enn 2013 hjá Fiska­marknaði Føroya, tá upp­boðs­sølu­fyri­ tøkan hevði eitt hall á hálva aðru millión krónur. Høgni Hansen, stjóri á Fiskamarknaði Føroya, ásannar at prísurin er betri á telefon­upp­boðssøluni enn á gólvuppboðssøluni. Men minstamarkið fyri veiðu­nøgd er ásett, tí nógv meira arbeiði er av telefon­upp­boðs­søluni bæði hjá Fiska­marknaði Føroya og hjá landingarmiðstøðunum Prísirnir á Fiskamarknaði Føroya á Toftum eru gjøgnumgangandi betri á telefon­uppboðs­søluni enn á gólvuppboðssøluni. Higartil í ár hevur prísurin á toski verið hin sami á báðum uppboðssølunum, meðan hýsan hevur havt betri prís á telefonuppboðssøluni