mánadagur 2. februar 2015síða 36

12 nr. 1 I 2. februar 2015 Vinnublaðið hjá Miðlahúsinum etta verður ein sólskinssøga! Sjúrður Olsen, formaður í vinnu­nevndini hjá Tórshavnar Býráð, er onga løtu í iva, tá ið hann umrøður ætlanina at byggja Tórshavnar Havn, út. Hóskvøldið játtaði Tórs­ havnar Býráð seks milliónir krónur til at projektera ar­ beiðið at byggja Tórshavnar Havn út fyri 450 milliónir krónur. Samstundis hevur býráðið samtykt byggi­ skránna fyri verkætlanina. Afturfyri hesa íløguna, fáast 700 metrar av bryggjukanti og 170.000 fermetrar av plássi til bingjur, pakkhús, og aðrar byggingar. Dýpið verður 15 metrar, so hon tekur tey størstu skipini. Býráðslimir eru ikki samdir um ætlanina, tí Tjóðveldi vil hava, at møguleikarnir at byggja eina stóra farmahavn á Sundi ístaðin, verða kann­aðir, áðrenn endalig støða verður tikin. Ber ikki til Men meirilurin í Tórshavnar Býráð, sópaði upp­skotið frá Tjóðveldi um at kanna um­støð­ ur­nar at byggja út á Sundi, av borðinum. Sjúrður Olsen sigur, at viðurskiftini á Sundi eru kannað væl og virðiliga, og niður­ støðan er, at har er so nógvur súður í sjónum, at har fæst ikki ein brúkilig Havn, fyrrenn ein moli upp á 600 metrar er gjørdur út á hálvan Kald­baksfjørð, har tað er rættiliga djúpt. Sjúrður Olsen sigur, at øll loyvi til at byggja skansabryggjuna út, eru fingin til vega. Fólk, sum hava funnist at ætlanini, hava ført fram, at tað er skeivt at byggja eina farma­havn beint frammanfyri Skansan, sum er eitt av okkara fremstu fornminnum, tí tað fer at byrgja hann inni. – Vit hava tikið tey atlit til Skansan, sum vit eiga at taka, sigur Sjúrður Olsen. Bygt verður ikki frammanfyri Skansan, tí har skal ein bátahavn verða. Nýggja havnar­ lagið verður 50 metrar leyst frá fjørðini niðan­ fyri Skansan. Einasta kanningin, sum er eftir at gera, eru nakrar kanningar, Umhvørvisstovan vil hava um fuglalív á Skansanum og lívið á botninum uttanfyri Skansan. Tær kanningarnar verða gjørdar í mars, men tær hava ikki steðgandi virknað, sigur Sjúrður Olsen. Umframt bátahavnina, er ætlanin at gera Skansin til eitt sjáldsama vakurt og hugnaligt stað fyri býin og Føroyar. Har skulu fólk kunna vera undir hugnaligum umstøðum, tí út­byggingin fer á ongan hátt at skemma Skansan. Og Sjúrður Olsen og Heðin Mortensen, borgarstjóri, leggja ikki fingrarnar ímillum, tá ið teir skulu meta um týdningin av at byggja havnarlagið út. – Hendan útbyggingin verður grundarlagið undir framtíðini hjá Tórshavnar Kommunu, staðfesti Sjúrður Olsen. – Vit kunnu hyggja eftir, hvussu fólkatalið í Havnini er vaksið, so hvørt sum havnarlagið er bygd út, leggur hann afturat. – Tí hevur tað øgiliga stóran týdning fyri Havnina at byggja Havnarlagið út og hetta fer at verða ein sólskinssøga, sigur formaðurin í vinnu­nevndini. Kunnu steðga Hann sigur, at Landsbyggifelagið vildi upp­ runa­liga hava góðar átta milliónir fyri at projektera arbeiðið, men at býráðið hevur togað seg niður á ein prís upp á 5,4 milliónir. Samstundis er tað avtalað, at stingur okkurt serligt seg upp, kann býráðið steðga ar­beið­num, nær tað skal vera og so verður bara goldið fyri tað arbeiðið, sum er gjørt. Hann leggur afturat, at nógv fakfólk hava verið uppi í hesi ætlanini og at allar neyðugar kann­ingar eru gjørdar. Sjúrður Olsen hevur fleiri atfinningar ímóti at byggja út á Sundi. Tað fer at krevja seks milliónir kubikk av gróti, men skal dúvast uppá at fáa grót úr Eystur­oyar­tunlinum, sum Tjóðveldi ætlar, gevur tað bara slakar tvær milliónir kubikk av gróti. Og samstundis verður upplandið væl minni enn á Skansabryggjuni. Skansabryggjan fer at krevja fýra milliónir kubikk. Vissi deyði Heðin Mortensen, borgarstjóri, vísir á, at øll verk­ætlanin at byggja Skansbryggjuna út, H Verður Tórshavnar Havn ikki bygd út fyri hálva milliard, fer høvuðstaðurin at steindoyggja Tekst og mynd: Áki Bertholdsen Skansabryggjan Einasti møguleiki at bjarga Havnini