hósdagur 26. februar 2015síða 27

Fríggjadagur 27. februar 2015 sosialurin 24 27 sannleiki Mortan Østerø T riðja februar mánað á rað verða 13 partar av amerikansku røðini »House of Cards« – allir um ein tíma til longdar – tøkir hjá Netflix­brúkarunum at stroyma. Hagtølini hjá Netflix tala enntá fyri, at tað ikki er óvanligt, at fólk hyggja at øllum 13 pørtunum út í eitt. Í 2011 keypti Netflix rættindini til røðina frá bretska BBC, sum í 1990unum varpaði House of Cards – eitt orðaspæl upp á bretska lágtingið, House of Commons, og kort­hús. Heitið kann tulkast bæði sum eitt spæl í kortum, har betru kortini og taktisku snildirnar vinna, ella sum eitt korthús, ið er bygt við veikum tilfari, og sum kann koppast, um tú bert blæsur á tað. Frank Underwood Høvuðspersónurin í amerikansku útgávuni av røðini, Frank Underwood, er eirindaleysur politik­ari, sum nýtir alskyns snild­ir at koppa korthúsunum hjá øðrum fyri at styrkja um sítt egna. Frank er á nógvar mátar at rokna sum reindyrkaða útgávan prinsinum úr stórverkinum hjá Niccolo Machiavelli. Eftirnavnið hjá navnframa italiumanninum er nevniliga vorðið lýsingarorð fyri ein, sum gagnnýtir onnur til frama fyri egin áhugamál. Um nakað er tað júst hetta, sum demokraturin, Frank Underwood ger. Vit hitta Frank fyrstu ferð í leik­ lutinum sum sonevdnur »whip« ella pískari í amerikanska Umboðs­ mannahúsinum, har hann skal nýta sítt politiska tev til at skapa undirtøku fyri uppskotum hjá sínum flokki. Til tess at sannføra mótstøðufólkini um at broyta støðu, verða fjølmiðlafólk, politik­arar, lobbyistar og pengar nýtt sum mutrandi, kúgandi og mani­puler­andi amboð hjá Frank Underwood. Við hjúnunum, Claire og Frank Underwood, fær hyggjarin eisini innlit í eitt parlag, sum er bygt á ambitiónir heldur enn kærleika. Tey hava sáldað børnini frá og hava í staðin valt eitt yrkisfremjandi sam­starv við hvørt annað. Tað er ein nærum ræðandi keipumynd av kappingarstatinum, har alt kenslu­ligt og heimligt kemur í aðru røð, og karriera stendur fremst í huganum. Røðin fylgir Frank í royndini at manipulera sær vegin upp eftir politiska stiganum, til hann nær týdningarmestu sessunum í ameri­kanskum politikki. Fríggjadagin 27. februar ber enn einaferð til at síggja Frank bræða niður fjórða veggin hjá Shake­ speare millum hyggjara og leikara, og rættvísgera machiavellisku ill­ gerð­irnar hjá sær. Fríggjadagin 27. februar verður Frank Underwood enn einaferð til reiðar at venda sær beint til skíggjan og rættvísgera sínar machia­vellisku illgerðir. Í House of Cards verður leik­ lut­urin hjá politikarum til ein meldur av valdsspæli, manipula­tión, sex og drama Sex, vald og politikkur ...framhald