hósdagur 21. mai 2015síða 15

Fríggjadagur 22. mai 2015 sosialurin 58 15 Landslagið er okkara høvuðsleikari Barbara Holm F øroyska landslagið fær stóran leiklut í nýggjasta film­inum hjá kenda films­leiksstjóranum Steven Spielberg, sum ber heitið The Big Friendly Giant (The BFG). Upp­tøkurnar úr Føroyum skulu virka sum bakgrund í fleiri av myndunum úr filminum. Ein av høvuðsorsøkunum til, at Føroyar eru valdar, er flotta lands­lagið í Føroyum. Umframt hes­um eru Føroyar valdar fyri at fagna skandinaviska arvin hjá Roald Dahl, sum hevur skrivað skald­søguna, skrivar Visit Faroe Islands í tíðindaskrivi. Steven Spielberg er leiksstjóri, og Melissa Mathison, sum er kend fyri millum annað at hava skrivað filmin E.T. hjá Spielberg, hevur skrivað handritið til nýggja filmin. Frank Marshall og Sam Mercer eru framleiðarir, og Kathleen Kennedy, John Madden, Michael Siegel og Kristie Macosko Krieger eru tað, ið kallast »executive producers«. The BFG, sum varð útgivin sum teknifilmur í 1989, snýr seg um gentuna Sophie, ið er faðir- og móður­leys. Hon verður burturførd av Big Friendly Giant, sum er ein vinar­ligur og glaðlyntur risi, hvørs upp­gáva er at geva børnum góðar dreymar, hóast hann kemur frá ein­um fjarskotnum landi, har fleiri størri og óndari risar búgva. Filmurin verður framleiddur av Disney, Amblin og Reliance í sam­starv við Walden Media. Hann verð­ur frumsýndur í 2016. Tað er Visit Faroe Islands, ið hevur samstarvað við fram­leið­ arar­nar um hesa verkætlan. – Vit eru sum vera man sera spent uppá hendan møguleika, ið kemur at vera við til at seta Føroyar á heimskortið, sigur Guðrið Højgaard, stjóri á Visit Faroe Islands. – Tað er av stórum týdningi at Dreamworks fær frið til at gera sítt arbeiði í Føroyum, og tískil verða ikki fleiri detaljur kring sjálvar upptøkurnar upplýstar í løtuni, sigur Guðrið Højgaard at enda. Føroyska landslagið er høvuðs­ orsøkin til, at upptøkur úr Føroyum skulu virka sum bakgrund í nýggjasta Spielberg-filminum Mynd: Álvur Haraldsen lendsk filmsfólk í framleiðsluni og so fram­vegis. Og slíkar skipanir hava so at siga øll filmslond. – Tann størsti vansin við ikki at hava ein filmspolitikk og eina aftur­ beringar­skipan er, at films­lið halda seg aftur at velja Føroyar, tí tey ivast í um vit eru før fyri at veita teimum neyð­ugu professionellu ar­beiðs­ork­ una og arbeiðsum­støð­ur­nar, sigur Jan Berg Jørgensen. Í Føroyum er filmsvinnan fram­ vegis relativt ung, men seinastu árini hava føroyingar útmerkað seg innan allar greinar av filmsframleiðslu, og í dag metir Jan Berg Jørgensen, at vit eru før fyri at taka ímóti útlendskum verk­ætlanum. – Men tað krevur fyrst og fremst, at vit orðað ein politikk, og at vit viður­kenna, at tað eru nakrar um­ støður, sum mugu fáast í rætt lag, áðrenn vit kunnu gera okkum vónir um, at gerast eitt viðurkent filmsland, sigur Jan Berg Jørgensen. Mugu læra at spæla við Tá ið filmar skulu gerast, ella sendi­ røðir skulu upptakast, so er eitt tað mest umráðandi í allar tilgongdini, at eingin fær frænir av tí, sum gongur fyri seg. Um vit ímynda okkum, at Game of Thrones skuldi taka upp eina sendirøð í Føroyum, so hevur tað av­gerandi týdning fyri sendirøðina, at einki verður likið út um, hvør spælir við, hvussu tey taka upp og so fram­ vegis. – At søgan um, at Big Friendly Giant verður upptikið í Føroyum, kom út í miðlarnar, er í veruleikanum ikki serstakliga heppið. Í ringasta føri kann tað viðføra, at filmsliðið tekur seg aftur, og heldur velur eitt annað land. Men vónandi er tilgongdin komin so væl áleiðis, at tey ikki broyta hugsan nú, sigur Jan Berg Jørgensen. Hann vísur á, at skulu Føroyar gera sær vónir um at fáa eina veruliga films­vinnu uppá beinini, so er um­ ráð­andi, at alt samfelagið lærir seg at spæla við, gevur arbeiðsfólkunum frið, og mest av øllum ikki skrivar á sosialu miðlunum um hvat gongur fyri seg. Hvussu verður og ikki, so er givið, at tað tekur tíð at byggja upp eina til­ vitsku um hvussu vit sum samfelag upp­rað­festa filmsvinnu á bestan hátt, hvussu vit skulu uppføra okkum, tá ið slíkt gongur fyri seg í Føroyum, og ikki minst, hvussu vit fáa gagnnýtt áhugan fyri Føroyum. barbara@sosialurin.fo Steven Spielberg við filmstóli. – Tey eru eitt avmarkað tíðarskeið í Føroyum, og hava helst tey flestu fólkini við sjálvi. So eg vænti ikki filmsfólk í Føroyum sleppa upp í part. Men í einum longri perspektivi kann hetta fáa sera jaliga ávirkan á framtíðina hjá føroyskari filmsvinnu, sigur Jan Berg Jørgensen Guðrið Højgaard, stjóri á Visit Faroe Islands