hósdagur 28. mai 2015síða 58

18 Mentanarblaðið hjá Miðlahúsinum 5 • 29. mai 2015 18 Fyri meg er tónleikur ikki hugni tsýnið av pallinum í Reinsa­rínum er ikki stór­sligið. Hølið er ikki stórt. Sjónarringurin endar einar fýra metrar frammi. Kanska eini 50 fólk eru og lurta. Tey flestu sita við borð í tryggari frástøðu frá pallinum, summi fram við girðingini á aðru hædd, og nøkur tandur standa við barrina og eygleiða tað, sum fer fram á pallinum. Tað sær ikki út av so nógvum, men á pallinum, við rongdum gittartónum og harð­balnum trummuslátti, fer ein grøðing fram. Rógvi Odvørson hevur í seks ár stríðst við sálarligar trupulleikar. Tá ið hann í 2009 misti arbeiði sítt fekk samleiki hansara eitt álvarsligt skot fyri bógvin. Nakrar mánaðir seinni vístu kanningar hjá kommunu­ læknanum, at hann var álvarsliga tung­lyntur. – Eg havi havt upptúrar síðan, har eg havi verið stabilur. Men tá ið eg gerist stressaður og eri undir trýsti, gongur tað niðureftir aftur. Rógvi Odvørson hevur persónleika­ ólag. Hann hevur trupult við at stýra sínum tonkum og kenslum, og fyri hann botnar tað í tí at kenna seg uttanfyri og lítið verdan. Hann hevur oftaekstremar upp- og niðurtúrar. Hann hevur verið inn­lagdur á psykiatrisku deild og hevur fleiri ferðir roynt at gjørt sjálvmorð. Seinastu ferð var í novembur í fjør. – Tað varð gjørt í stórum vónloysi. Tað hevði nakað við samleika at gera. Eg kendi meg nógv lægri enn onnur menn­iskju, kendi meg sum eina byrðu. Har var eingin vón fyri framman. Sambært Michael Seligman, sálar­ frøðinginum, sum ofta verður nevndur faðirin at positivari psykologi, hvílir sálarfrøðilig vælvera á fimm súlum. Í bók síni, "Flourish" (2011), nevnir hann tær: positivar kenslur, hugbinding (engagement á enskum), tað at útrætta, positiv sambond og meining. Tað snýr seg við øðrum orðum um at hava mót uppá lívið, at hava okkurt at fordjúpa teg í, at gerast so dugnaligur í onkrum, at tú kanst vera stoltur av tí, at hava fólk í tínum lívi, sum tú elskar og sum elska teg, og síðan at kenna samband við nakað, sum er størri enn tú, so sum familju, nærsamfelag, arbeiði, o.s.fr. Tað er ikki torført at síggja, hvussu Ú Mytan um svaka flogvitið og óeydnusama listafólkið livir enn í okkara felagstilvitsku. Men gransking vísir, at list er góð fyri sálarligu vælveruna. Hesum kann sangarin og sangskrivarin, Rógvi Odvørson, taka undir við Arni Zachariassen Bólkurin [rökkvi] við Rógva Odvørsyni í front, Arna Zachariassen á guittar, Leivur Vitalis á bass og Hjørtur Pæturson Háberg á trummum í Sement finaluni. Umframt teir fýra er eisini Símun Dam á tangentum Mynd: Gunnhild Persson Rógvi Odvørson