týsdagur 4. august 2015síða 20

Mikudagur 5. august 2015 · Nr. 88 20 Sosialurin Tú skal ikki vænta undanvind allan vegin Hóast teir noyddust at venda við í fyrstu atløgu og túrurin fekk ein baldrutan enda, letur Livar Nysted heilt væl at túrinum við Avalon. – Tað hevur gingið ordiliga væl. At onkuntíð noyðast at venda við er ein partur av havrógving. Væntar tú at fáa undanvind allan vegin, skal tú ikki fara, sigur Livar Nysted eftir heimkomuna Rógvi Nybo Eftir góð trý samdøgur á opnum havi í lítlum báti saman við 9 øðrum monnum, letur Livar Nysted, fyri­skip­ ari av havrógvingini millum Skotland og Føroyar, væl at túrinum. Teir hava lagt áleið 420 kilometrar afturum seg henda túrin. Í fyrstu atløgu løgdu teir frá landi úr Thurso í Skotlandi við kós móti Føroyum, men noyddust at venda við aftur til Orkn­ oyggjar, tá mótvindurin og veðurvánirnar gingu teim­ um móti, tá teir vóru komnir áleið hálvvegis. Men hóast okkurt lítið afturstig, er fyriskiparin væl nøgdur. – Tað hevur sum heild gingið ordiliga væl. At noyð­ ast at venda við aftur er ein partur av tí at rógva á havi. Væntar tú tær undanvind allan vegin, tá tú leggur út á hav, skal tú ikki fara avstað yvirhøvur. So hatta er bert ein partur av tí, sigur Livar Nysted nú dagin eftir heimkomuna. Kandidatar til meira Fyri Livar Nysted sjálvan mann túrurin millum Skot­ land og Føroya liggja í lættara enda í mun til tað, hann áður hevur avrikað í havrógving. Men fleiri av hinum monnunum vóru púra óroyndir við hav­rógv­ ing, um enn fleiri hava róð kapp á føroyskum firðum. Fyri teir hevur avbjóðingin verið av heilt øðrum kaliburi. Men Livar Nysted heldur, at teir hava verið fyri­mynd­ arligir umborð. – Tað er sjálvandi ymiskt frá manni til mann, og summir egna seg kanska betri enn aðrir til havrógving. Men teir hava allir klárað seg væl. Eingin hevur ligið við sjóverki ella ikki gjørt sínar skyldur. Eingin hevur svikið, og eingin hevur mist nakra vakt á dekkinum. So teir hava klárað seg væl, og fysiskt hevur eingin tru­pul­ leiki verið, staðfestir Livar Nysted og leggur afturat, at onkur teirra er góður kan­ didatur til at royna meira av hesum. Ikki fyri sartar menn Umstøðurnar umborð á Ava­lon eru ikki beinleiðis marglætisligar, tá 10 mans skulu húsast umborð í fleiri dagar. Fýra mans sita við árarnar í senn, og hinir seks hvíla seg og gera seg klárar til teir aftur eiga tørn. Tað er trongligt umborð, umframt at tú á opnum havi eisini má fyrihalda teg til aldurnar. Og serliga tann psykiski parturin hevur stóran týdning á einum slíkum túri. – Tann psykiski parturin av havrógving er meira krevjandi enn tann fysiski. Tú skal ikki vera sartur, tí tú liggur næstan omaná hvørj­ um øðrum umborð, og tað er trongligt. Og tað eru nógv ting, sum kunnu stressa. Bara tað at fara á vesið og tú situr millum fýra-fimm aðrar mans tá tú ger tað, kann stressa. Eisini at kóka heitan døgurða, tað kann taka upp til ein hálvan tíma, tí tað er trongligt og ringt at arbeiða, og tað tekur sjálvandi av tínari frítíð, og tað kann eisini virka stressandi. So har eru nógvir faktorar, sum kunnu stressa, og hvíldini hevur tú nógv brúk fyri, greiðir Livar Nysted frá. Kortini heldur Livar Ny­ sted, at tað hevur gingið fyrimyndarliga fyri seg. – Tað hevur gingið til UG, staðfestir hann. Ovfarnir av móttøkuni Tá Avalon nærkaðist Før­oy­ um seinnapartin mánadagin versnaði veðrið munandi, og sjógvurin gjørdist rættiliga ófantaligur. Tí gjørdi mann­ ingin av at biðja um eitt sleip tann seinasta kilometurin inn á Gomlurætt. Men at verða sleipaðir seinasta lítla strekkið, tekur einki av bragdinum av at hava róð úr Skotlandi til Føroya. – Vit kundu valt at róð inn á Sandoynna, men veðrið var ófantaligt og eg eri ikki so staðkendur í Hestfirði, so trygdin mátti koma í fremstu røð, og tí valdu vit at biðja um eitt sleip. Men tað ger tað ikki minni stórt, at hava gjøgnumført túrin, staðfestir Livar Nysted. Endamálið við túrinum, sum Livar Nysted, saman við skotanum Leven Brown, hevur staðið fyri, var at varpa ljós á havrógving í Føroyum. Og eftir móttøkuni og áhuganum at døma, hevur hetta eydnast til fulnar. Tá Avalon legði at á Gomlurætt stóð hópurin av fólki fyri teimum, hóast veðrið var sera vánaligt, og hetta tók teir allar á bóli. - Nú hava vit róð tvørtur um hav og verið rættir menn, men tað er ikki sørt at man bleiv eitt sindur rørdur av einari slíkari móttøku, sum vit fingu í gjár. At so nógv fólk tók móti okkum á Gomlurætt og seinni at út við 100 fólk vóru til mót­ tøkuna í Miðlahúsinum, tað var ótrúliga stórt, sigur Livar Nysted, og sendir eina stóra tøkk til konur og familjurnar hjá øllum monnunum, ið hava staðið fyri at skipa fyri móttøkuni. rogvi@sosialurin.fo Livar Nysted: