hósdagur 6. august 2015síða 22

Fríggjadagur 7. august 2015 sosialurin 89 22 Hvussu smakka Føroyar? Vit á Kunningarstovuni í Nólsoy vóru so heppin at sleppa uppí part, tá ið umhvørvisstuðulin hjá Tórshavnar Kommunu var latin fyrr í ár. Spurningurin Hvussu kunnu Føroyar smakka? kann sigast at vera grundin í arbeiðinum.  Tjóðhild Patursson S ummardáin er eisini ein av hesum plantunum. Ein av teimum sum ikki smakka av so nógvum í sær sjálvum, men sum hevur aðrar eginleikar ístaðin. Eginleikar sum gera matin betur og stuttligari - tí matur er ikki bara smakkur. Matur nemur allar kenslur. Og summardáin kann sigast at raka okkum júst har - í kenslurnar: Tí ímyndið tykkum eitt summar uttan summardáar - tað ber næstan ikki til, ha? Nei, fyri meg eru summardáarnir næstan ímyndin uppá Føroyska summarið. Tá ið onkur sigur summardáar lukti eg gras, eg føli eitt lýtt lot kína mær um ennið og eg merki summarsmílið innaní. Ok, eitt vet ov romantiskt - Men í øllum førum vekir summardáin okkurt heitt innan í mær. Og at eta summardáar er fyri meg sum at eta reina gleði.  Summardáar vaksa vilt í bøi, so teir eru lættir at fáa fatur á. Summardáin hóskar seg sera væl at heinta saman við børnum. Teir eru lættir at heinta, tað er hugnaligt og teir stinga/brenna ikki (sum notan og hvonnin). Og børn tíma ofta nógv betur at eta mat, tey sjálvi hava verið við at gjørt/heinta. Ikki allar planturnar vit arbeiða við, smakka av so nógvum. Krøkjan smakkar td ikki av nøkrum serligum, men hon er so vøkur, at hon ger at allur annar matur ‘smakkar’ betur - í øllum førum fyri eyga. Aðrar plantur vit nýta, hava aðrar góðar eginleikar. Millum annað hevur Anna Malan brúkt jóansøkugøtubrá í einum fantastiskum arvasalati, tí at jóansøkugøtubrá sýgur smakk til sín og gevur eitt serstakt bit. Løgið langt navn til eina so vanliga plantu - jóansøkugøtubrá er hin plantan, sum tú sum barn brúkti at ‘skjóta við’. Hin runda brúna. Hvítkál við brobber og summardáum Myndir:Tjóðhild Patursson Summardáarnir eiga sum sagt ikki nakran leiklut í smakkinum her, so salatið kann gerast uttan. Men summardáarnir gera okkrt vakurt við rættin, og tankin um at Anna Malan hevur brúkt tíð og orku uppá at heint hesar summardáarnar til mín, tað gevur mær eina so góða kenslu, sum bara vekist í mær, tá ið eg veruliga merki at okkurt er gjørt við kærleika og umsorgan. So leyp ikki summardáarnar um. Tak eitt av børnunum í hondina og far út at heinta summardáar. 1/2 hvítkál 2 nevar av summardáum 1/2 neva av brobber Saftin frá 1/4 til eina 1/2 sitrón 1 spsk av olju Smakka til við salt Steik hakka hvítkál á pannuni saman við hinum. Eigur tú ikki brobber, kanst tú brúka timian ístaðin. Men brúka tá bara heilt lítið.  Smakka til við salti. Er gott afturvið øðrum mati, men eg kann gott finna uppá at eta tað sum tað er.