týsdagur 8. september 2015síða 30

Mikudagur 9. september 2015 · Nr. 103 30 Sosialurin Hugskot og viðmerkingar – send sms til 225000 ítróttur strongman Neli Heldarskarð Leygardagin verður stór­ fing­in sterka­manna­kapp­ ing í høllini á Hálsi, ið er tann størsta av sínum slagi í nýggjari tíð. Fimm út­lend­ ingar, ið allir hava verið kosnir sum sterkasti mað­ urin í landi sínum, koma til Føroya at kappast. Afturat hesum fimm verða væl­ kendu, føroysku sterka­ menn­inir, Bjarni Nielsen og Bogi Hammer, eftir ætlan við í kappingini. Bogi er tó iva­samur, tí at hann hevur ein skaða at dragast við. Í løtuni tori eg ikki at svara uppá, um eg luttaki í kapp­ingini leygardagin. Enda­liga avgerðin verður nokk tikin hósdagin, segði Bogi Hammer, tá ið Sosial­ urin setti honum stevnu í Yndifitness mánadagin, har bæði Bogi og Bjarni venja til dagligt. Bogi Hammer er eisini ein av fyrireikarunum til sjálva kappingina, ið ber heitið Toyota Cup. Bjarni er helst tann sterkari Fáir dagar eru eftir til stóru kappingina. Fyrireikingarnir eru á hæddini, og sum tað skilst á fyrireikarunum, so er tað mesta komið nøkulunda upp á pláss. Nú verður bara bíðað eftir, at krútsterku, útlendsku luttakararnir koma til landið í morgin. Bogi Hammer vísir á, tað krevur nógva venjing, tá ið ein strongman skal luttaka í slíkari kapping. Tað kann væl kallast ein lívsstílur. – Ja, Bjarni og eg hava vant sera nógv ímóti hesari kappingini. Tá ið man tekur styrkivenjing so álvar­sligt, sum vit gera, so er tað nakað, sum man venur alt árið runt. Í mun til van­liga styrki­venj­ ing, so eru nakrar ávísar grein­ar í slíkum kappingum, sum ikki vera kunngjørdar fyrr enn tveir-tríggjar mán­ aðir áðrenn kappingina. Út­ lend­ingarnir eru nógv meira vanir at gera hesar ymsu styrkis­greinirnar, ið skulu gerast í kappingini leygar­ dagin. Tveir av teimum hava heims­met í hvør sínari grein, so tað eitt sindur um teirra styrki, sigur Bogi Hammer av­gjørdur. Seinastu tvey árini er Bjarni Nielsen blivin kosin til føroya sterkasta mann, meðan Bogi Hammer ikki hevur gjørt so nógv um seg í kapp­ingum seinastu tíðina. Bogi viðgongur eisini, at Bjarni helst er sterkari enn hann í løtuni. – Tølini lúgva ikki, tí at Bjarni hevur verið føroya sterkasti tvey tey seinastu árini. Hann er betri fyri enn eg í løtuni, og eg vóni og vænti, at tað fer at gangast honum væl í kappingini. Eg trúgvi væl, at Bjarni kann fáa eitt samlað triða pláss í kappingini. Tað kann lættliga ganga galið Bogi væntar ikki, at hann og Bjarni sum útgangsstøði eru sterkari enn nakrir av hinum luttakarunum í nøkrum av greinunum, men vísir á, at tað er skjótt, at tað kann ganga galið hjá íðkarum í sterka­manskappingum. – Um ein fær eitt skeiv tak ella beklar, tá ið ein er í ferð við at lyfta okkurt, so er skjótt, at tað kann ganga heilt galið. Tað er ikki sum í til dømis í fótbólti, har bólt­ urin bara flýgur út til inn­ kast. Vit arbeiða alla tíð­ina ímóti tíðini í okkara kapp­ ing­um. Tá ið talan er um so tungar vektir, ið vit fáast við, so kann ein lættlliga blíva skadd­ur, sigur Bogi Hammer um vandan, sum eisini liggur hes­um kapp­ingum, har nógv­ar tungar vektir skulu lyft­ast. Stuttligt at lyfta frammanfyri nógvum áskoð­arum Stóru sterka­mans­kappingar­ nar, har nakrir av heimsins sterk­astu monnum koma til Føroya at kappast, er sjálv­ sagt ein stór gularót fyri menn sum Boga Hammer og Bjarna Nielsen. Bogi Hammer minnist aftur á »Battle of North«-kapp­ing­ ina, ið varð hildin í høllini á Hálsi í fjør. – Tú kanst ætla, at tað er stuttligt, tá ið eini 2000 før­ oy­ingar standa og rópa eftir tær, meðan tú lyftir. Ein skal veruliga uppliva tað sjálv­ ur fyri at vita, hvussu tað kennist, sigur Bogi Hammer um hesa kensluna. Kappingarnar skulu ei­heldur gerast ov stuttar Tá ið nýggjaru sterka­mans­ kappingarnar byrjaðu aftur fyri nøkrum árum síðani gjørd­ust kappingarnar ofta ógvu­liga drúgvar. Onkuntíð kundu kappingarnar tátta í eini tríggjar tímar, tí at fyri­ reikarar og luttakarar ikki vistu heilt, hvussu ein skuldi bera seg at í tí ymsa. – Men ongin er so býttur, at hann ikki veit betur aftaná. Kappingarnar eru betrað­ar nógv síðani, og vit vóna, at kappingin leygar­ dagin ikki verður longri enn ein og ein hálvan tíma. Nú er tað kanska byrjað at ganga hinvegin, at ein roynir at draga kappingarnar longri út. Tað skal jú eiheldur vera so­leiðis, at áskoðarin kemur, roykir eina sigarett, og so er alt yvirstaðið, sigur Bogi Hammer heldur skemtiliga, tá ið hann varð spurdur, hvussu langa tíð kappingin leygar­dagin fer at vara. Heimsins sterkastu savnast á Hálsi Fleiri av heimsins allar sterkastu monnum vera at síggja í høllini á Hálsi leygardagin, har føroysku Bjarni Nielsen og Bogi Hammer eisini fara at luttaka. Sosialurin hevur prátað við Boga Hammer um kappingina, ið afturat at vera møguligur luttakari eisini er ein av fyrireikarunum av kappingini Toyota Cup '15 Tú kanst ætla, at tað er stuttligt, tá ið eini 2000 føroyingar standa og rópa eftir tær, meðan tú lyftir. Ein skal veruliga uppliva tað sjálvur fyri at vita, hvussu tað kennist