hósdagur 24. september 2015síða 14

Fríggjadagur 25. september 2015 sosialurin 110 14 Hann byrjaði sum pakkari fyri Dimmalætting, og hevur síðani staðið á oddinum í menningini av trimum altjóða fyritøkum – allar við stórari success. – Mítt besta ráð til íverksetarar er, at hugsa um altjóða marknaðin beinan vegin. Vit hava lyndi til bert hugsa um tað, sum er uttanfyri okkara vindeyga, men heimurin er lítil og møguleikarnir nógvir, sigur Rúnar Reistrup. Sosialurin hevur hitt stjóran í Depop til eitt prát um áhugaverdu lívsleið hansara Hugsið um altjóða marknaðin beinan vegin Rúnar Reistrup Barbara Holm 37 ára gamli Rúnar Reistrup er í skriv­andi stund ávegis til Føroyar. Júst nú er hann staddur í New York, men fríggjadagin skal hann halda ein fyrilestur í Norðurlandahúsinum í sam­band við Vinnudagin. Men hvør er hesin íverksetarin og hvat hevur hann fingist við uttanfyri Føroyar sein­astu árini? Tað byrjaði í Dimmalætting í 1997, tá ið Rúnar varð settur sum pakkari fyri blaðið. Skamma stund eftir hetta gjørdist hann blaðmaður fyri gomlu Dimmu, og hevði altíð ímyndað sær eina karrieru innan blaðheimin. Tað var um tað mundið, tá ið internetið kom til Føroya. Internetið, sum vit øll vita, broytti nógv. Tað broytti eisini fram­tíðarútlitini hjá Rúnari. – Eg hugsaði fyri mær sjálvum, at internetið fór at broyta alt. Eisini blaðheimin. Og tí setti eg mær fyri at læra meira um hesa nýggju tøkni, sigur Rúnar Reistrup. Hann valdi síðani at fara til Dan­ markar undir útbúgving, og evnið gjørdist informatiónsvísund. Tað var tá ein ógvuliga ótøknilig útbúgving, men tók kortini støðið í tí tøkniliga heiminum. Rúnar lærdi hvussu ein skuldi gera vinnuligt virksemi burturúr tí nýggju tøknini. Liðugur við sína útbúgving fór Rúnar í eitt starv. Eitt púra vanligt 9-17 starv í einari pensjónsfyritøku. – Eg hugsaði fyri mær sjálvum, er hetta veruliga tað? Er hetta tað eitt vanligt starv er, greiður Rúnar frá. Undir útbúgving skrivaði Rúnar eina høvuðsuppgávu, sum millum annað nam við spurningin - hvat ger, at onkur nýggj vøra knappliga verður brúkt av øllum? Tað var júst hendan eina upp­ gávan, sum setti ferð á karrieruna hjá unga havnarmanninum. Tommy Ahlers, stovnari av fyritøkuni ZYB, ringdi til Rúnar. – Hann hevði lisið mína uppgávu, og vildi seta meg í starv. Tá vóru trý fólk í fyritøkuni, og framtíðarútlitini iva­som. Men eg vildi royna meg inn­ an júst tað – at taka eina lítla vøru og byggja hana upp, sigur Rúnar, sum als ikki ivaðist at venda pensjóns­ heiminum bakið. Tvey ár og 36 starvsfólk seinni seldu Rúnar, Tommy og hini fyri­ tøk­una til telegigantin Vodafone, og Rúnar hevði prógvað sítt virði sum menn­ari av nýggjum fyritøkum. Við í keyp­inum av ZYB fingu Vodafone sær eisini ein nýggjan leiðara fyri eina deild í London. Rúnar og lítla fam­ilja hansara fóru úr Danmark og byrjaðu á nýggjum í London. Depop var ov freistandi Hjá Vodafone í London fekk Rúnar størri og størri ábyrgd, og brádliga var hann leiðari fyri alla vøru­menn­ ing í Evropa og Afrika. Tað var eitt dreymastarv, sum eingin rætt­ hugsandi persónur sigur frá sær. Eg hugsaði fyri mær sjálvum, at internetið fór at broyta alt. Eisini blaðheimin« Myndir: Privat vinnuprofilur