hósdagur 15. oktober 2015síða 7

Fríggjadagur 16. oktober 2015 sosialurin 119 7 –Tað er kanska nemt at missa mótið, um ein ikki sær nakra broyting beinan vegin, men tað tekur tíð. Eitt varandi úrslit krevur eina lívsstílsbroying, sigur David Arge Galan hann vann Natural Power Fitness kapp­ingina í Danmark. – Eg valdi eisini at royna meg í Men’s Physique kappingini í Dan­ mark, tí eg haldi, at tað er meiri mín grein. Eg síggi als ikki meg sjálvan sum bodybuildara, men mær dám­ ar sera væl tankan handan Men’s Physique kappingina, og eg gjørdist so nummar tvey. Eg spurdi dóm­aran, um eg kundi sleppa við til kapp­ing­ ina í Leamington aftur í ár, og tað var gaman í, sigur David Arge Galán. Kappingin í Leamington er ein al­ tjóða kapping við luttakarum úr Ong­ landi, Skotlandi, USA og aðra­staðni. Bretar nýta eisini hesa kappingina sum úttøkukapping til HM í fitness, ið verður í Atlantic City, USA, í næsta mánað. Náddi dreyminum Tað gekk bara heilt væl í Onglandi. David Arge Galán gjørdi ikki mætari enn at vinna Men’s Physique kappingina. Sigurin gjørdi eisini, at hann náddi sínum heilt stóra dreymi innan fitness. Jórun Mørkøre luttók eisini í eini kapping í Leamington Spa, og hon gjørdist nummar tvey. – Eftir at dóm­ arar­nir høvdu kunn­gjørt meg sum vinnara í kapp­ingini, bjóð­aðu teir mær eisini eitt sonevnt Pro Card, um eg vildi hava tað. Sjálv­andi tók eg av, tað er jú tað, sum hev­ ur verið mín stóri dreym­ ur, sigur David Arge Galán. Pro-kort­ið hev­ur tó ein prís – David Arge Galán sleppur nú ikki longur at kappast í kappingum í Føroyum og Danmark. – Nú verði eg mettur at hava eitt hægri støði enn áhuga­ íðk­arar, og tí verða minstu krøv sett til, hvørjum kapp­ing­um eg kann luttaka í. Nú skulu kapp­ingar­ nar vera á pro­fessionellum støði, í undirfeløgum hjá World Natural Body Building Federation, sigur David Arge Galán. Hann vónar tó, at hóast hann ikki sleppur at luttaka í kappingum í Føroyum, fær hann møguleikan at hjálpa til, tá kappingar eru. Má uttanlands at kappast – Eg eri nýggjur í hesum, og veit ikki heilt, hvar næstu kappingarnar eru, eftir HM. Allarhelst verður tað í Italia ella Sveits, men um ikki, so eru fleiri kappingar í Avstralia, USA, Kanada og karibisku oyggjunum, sigur David Arge Galán. Tað er tískil langt at ferðast til slíkar kappingar. Ferðing, gisting og fyrireikingar kosta nógv, og David Arge Galán hevur hug at fílast eitt sindur at møguleikunum fyri at fáa stuðul í Føroyum. – Vit hava tíbetur góðar privatar stuðlar, sum gera tað møguligt hjá okkum at luttaka í kapppingum uttan­lands, men eg haldi tað vera undrunar­vert, at tað almenna ikki kann veita nakran stuðul. Eg haldi onkursvegna, at ÍSF ella onkur annar burdi stuðlað slíkum ferðum. Bæði eg og Jórun Mørkøre hava jú góð úrslit at vísa á. Eg eri ongantíð endaður lægri enn nummar tvey. Eg veit ikki, hvat tað er at enda nummar trý, og tað ætli eg mær heldur ikki at finna út av, sigur Davd Arge Galán. – Tað undrar, at landið ikki kann stuðla íðkarum, sum eru professio­ nellir og fara uttanlands at kappast, tá so nógv annað fær stuðul, sigur hann. Føroyingar eru ov smædnir Fitnessrákið hevur veruliga tikið dik á seg seinastu árini og nú eru fleiri heilsumiðstøðir í Føroyum, har til ber at venja. David Arge Galán heldur eisini, at fleiri eru, sum eru væl fyri í Føroyum og saktans kundu luttikið í ymisku kappingunum, sum skipað verður fyri. – Tað er eitt rák, sum hevur vundið upp á seg í Føroyum. Fólk eru nógv meiri tilvitað, um hvat tey ynskja við síni venjing. Nú manglar bara, at tey leggja smædni til síðis. Tað er kanska eitt sindur snópisligt, at standa í berum undirbuksum og skula bjóða seg fram soleiðis, men tey hava jú absolutt einki at smæðast um, sigur David Arge Galán. Árligu fitnesskappingarnar í Føroyum vóru í ár uppi í høllin í Hoyvík og David Arge Galán sigur, at har var stúvstappað av fólki til kappingina, so áhugin er eisini stórur. – Hetta rákið við fitness og kostar­ haldi er kul beint nú, sigur hann. Framhald á næstu síðu Myndir: Álvur Haraldsen