hósdagur 22. oktober 2015síða 27

FRÍGGJADAGUR 23. OKTOBER 2015 SOSIALURIN 122 27 NØVN Tað lá best fyri at gera tað um morg­unin, so fimm dagar um vikuna fór Pól av húsum klokkan fimm á morgni, og rann so til klokkan sjey, áðrenn hann fór til arbeiðis. Leygardagar og sunnudagar rann hann so longri túrar, 30 – 70 kilo­ metrar. Hetta var tað … Hann ásannar, at hetta var eitt stríggið lív, men hetta var tað, hann vildi. Longu árið eftir, í 2010, gjørdi hann av at melda seg til eina kapping um at renna sjey maraton í seks dagar á Bornholm. Har hendi tað merkiliga hendi, at tað var á tí síðstu kappingini, at hann rann skjótast Samstundis hevði hann fingið áhuga fyri fjallarenning og í sep­ tember og oktober í 2010 rann hann upp á 10 tey hægstu fjøllini í landinum upp á 18 tímar. Hetta eru øll fjøll yvir 800 metrar. Longu árið eftir. Í 2011, rann hann fyri fyrstu ferð í 24 tímar út í eitt. Hetta var á Bornholm og tá kláraði hann 160 kilometrar, men longu aftur í 2012, rann hann 181 kilometrar í 24 tímar, hetta var eisini á Bornholm. Sama árið rann hann 10 ferðir upp á hvørt av teimum 10 hægstu fjøllini í Føroyum. Stóri ósigurin Hann sigur, at tann fyrsta, stóra ósigurin fekk hann í 2013. Hann hevði verið við í eini kapping um at renna 100 fjórðingar, ella 161 kilometrar í bakkalendi á Bornholm, har hæddarmunurin var 6000 metrar tilsamans. Hann hevði eisini verið á øllum teimum 55 fjøllunum í Suðuroy upp á tveir dagar, umframt at hann hevði verið á øllum teimum 340 fjøll­ unum í Føroyum upp á eitt hálvt ár í døgunum frá 10. januar til 10. juli., Men so kom tann kappingin, hann hevði verið spentast upp á av øllum, og tað var at sleppa við í eini kapping um at renna úr Athen til Sparta í Grikka­landi. – Kappingin kallast Sparthlaton og teinurin er 246 kilometrar. Tað eru bara 300 sum sleppa við á hvørjum ári, so eg føldi meg ógvuliga hepnan, at eg slapp við. Men treytirnar eru harðar, tí teinurin skal rennast upp á minni enn 36 tímar. Teinurin er býttur sundur í 75 styttri strekki og tað er eisini tíðarfreist fyri, hvussu skjótt hvørt strekki skal rennast. Pól sigur, at hann føldi seg so væl fyri, at hann helt, at kappingin í Grikkalandi fór bara at vera ein avgreiðsluspurningur, sum skuldi vera krúnan á verkinum hetta árið. – Tað gekk væl í fyrstuni, men eftir 80 kilometrar gevist eg. Umberingin eg hevði, var, at tað var ov heitt. Og tað var heitt, tí hitin var ímillum 28 og 32 stig og av røttum átti eg at verið nøgdur við at klára 80 kilometrar undir hesum umstøðunum. Pól Sundskarð sigur, at tað nívdi hann illa at koma aftur til Føroya og ikki hava klárað kappingina. Men hann setti sær kortini fyri, at hetta var ein kapping, hann skuldi klára fyrr ella seinni. Hann sigur, at hann føldi trongd til at revsa seg sjálvan fyri ósigurin í Grikkalandi, og tað gjørdi hann 13. desember í 2013, tá ið hann rann teir 118 kilometrarnar úr Gásadali til Viðareiðis – í himmalsins ódnarveðri. Tað spurdist ein stuttlig hending burtur úr tí ferðini, sum tey ofta hevur flent at síðani. Strekkið, sum fall honum tyngst at renna var úr Leirvík, í Norð­oya­ tunnilin. Konan fylgdi við honum í bili og tá gav hann henni tekn um at steðga, so hann fekk latið seg betri í. Tá ið hann hevur skifr, koyrir konan undan aftur, og hann rennur aftan á inn í Norðoyatunnilin. Pól hevði ikki ansað eftir at ein kvinnuligur bilførari yvirhálaði tey – og seinni frætti hann, at søgur vóru farin at ganga í Klaksvík um, at ein kona hevði koyrt undan manninum við Norðoyatunnilin. Ein kvinna hevði sjálv sæð, at maðurin rann aftan á bilinum, men konan vildi ikki steðga… Pól sigur, at tað 14 tímar at renna úr Gásadali til Viðareiðis. Aftan á helt hann fram at renna á rennibandi teir næstu seks dagarnar, men so varð hann rættiliga sjúkur við nógvum fepuri. – Eg føldi, at eg hevði revsað meg sjálvan so hart, at eg toldi tað ikki. Men sjálvur føldi eg eisini, at tað var netttupp hetta, sum gjørdi, at nú var eg búgvin at fara undir 2014 við teimum málum, eg hevði. Sparthlaton einaferð afturat Hann sigur, at longu í januar søkti hann aftur um at sleppa at renna sparthlaton í Grikkalandi, tí hansara størsta mál var at klára tað. Men áðrenn tað, gjørdi hann av royna enn einaferð at vita, hvussu langt hann kundi renna í 24 tímar og aftur hesa ferð setti hann met við at renna 186 kilometrar á Bornholm, ella fimm kilometar longri enn seinast. – Eg havi fult og heilt tikið leiðsluna í mínum lívi, og sostatt fái eg gjørt mínar dreymar til veruleika, sigur Pól Sundskarð, sum hevur avrikað nógv meiri á sínum øki, enn nakar annar føroyingur Eg føldi á mær, at nú mátti okkurt gerast« Framhald á næstu síðu