hósdagur 29. oktober 2015síða 24

Fríggjadagur 30. oktober 2015 sosialurin 125 24 Skúlin í netsamfelagnum Mentan – Vit kunnu spæla okkum til læring. Tað var boðskapurin hjá Ólavi Ellefsen á stóru ráðstevnuni, Skúlin í netsamfelagnum, sum allir teir føroysku fólkaskúlalærararnir hava verið á farnu vikuna. Spæl er gott fyri læringina, ikki tí tað er stutt­ ligt, men tí tað kveikir hugin, sigur kt-mennarin, sum í løtuni arbeiðir við einum stórum fiskivinnuspæli Læra tá vit spæla Dorit Hansen N ei, nei,« rópa lærarar, sum standa kring sjey teldu­borð í Klingruni í Norður­landahúsinum. Teir eru júst byrjaðir at spæla nýtt fiskivinnuspæl, og teimum dámar einki, tá fyriskiparin, Ólavur Ellefsen, sigur, at hatta bara var ein venjing, og nú byrjar veruliga kappingin. »Nei, nú gekk tað akkurat so gott,« sigur ein á liðnum, sum longu hevur fylt lastina nakrar ferðir á Mykines­ grunn­inum og síðan avreitt og bunkr­ að í Miðvági. Klingran er fullsett av lærarum, sum eru á ráðstevnu um skúlan í net­sam­felagnum. Til samans á leið 800 lærarar eru á ráðstevnuni, sum verður endurtikin í fýra dagar. Á ráð­ stevn­uni eru 16 verkstovur umframt ein felags fyrilestur frá rektaranum á Marknagili, Boga Bech Jensen. Millum mest eftirspurdu verk­ stov­urnar er »Spælgrundað læring« hjá Ólavi Ellefsen. Og tað sær út til, at spælið fangar, tí mótmælini eru harðmælt, tá Ólavur steðgar inn­leið­ andi spælirundini og fær lærararnar at byrja umaftur. – Spælgrundað læring er góð, tí hon hugfangar næmingarnar, og tað vísi eg lærarunum við at seta teir sjálv­ar at spæla. Spælið tendrar Heilagransking vísir, at vit loysa nýggj­ar trupulleikar við at brúka gom­ul mynstur. Vit skilja tað, sum vit møta við teimum royndum, sum vit hava frammanundan. Og hevur tú einki mynstur, sum hóskar til nýggju vitan­ina, so kennist hon meiningsleys og óskiljandi. – Næmingar spyrja ofta: Hví skal eg læra hetta. Tey síggja ikki trupul­ leikan og eru tí ikki áhugað í loysn­in­i. Við spælbaseraðari læring svarar tú spurninginum »hví«. Tá næmingarnir spæla, síggja teir trupulleikan í einum meiningsfullum konteksti. Og tá teir hava spælt eina løtu, eru teir til reiðar at lurta eftir loysnum og hugsa um lær­ingina. Í Klingruni í Norðurlandahúsinum fangar nýggja fiskivinnuspælið hjá felagnum Tøkni. Lærararnir keypa Vit læra best, tá vit hava hug til læringina, og tá hon gevur mein­ing fyri okkum. Eitt væl skipað lærings­ pæl fangar og kveikir áhugan, og so letur heilin seg upp fyri veru­ ligari læring« Ólavur Ellefsen