hósdagur 12. november 2015síða 7

Fríggjadagur 13. november 2015 sosialurin 131 7 fibrosu, lat hann ikki ósigurin frá byrjan taka ræði á sær, men varðveitti, og varð­veitir framvegis trúnna um sigurin. Við sjúkuni er neyðugt at fara ser­stak­liga væl við sínum likami, og við taekwondo tykist Høgni finna mein­ing­ina við at fara sær væl við sær sjálum. – Man kann sikkurt siga, at okkurt er líka millum tað, at ansa eftir sær sjálvum við cystiskari fibrosu, og tá ið man ger taekwondo, ásannar Høgni, sum stundum verður tarnaður av sjúkuni, tá ið hann venur upp til kappingar. Farna mánað rakk Høgni finaluni á taekwondostevnu í Rødovre, og tók til takkar við silvurheiðursmerkinum og DM-luttøkuplássi. Til DM stutt eftir hitti hann sama dronginum í bronsu­dysti, og hesiferð varð Høgni sigurs­harrin. Tó hevði sjúkan argað Høgna nakað nógv upp til kapp­ing­ ina, og var hann sannførdur um, at úrslitið kundi havt verið enn bet­ur. Hann tapti nevniliga fyrsta dystin móti dronginum, sum fór við gull­ inum. Møguliga gullheiðursmerki hevði verið um hálsin á Høgna, hevði hann ikki verið darvaður dagarnar áðr­enn kapp­ingina. – Men eg taki tað ikki tungt. Hetta var fyrstu ferð, at eg var við til eina DM kapping, og man plagar ikki at vinna nakað í fyrsta umfari. Tey, sum vunnu gull og silvur høvdu øll verið við minst tríggjar ferðir fyrr. Tað er bara at læra frá hesari kappingini, og koma sterkt aftur næstu ferð. Tað er viktugt at reisa seg aftur, leggur Høgni afturat. Næsta mál í huganum – Tað snýr seg slettis ikki um kapp­ ingarnar í veruleikanum. At blíva betri og koma upp á næsta stigið er tað týdningarmesta innan tae­ kwondo. Kappingarnar eru bara til stutt­leika, sigur Høgni, sum hevur sett sær fyri at fáa »2. dan«, ið er næsta torleikastig eftir svarta beltið í tae­kwondo. Byrjanarstigið innan taekwondo er hvíta belti, meðan tíggju ymist litt belti ímynda næstu níggju grund­ stigini. Seinasta, og fremsta grund­ stigið er svarta beltið, sum Høgni longu 11 ára gamal bindur um lívið, tá ið hann fer til venjing. Tó er ein ikki lið­ugur við menningina, tá ið svarta beltið er rokkið – tá resta fram­vegis tíggju sonevnd »Dan« stig. Minst eitt ár skal vera millum fyrsta dan og annan dan, síðani tvey ár vera millum annan dan og triðja dan og soleiðis leingist tíðarrúmið mill­um hvønn dan. At røkka síðsta, og tíggj­ unda daninum er ein ósannlík lívs­ verk­ætlan, ið einans heilt fá hava megn­að. Á sama hátt berjist Høgni ótroytt­iliga við síni ósannlíku, virknu lívs­verk­ætlan. Um vikuskifti skal hann gjøgnum enn eitt grundarstig, tá ið skurð­viðgerð bíðar honum í Danmark vegna sjúkuna. – Nú skulu vit niður í 16 dagar, og tað er operatión, men eg hevði ikki gjørt tað, um tað ikki hevði hjálpt mær fram­eftir, sigur djarvi ungi stovnarin av egnum taekwondofelagið í Søldar­ firði. mortan@sosialurin.fo Framhald á næstu síðu Taekwondo ■ Samansettur stríðsítróttur, við íblástri úr Japan. ■ Fleiri »Kwan« skúlar í Korea íðkaðu egnar útgávur av ítróttinum í 40unum. ■ Í 1950unum gjørdist Taekwondo ein ítróttargrein fyri seg í Korea. ■ Heitið ber trý orð á koreanskum: Tae Kwon Do. Leysliga týtt; hættir at sparka innan stríðsítrótt. ■ Ítróttin leggur serligan dent á sparkiteknikk, men fevnir eisini um brúk av nevum. ■ Í 2000 gjørdist Taekwondo ein olympisk ítróttargrein. »Man kann sikkurt siga, at okkurt er líka millum tað, at ansa eftir sær sjálvum við cystiskari fibrosu, og tá ið man ger taekwondo« Myndir: Privat Trý ára gamal fekk Høgni Kunoy Dávason staðfest cystiska fibrosu, eftir fleiri ógvusligar sjúkralegur í byrjanini av lívinum