mánadagur 18. januar 2016síða 8

Mánadagur 18. januar 2016 · Nr. 7 8 Sosialurin Hugskot og viðmerkingar – send sms til 225000 ELDRAØKIÐ Barbara Holm Í januar í fjør gjørdi Sosial- urin eitt tema um eldraøkið. Tá varð tosað við Mary Antonsdóttir, sum fýltist á lívið hjá okkara elstu borg- arum á ellisheimum. Henn- ara størstu atfinningar vóru tá, at ov fá starvsfólk vóru um tey gomlu, og at tað leiddi til, at tey gomlu ikki fáa nógv meir enn ta mest grundleggjandi røktina. Í dag er støðan ikki stórvegis broytt, heldur Mary. – Vit eru framvegis ov fá starvsfólk. Vit royna okkara allarbesta, at skapa innihald í lívið hjá teimum gomlu, men tað er ikki stórvegis tíð til at sita við teimum og geva teimum nærveru, sigur Mary. Fyri hana er tað trupult at góðtaka støðuna, tí tað ávirkar hugin at fara til ar- beiðis. – Tað er hart at síggja, hvussu einsamøll summi búfólk eru. Summi sita bara og stara í í tóma luft fleiri tímar um dagin. Høvdu vit verið fleiri starvsfólk, so hevði tað ikki hent, sigur Mary. – Vit hava ymsar ak- tivitetir, sum til dømis sang, dans, bindiklubb, gudstæn- astu og bingo. Eg sjálv skipi fyri nøkrum av teimum størru tiltøkunum, har av- varðandi verða bjóðað á stovnin at vera saman við sínum gomlu. Tey tiltøkini eru eina ferð um mánaðin og eru væl vitjaði, greiður Mary frá. At starvsfólk á eldra- Álitisfólk á Tjarnargarði: EINSEMI ER TAÐ RINGASTA - Nú er eitt ár síðani kommunurnar yvirtóku eldraøkið, men eg dugi ikki at síggja nakra stórvegis broyting. Framvegis hava vit bert stundir til tey basalu tingini, meðan mong búfólk sita í einsemi, tí tey verða ikki stimbrað nóg nógv, sigur Mary Antonsdóttir, álitisfólk á Tjarnargarði í Havn. Hetta ynskja starvs- fólkini á eldraøkinum: Mary er nevndarlimur í Tign, álitisfólk á Tjarnargarði og hevur 20 ára royndir innan økið. Hon sigur, at hetta er tað, sum starvsfólkini innan eldraøkið ynskja. • Fasta normering við lóg, so at tað ikki ber til at skerja í starvsfólkatalinum meira enn gott er. • At køkshjálp er um dagin og um kvøldið. • Meira tíð til búfólkini. • At eykajáttanir skulu síggjast aftur á gólvinum, so búfólkini fáa betri sømdir. • At ein fysioterapeutur er knýttur at heimunum – í dag er ein ergoteraptur tveir fyrrapartar um vikuna á Tjarnargarði. • At meira orka verður løgd í rehabilitering. • At ein ítrivsstova er á hvørjum heimið. Sum nú er eru ítrivsstovur á summum heimum kring landið. • At tað verður krav, at tey gomlu fáa fríska luft hvønn dag. • At hugsað verður um at eggja ungum til at fáa sær útbúgving innan eldrarøkt. Tað merkir betri arbeiðskor og hægri løn.