mánadagur 8. februar 2016síða 11

11 Mánadagur 6. januar 2014 · Nr. 2 Sosialurin Hugskot og viðmerkingar – send sms til 225000 Mánadagur 8. februar 2016 · Nr. 16 PARKERING NÚ SKAL SKIL FÁAST Á PARKERINGINI Í HAVN Nú er sjøtul settur á arbeiðið at loysa ein av stóru trupulleikunum í Havnini Áki Bertholdsen – Parkeringsviðurskiftini er ein tann størsti trupulleikin, vit hava at dragast við í Havnini. Tað staðfestir Elin Linden­ skov, forkvinna í Teknisku Nevnd í Tórshavnar Býráð. Men nú er sjøtul settur á ar­beiðið at fáa parkeringina í Havn betri skipaða. Býráðið hevur nú samtykt ein parkeringspolitikk, og í hes­um sambandi hevur bý­ ráðið eisini samtykt at seta ein sam­ skipara at skipa fyri at seta politikkin í verk. Ein tann fyrsta upp­gávan hjá samskiparanum at fáa skil á parkerings­trupul­ leik­anum hjá teimum, sum búgva sjálvum miðbýnum, so at tey kunnu fáa eitt par­kerings­loyvi at parkera ókeyp­is so tætt við húsini, sum tilber. Men í longdini skal sam­ skiparin eisini virka fyri at seta parkeringspolitikkin sum heild í verk. Hægri bøtur Elin Lindenskov staðfestir, at ein trupulleiki hjá bý­ráð­ num er, at tað er land­ið, sum hevur ræðið á parkerings­ viður­skiftunum. Tí heldur hon, at tað er neyðugt, at býráðið fær fríari ræsur at skipa parkeringina í kommununi – Tað er landið, sum ger av, hvussu stór, parkeringsbótin er, sigur hon. Sjálv heldur hon, at par­ ker­ingsbótin eigur at vera hægri enn hon er í dag, nú hon er 200 krónur. Akkurát, hvussu stór, bótin skal vera, hevur hon ikki nakra ávísa meining um, men hon heldur, at ein bót á 200 krónur, ger ongan mun. – Bótin fyri at parkera ólóg­liga í Havn, er lítil, afturí­móti bótini í øðrum lond­um, og fólk leggja ikki í, um tey fáa 200 krónur í bót, og so­statt ger tað lítlan og ongan mun. Tí eigur bótin at verða hækkað – og hon eigur harafturat verða prístalsviðgjørd, so at hon hækkar at kalla á hvørjum ári, so hvørt sum prísirnir annars, hækka. Elin Lindenskov vísir á, at at royndir hava verið gjørdar at fáa bøturnar at hækka, men tað hevur Løgtingið sýtt fyri. – Eg havi fingið at vita, at tað er mest av persónligum orsøk­um, at løgtingslimir ikki vilja loyva okkum at hækka parkeringsbótina. Tað er ongin loyna, at fleiri løg­tings­limir par­kera í mið­ bý­num, tá ið løgtings­fundir, ella nevndar­fundir eru, og so ganga teir út í heilum at flyta parkerings­skivuna. Men fleiri teirra fáa eisini bót, og tí vilja tey ikki geva okkum loyvi til at hækka bótina, sigur Elin Lindenskov. Hon heldur, at hóast hetta er nok so menniskjansligt, er hetta skilaleyst, kortini. Trygt og høgligt Forkvinnan í Teknisku nevnd vísir eisini á, at bý­ráð­ ið hevur eisini samtykt at seta gjaldsparkering í gildi í Tórs­havnar Kommunu, men higartil hevur politiski myndug­leikin ikki vilja givið loyvi til tað, so enn hevur tað ikki vunnið frama. Men í parkerings­politikk­ inum, sum nú er samtyktur, verður mælt til at taka hesi mál­ini upp aftur. Verður ein skipan við gjalds­parkering sett í verk í mið­býnum, hevði tað bæði ført til, at bilarnir stóðu styttri á parkerings­pláss­un­ um, umframt at tað hevði útvegað býráðnum inn­tøkur til at gera nýggj parkerings­ øki. – Gjaldsparkering er eisini eitt tilboð til bileigarar um at seta bilin frá sær høgliga og trygt, og at gjalda fyri tað. Tað er eisini eitt um­ hvørvis­átak, tí tey, sum ikki vilja gjalda fyri at parkera, fara kanska heldur í býin við Buss­leiðini, ella á súkklu. Fyri at gera gjalds­parker­ ing meiri brúkaravinarliga, kunnu 30 teir fyrstu min­ utt­irnir vera ókeypis, og har parkering er átta tímar, kunnu tveir teir fyrstu tím­ ar­nir vera ókeypis. Fleiri parkeringspláss Elin Lindenskov sigur, at endamálið er, at peningurin, sum verður goldin í bótum og í parkeringsgjali, verður settur í ein parkeringsgrunn, sum skal brúkast til at bøta um parkeringsviðurskiftini. Tað merkir eisini, at handl­ar, vinnulív, og onnur, sum byggja, men ikki hava um­støður til at gera par­ kerings­pláss, rinda eina upp­ hædd í parkerings­grunn­in ístaðin. Elin Lindenskov stað­ festir, at ein partur av par­ kerings­politikkinum hjá Tórs­havnar Býráði, er eisini at gera fleiri parkeringspláss, eitt nú við parkeringshúsum. Fáa vit eitt, ella tvey par­ keringshús, kundi tað loyst par­keringstrupulleikan í mið­býnum, sigur hon. Tað er ringt at siga, hvar slík parkeringshús kundi verð­ið bygd, men hon heldur, at plássið við Kongabrúnna, har stóra parkeringsplássið er nú, er ein møguleiki. Hon vísir eisini til Skála­ trøð. – Tað vísir seg, at øll vilja vera á Skálatrøð, men har er einki hent alla mína tíð, og eg ivist í, um nakað hendir har, so tað er kanska eisini ein møgu­leiki, heldur hon. Í framtíðini kann eisini hugs­ast at parkeringshús verða bygd uttanfyri býin, har gott busssamband er. Møguleiki er eisini at seta tøkar súkklur til fría nýtslu til tey, sum parkera uttanfyri býin, sigur Elin Lindenskov. aki@sosialurin.fo SLEPPA IKKI Parkeringin er størsti trupulleikin í Havnini, men higartil hava Løgtingið og Landsstýrið verið ein stór forðing fyri at trupulleikin verður loystur, sigur Elin Lindenskov, forkvinna í Teknisku Nevnd í Tórshavnar Býráð Myndir: Álvur Haraldsen Fáa vit eitt, ella tvey parkeringshús, kundi tað loyst par­kerings­ trupulleikan