mánadagur 8. februar 2016síða 16

Mánadagur 08. februar 2016 · Nr. 16 16 Sosialurin Hugskot og viðmerkingar – send sms til 225000 ÍTRÓTTUR STUTTSØGD ÍTRÓTTARTÍÐINDI 20 NÝGGJ FØROYSK MET Pætur Albinus FÓTBÓLTUR Oddaliðini í La Liga, FC Barcelona, Atlético Madrid og Real Madrid halda skansan við hvør sínum sigri um vikuskiftið. FC Barcelona vann 2-0 ímóti Levante, Atético 3-1 ímóti Eibar og Real 2-1 ímóti Granada. FC Barcelona, sum hevur ein dyst tilgóðar, er oddalið trý stig frammanfyri Atlético og fýra stig frammanfyri Real. Fernando Torres skeyt sítt mál nummar 100 fyri Atlético Madrid, tá ið hann leygardagin varð innskiftur í 3-1-sigrinum ímóti Eibar og skeyt síðsta málið í dystinum. Tey 100 málini hevur hann skotið upp á 295 dystir. Fyri fyrstu ferð í 2016 mátti Bayern München leyg­ar­dagin at fara av vøllinum uttan ein sigur, tá ið vitjanin hjá Bayer Leverkusen endaði við 0-0-javnleiki. Tað eina stigið førir neyvan stóran miss við sær, tí Bayern München er framvegis greitt oddalið, átta stig frammanfyri Borussia Dortmund nú 14 umfør eru eftir at spæla. Við 22 sigrum út av 25 møguligum stevnir PSG trygt ímóti enn einum fronskum meistaraheiti. Eftir 2-1-sigur í 'Le Classique' ímóti Marseille, har Angel di Maria og Zlatan stóðu fyri málunum, er PSG nú heili 24 stig frammanfyri Monaco, sum er á 2. plássi. Brasilski áleyparin, Jo, sum áður hevur spælt við Manchester City, skiftir eisini til kinesiskan fótbólt. Hann er farin til Jiangsu Suning, har hann gerst triðja brasilska keypið í januar aftaná Ramires og Alex Teixeira. 28 ára gamli Jo spældi seinast við Al-Shabab í sameindu Emiratunum. Watford-áleyparin, Odion Ighalo, sigur, at hann eisini fekk eitt rimmar tilboð um at skifta til eitt kinesiskt felag, har hann tey næstu fýra árini hevði fingið 600 milliónir krónur í løn. Hann sigur við Daily Mail, at tað var ein trupul avgerð at taka, men at dreymur hansara er at spæla í Premier League. Afrikanska fót­bólts­ sam­gongan, CAF, er samd um at øll 54 limalondini fara at atkvøða fyri Sheikh Salman bin Ebrahim al- Khalifa úr Bahrain til FIFA- forsetavalið. Hann er harvið greiður favorittur at vinna valið, har suðurafrikanski Tokyo Sexwale, sum dúvaði upp á afrikanskar atkvøður, nú neyvan hevur nakran møguleika. Nakrir Ajax-fjepparar eru handtiknir eftir at teir í dystinum ímóti Feyenoord høvdu eina dukku av Feyenoord-málverjanum, Kenneth Vermeer, har hann ímyndaðist at verða hongdur við tekstinum “sonur eina skøkju”. Ajax tekur frástøðu frá hendingini, sum er íkomin í kjalarvørrinum á at Vermeer skifti úr Ajax til Feyenoord. AM. FÓTBÓLT Denver Broncos vann 24- 10 ímóti Carolina Panthers í Super Bowl 50 , sum varð spæld í nátt føroyska tíð. Støðan í hálvleikssteðginum var 13-7 til Denver Broncos, sum serliga sýnti gott verjuspæl og slapp at lyfta tiltikna Vince Lombardi- steypið. BORÐTENNIS Føroyskir borðtennisleikarar hava um vikuskiftið luttikið í Roskilde Cup, har tað gjørdist til trý føroysk heiðursmerki. Fróði Fríðason Jensen vann gull í herre klasse 3, Anna Mikkjalsdóttir vann gull í dame klasse 2 og Durita Fríðadóttir Jensen vann silvur í dame junior B. HONDBÓLTUR Fyri fyrstu ferð í søguni kann HC Midtjylland kalla seg steypavinnara í donskum manshondbólti. Hetta hendi eftir 30-26-sigur ímóti GOG í gjár. Ávegis í finaluna gjørdist tað eisini til púra óvæntaðar sigrar ímóti stórfeløgunum KIF Kolding København og Team Tvis Holstebro. FORMIL 1 Tað gongur lítið framá hjá Michael Schumacher, sum gjørdist heilaskaddur eftir skívanlukku fyri tveimum árum síðani. Fyrrverandi stjórin á Formil 1-liðnum hjá Ferrari, Luca di Montezemolo, sigur við The Guardian, at hann veit nýtt frá Schumacher, men at tað ikki eru góð tíðindi. Hvat tað er, vil hvørki hann ella Schumacher-legan siga nakað um. SÚKKLING Heimsins mest vinnandi lið, Etixx-QucikStep, verður ikki við í Tour of Qatar, sum byrjar í dag. Fyriskipararnir vilja ikki hava liðið við aftur, tí at vinnarin tvey tey síðstu árini, Niki Terpstra, ferð eftir ferð var ov seinur upp á sigursskammilin, eins og liðið - sambært teimum - sýnti vánaliga atferð. Pætur Albinus Um vikuskiftið hava før­ oysk­ir íðkarar umboðandi Treystið, Bragdið og Hvirlu­ na luttikið í kappingini Stór­mót í Reykjavík. Talan gjørdist um søgu­skriving hjá frælsa ítróttinum, sum hevur vent nøsina ímóti Føroyum aftur við heili 20 nýggjum føroyskum metum í viðførinum. Orsøkin til, at talan gjørdist um somikið nógv met, er tann, at nøkur teirra vórðu betraði fleiri ferðir og at enda taldi heili 20 tilsamans. Eitt met, sum skaraði fram­úr, var metið hjá Re­ bekku Fuglø á 800m-­teini­ num. Ikki einans kutaði hon hálvt sekund av føroyska metinum, sum hon eisini átti frammanundan, men við tíðini 2.14,23 rann hon somuleiðis skjótastu tíð nakrantíð á hesum teini­n­ um í Stórmót. Eisini tann einans 14 ára gamla Oddvør Josephsen vísti tenn í Íslandi, har hon á 400m-teininum rann við tíðini 60,83 sekund, sum – umframt at vera føroyskt met – eisini lýkur kravtíðina til oyggjaleikirnar. albinus@sosialurin.fo Frælsi ítrótturin hevur av álvara gjørt um seg í kapping í Íslandi um vikuskiftið, har heiðursmerkjaregn kastaði heili 20 nýggj føroysk met av sær. Nýggj føroysk met Rebekka Fuglø, 800 m (2.14,23) Oddvør Josephsen, 400 m (60,83) Margit W. Fríðmundsdóttir, trístøkk (10.31, 10.32, 10.49) Birita Ryan, longdarlop (4.49, 4.59) Margit W. Fríðmundsdóttir, longdarlop (4.75, 4.81, 4.93) Hervør Niclasen, hæddarlop (1.44, 1.47) Bára Jógvansdóttir Glerfoss, hæddarlop (1.50) Elisabet Holm Simonsen, 60 m (8.50) Hildur Poulsen, 60 m (8.49) Alda Sigurðardóttir Lam­ hauge, 60 m (8.41) Margit W. Fríðmundsdóttir, 200 m (27.53) Rebekka Fuglø, 1500m (4.36,19) Tórur Mortensen, trístøkk (14.12, 14.45) Gull Tórur Mortensen, trístøkk Rebekka Fuglø, 1.500 m Oddvør Josephsen, 800 m Maria Biskopstø, 1.500 m Vibeka Sivertsen, 600 m Julian Gregersen, 1.500 m Rebekka Fuglø, 800 m Elin Niclasen, kúluvarp Maria Biskopstø, 800 m Elin Kristina Ryan, 3.000 m Silvur Oddvør Josephsen, 400 m Miso Buha, longdarlop Andreas Bjarnastein Antoft, hæddarlop Hans Sivertsen, 400 m Gunnar Sivertsen, 3.000 m Óluva Allansdóttir Joensen, kúluvarp Bára Jógvansdóttir Glerfoss, hæddarlop Hans Sivertsen, 800 m Gunnar Sivertsen, 1.500 m Bronsa Birita Ryan, longdarlop Hervør Niclasen, hæddarlop Elisabet Holm Simonsen, 60 m Jan Elmar Sørensen, 1.500 m Hans Erland Thomsen, 600 m Andreas Bjarnastein Antoft, 60 m Andreas Bjarnastein Antoft, longdarlop Sára Debesardóttir, trístøkk Hans Erland Thomsen, 200 m Hans Erland Thomsen, longdar­lop Miso Buha, kúluvarp Andreas Bjarnastein Antoft, 200 m Steintór Egholm, 400 m Rúni Seloy, 400 m