mánadagur 21. mars 2016síða 7

7 Mánadagur 6. januar 2014 · Nr. 2 Sosialurin Hugskot og viðmerkingar – send sms til 225000 Mánadagur 21. mars 2016 · Nr. 34 BYGGJA NÝGGJAN MUSIKKSKÚLA Í HAVN Ein fantastiskur dagur Áki Bertholdsen – Nýggi musikkskúlin, sum nú skal byggjast, er ein fínur skúli. Tað staðfestir Andrea Heindriksdóttir, leiðari fyri Musikkskúlan. Á býráðsfundi hós­ kvøld­ið samtykti Tórs­ havn­ar Býráð einmælt at bjóða arbeiðið at byggja nýggj­an musikkskúla, út. Hetta er ein ætlan, sum hevur verið politisk kasti­ bløka í býráðnum í Havn í samfull sjey ár, og Andrea Heindriksdóttir ásannar, at hósdagurin var ein fan­ tast­iskur dagur. Býráðslimir í Havn førdu fram, at skúlin er lagd­ur til rættis í sam­ starv­ið við starvsfólkið á Musikk­skúlanum og Andrea Heindriksdóttir himpr­ast heldur ikki við at siga, at nýggi musikkskúlin er eitt ordiliga fínt projekt. – Hetta fer at geva okk­ um heilt aðrar møguleikar at undirvísa, og hetta fer at geva okkum heilt aðrar møgu­leikar fyri at taka næmingar inn á skúlan og so­statt at stytta bíðilistan, sigur hon. Í løtuni húsast Muskikk­ skúlin í fleiri hølum, og sam­stundis hevur hann onga orkesturhøll. Avgerandi fyrimunur  Og nettupp tað, at nýggi skúlin fer eina nýggja, orkestur­høll, er ein av­ ger­andi fyrimunur fyri musikk­skúlan. – Orkesturhøllin er eitt týðandi undirvísingar­part­ ur av skúlanum. Vit hava orkestur við upp til 60- 70 næmingum, sum eisini mugu hava eitt gott høli at venja í. – Tí mugu vit hava eitt stórt og gott rúm, sum er gjørt til musikk, og har orkestur kunnu venja, og spæla. – Orkesturundirvísing setur krøv til støddina á høl­inum og rummetrunum sum ljóði ferðast í. – Sjálvandi er tað eisini avgerðandi at hava eitt høli at spæla í, og har tað er pláss hjá foreldrum og næstr­ingum at koma at lurta eftir næmingunum. Ein orkesturhøll gevur eis­ini møguleikar fyri verk­ætlanum av ymsum slagi, sigur hon. – Orkesturhøllin er rætt og slætt savningarstaðurin á skúlanum, og í nýggja skúl­anum er ein fín høll til enda­málið, sigur leiðarin fyri Musikkskúlan. Í løtuni eru 600 næm­ ingar á Musikk­skúlanum. Hin­vegin standa nógv fleiri á bíðilista og tað er ikki óvanligt, at foreldur skriva børnini á listan longu tá ið tey vera fødd, so bíðilistin er ikki heilt eftir­farandi. – Men tað standa einir 300 næmingar á bíðilista, sum av røttum áttu at slopp­ið inn á skúlan. Andrea Heindriksdóttir hevur góðar møguleikar fyri at fáa bíðilistan burtur eftir nøkrum árum. – Tað krevst nakað av peng­um til læraralønir, men nýggi skúlin fer at geva okkum heilt aðrar møgu­leikar at bjóða undir­vísing til børn undir skúla­aldur, og tað hevði beinan­vegin ført við sær, at bíði­listin fer at minka. Hinvegin vísir Andrea Heindriksdóttir á, at tað er serliga til undirvísingina í klaver, at bíðilistin er lang­ ur. Hinvegin er ongin bíði­ listi til at sleppa at spæla mess­ingljóðføri, og onnur ljóð­føri, sum kanska ikki eru so kend.   Undir skúlaaldur – Tá ið foreldur skriva børn­ini upp, verða tey ofta skriv­að upp til ljóðførið, for­eldrini kenna. Men aðal­málið hjá okkum í musikkskúlanum er eisini at geva børnum og ungum kunn­leika til øll møgulig ljóð­føri. – Og ein máti kundi ver­ ið at havt fleiri tilboð til børn undir skúlaldur. – Á tann hátt koma   børnini at kenna ymsu ljóðførini og velja tá kanska meiri eftir hvat tey sjálvi hava hug til, sigur Andrea Heindriksdóttir.  Hinvegin leggur hon afturat, at tey umhugsa eisini at fara til eina skipan, har fólk skriva seg upp á hvørj­um ári Hettar er fyri at fáa eina skipan har tey sum vilja sleppa inn á skúl­ an, at gera vart við seg á hvørjum ári, ístaðin fyri at standa fast á einum lista ár undan ári. – Samanumtikið síggi ikki so svart upp á at fáa bíði­listan burtur eftir nøkr­um árum, leggur leið­ arin afturat. aki@sosialurin.fo Hetta er ein fín ætlan, sum fer at geva okkum heilt aðrar møguleikar, sigur Andrea Heindriksdóttir Framtíðartryggjaðir Helena Dam á Neystabø, for­ kvinna í Menta­mála­nevndini hjá Tórshavnar Býráð, sigur, at skúlin, sum nú verður bygdur, verður hann nakað størri enn ætlað. Tilsamans er skúlin 436 fermetrar størri enn ætlað, og serliga er konserthøllin gjørd størri, soleiðis at hon nú kann rúma øllum hugsandi orkestrum, um­ framt at pláss er fyri 350 áhoyr­arum. Konserthøllin verður ikki bara til gagns fyri skúlan, men fyri allan býin, tí har ber væl til at skipa fyri kon­sert­ um, sangleikum, ella hvat tað skal vera. – Hetta er eitt stórt fram­stig fyri Havnina, tí Musikk­skúlin liggur í einum býarparti við nógvum ung­ dóm­um, tí har verður bæði nýggi stórskúlin á Fløtum, um­framt miðnámsdepilin, Glasir, við hundraðtals ung­ dóm­um. Men umframt konsert­ høllin er sjálvur skúla­bygn­ ing­urin eisini rúmligari, so­ leiðis at bæði næmingar og lær­arar fáa betri umstøður, um­framt at inngongdir og durur verða rúmligari. – Skúlin er lagdur til rætt­ is í tøttum samstarvi við starvs­fólkini í Musikk­skúl­ anum og sostatt hava vit fing­ið ein skúla, sum er fram­ tíðar­tryggjaður tey næstu 50 árini, sigur for­kvinn­an í Menta­mála­nevnd­ini. – Tað kann ikki annað enn vera ein fyrimunur, at vit byggja ein skúla, við vakstrar­møguleikum, og sum er fram­tíðartryggjaður tey næstu 50 árini, leggur Helena Dam á Neystabø afturat. aki@sosialurin.fo FRAMTÍÐARTRYGGJAÐUR Nýggi Musikkskúlin verður størri enn upprunaliga ætlað og nú fáa vit ein skúla, sum er framtíðartryggjaður í 50 ár, sigur Helena Dam á Neystabø, forkvinna í Mentamálanevndini hjá Tórshavnar Býráð. Modellmyndirnar vísa, hvussu hann fer at síggja út Í nýggja skúlanum er ein fín høll