hósdagur 7. apríl 2016síða 23

FRÍGGJADAGUR 8. APRÍL 2016 SOSIALURIN 40 23 Vart tú ikki við, tá ið vit fyri góðum mánaði síðani gjørdu súrdeiggj, men hevur hug at royna teg nú? So kemur uppskriftin her: Blanda 1 súpiskeið av rugmjøli við tvær súpiskeiðir av vatni – gjarna lunkað. Lat standa í tveir dagar á køksborðinum – uttan lok. Ella onkra aðrastaðni. Okkurt stað, har tað er eitt sindur heitt. Ikki á vesinum. Okkurt stað, har bakteriufloran í luftini er eitt sindur lættari at hugsa um, enn hon á vesinum. Eftir tveir dagar koyrir tú eina súpiskeið av rugmjøli í blandingina og rørir runt. Nú kanst tú koyra lok á. Lat standa yvir nátt. Morgunin eftir eigur tú at síggja smáar bløðrur í súrdeigginum, og tað luktar (møguliga) søtt, eitt sindur av edikki og eitt sindur av øl. Tað er ymiskt, hvussu tað luktar, alt eftir júst hvat fyri bakteriur og soppasporar ráða í júst tínum súrdeggi. Um tær ikki dámar luktin, byrja so av nýggjum, og vóna at okkurt annað búsetur seg í súrdeigginum næstu ferð. Dámar tær luktin, so hevur tú fingið eitt nýtt kelidjór. Gev tí mat og drekka hvørt kvøld – tvær súpiskeiðir av rugmjøli, og tvær av vatni. Fimta dagin stoytir tú næstan alt súrdeggið burtur – lat umleið 1-2 cm upp eftir ílatinum vera eftir. Gev tí nú mat og drekka, og lat tað standa til um kvøldið. Nú er klárt at brúka. Orsøkin til at tú stoytir so nógv burtur, er fyri at fáa javnvág millum hvussu stórt súrdeiggið er, og hvussu nógvan mat tað fær. Súrdeiggið kann goymast á køksborðinum, og hetta er best, um tú bakar ofta. Tá skal tað hava mat og drekka hvønn ella annan hvønn dag. Hin møguleikin er at goyma tað í kuldaskápinum. Tá kann tað standa í minst tvær vikur uttan mat og drekka. Minst tó til at taka tað fram nakað væl áðrenn tú bakar, so tað nær at koma í gongd aftur úr kuldaskápsdvalanum. Gevið gætur! Um tað er vandi fyri, at súrdeiggið fer at vera atvold til stress, heldur enn at vera ein áminning og ábending um hvussu standurin er, slepp so súrdeiggja- ætlanunum beinanvegin. Nú! Súrdeiggið fer ikki at gera teg til eitt betur menniskja, ella betra um títt lív. Tað er bara uppá móta og kul, og tí kann tað tykjast so - og minst til, tað sum er kul í dag, er kiksað í morgin. MYNDIR: TJÓÐHILD PATURSSON »Hevur tú tikið súrdeiggið við til Føroyar? Áh tú ert fitt«, sigur Barbara, sum arbeiðir saman við mær á Kunningar­stovuni. Hon hittir meg ávegis til arbeiðis, eg havi súr­deiggið við, ætli mær at royna at baka eina súrdeiggjkøku í dag. Hon er úti túr sam­an við hundinum Bondi. »Sjálvandi havi eg súr­deiggið við!« svari eg, »Tað er ein liv­andi vera. Næstan sum eitt kelidjór«, sigi eg. Barbara bara nikkar og flennir og so fylgjast vit oman á Kunn­ingarstovuna, hon við Bondi og eg við súrdeigginum. Tað er ikki heilt heitt í Føroyum enn, men tað er hugnaligt at sita uttanfyri allíkavæl, man má bara lata seg væl í Prei Hevur tú trupuleikar við at fanga røttu bakteriurnar? Royn so at koyra eitt lítið sindur av hunangi, jogurt ella rivnum súrepli í at byrja við. Tað lættir um. Soleiðis gert tú súrdeiggj: