hósdagur 3. mars 2016síða 26

FRÍGGJADAGUR 4. MARS 2016 SOSIALURIN 27 26 – Eg hoyri ofta frá foreldrum, at børnini broytast, tá tey byrja til judo. Serliga eru tað teir villu dreingirnir ið hava lyndi til at blíva róligari og meir balanseraðir, sigur Jan Gunther BIRGITH LASSEN T ær eru so ovurtungar, has­ar 27 motturnar sum dekka gólvið á ítróttar­ høllini í Eysturskúlanum í dag. Til samans viga tær 847 kilo og tvær ferðir um vikuna, skulu tær sleipast úr goymslurúminum og út á gólvið. Tvær ferðir um vikuna venur Judofelagið nevniliga her. Jan Gunther fer eitt sindur fyrr frá arbeiðsplássinum fyri at náa at sleipa motturnar út. Tað tekur honum umleið ein hálvan tíma. Hann ger tað einsamallur, og tað hevur hann altíð gjørt. Eftirhondini eru hasi 847 kiloini blivin ein plága fyri hann. Men er tað nakað at siga til – í 45 ár hevur hann nevniliga sleipað motturnar aftur og fram og aftur og fram. Í 45 ár hevur hann verið »hjarta­ slátturin hjá Judofelagnum« tók Heðin Mortensen til farna sunnu­ dag, tá tey heiðraðu Jan Gunther og Judofelagið sum fylti 45 ár. Men sjálvur heldur hann ikki, at hann er eitt bragd sum skal heiðr­ ast. – Eg verði eitt sindur flóvur av øllum hesum her við at tey skulu heiðra meg. Fyri meg hevur tað einki upp á seg. Eg geri bara tað, eg tími, sigur Jan Gunther. Judo er meir enn ein ítróttargrein Tað var mest sum av tilvild, at Jan Gunther fall fyri júst judo, men síðani hann sum 17-ára gamal íðk­ aði judo fyrstu ferð, hevur áhugin varað við. Og hvat er tað við judo, sum talar til hann? – Tað er nakað serligt tí, sum er ringt at seta orð á. Tað er meir enn ein ítróttargrein. Tú kanst siga, at tað er ein máti at liva upp á, og tá tú fyrst er bitin, kanst tú ikki sleppa tí, sigur hann. Judo er upprunaliga ein japonsk disiplin. Tað er ein ítróttar­grein sum er gjørd út frá fleiri sjálv­verju­ skipanum. Judo merkir tann mildi vegurin og í mun til aðrar sjálvs­ verju­greinar, gongur judo ikki út upp á at fremja harðskap. Sambært heima­síðuni hjá Judofelagnum snýr tað seg um at geva eftir fyri at vinna. Á heimasíðuni verður judo eis­ ini samanborið við eina grein, ið boyggir seg undan vindinum fyri ikki at brotna. Soleiðis skal ein, ið íðkar judo, eisini geva eftir fyri styrkina hjá mótstøðumanninum og brúka hana til egnan fyrimun. Saman við karate, kendo, ninjutsu og øðrum sjálv­verji­ grein­um verður judo bólkað undir felagsheitinum Budō, sum er eitt japanskt heiti. Bu merkir »kríggj« ella »sjálvverja« meðan Dō merkir »liviháttur«. Í ítróttargreinnum sum hoyra undir Budō, er vanligt at íðkarirnir hava belti. Í judo byrjar íðkarin við hvítum belti, og er hann nóg góður íðkari, kann hann enda við at fáa svart belti. »Børn eru so fitt og stuttlig. Sjálvt um tað kanska ljóðar banalt, er tað veruliga hetta, sum fær meg at halda á fram« Jan Gunther Jan Gunther er best kendur sum judovenjari. Í 45 ár hevur hann hildið lív í judovenjingini í Føroyum. Men hvør er henda eldsálin? Og hvat er tað við judo, sum er so serligt? JAN ER FØROYSKI JUDOPÁPIN Hildið lív í judovenjingini í 45 ár MYND: BIRGITH LASSEN MYND: BIRGITH LASSEN