hósdagur 12. mai 2016síða 22

FRÍGGJADAGUR 13. MAI 2016 SOSIALURIN 55 22 MENTAN TJÓÐHILD PATURSSON H ey Búi«, sigi eg, og gleðist yvir Vikuskiftissosialin – øll hendan skrivingin gevur mær høvi at tosa aftur við fólk, ið eg ikki havi prátað ordiligt við í alt ov langa tíð – ja, í hesum førinum í fleiri ár! At liva í núinum er nakað yvirreklamerað fjas! Tí tá ið eg livi í núinum, sum eg geri ein stóran part av tíðini (hóast mín kærleiki fyri framtíðini ofta fær meg at sveima), gloymi eg øll tey, ið ikki eru her beint NÚ. Og tá ið eg so eftir eina tíð (eini 4 ár) vakni aftur úr míni nútíð og hyggi aftur, ja, so merki eg hvussu nógv eg sakni øll tey, ið einaferð vóru her NÚ. Mítt nýggja mál má vera at liva meira í fortíðini, og minni nú. Altso liva í tí, sum var nú í áðni. Búi er óivað sum eg, tí tað merkist ikki á honum at okkara seinasta NÚ var fyri nógvum árum síðani; hann prátar við meg, sum var tað í gjár, at vit sótu í míni gomlu íbúð í reyða- húsinum-á-horninum og prátaðu um meiningina við lívinum. Absurdi Búi við Audio Visuelt Dansiteatri »Vit spæla Audio Visuelt Dansiteatur og royna at lýsa absurdu menniskja­kon­fliktir­ nar á ein meira subtilan hátt enn vit eru von við í vanligum leikuppsetingum« … sjálvandi Búi! Sjálvandi spælir tú okkurt sovorðið, sum eg ikki ordiliga veit hvat er. Eg kenni Búa, ella eg kendi hann í øllum førum fyrr. Og onkursvegna kennast vit enn. Fólk broytast einki serligt, og hóast vit nú eru »vaksin« og vit seinast vit hittust vóru tannáringar, ja, so er hann einki broyttur. Vit tosa saman á Skype. Eg tosi frá loftinum á Kunningarstovuni. Eg havi matarsteðg, og eti meðan eg tosi – nei, eg eri nokk heldur ikki stórvegis broytt síðani eg var tannáringur. Búi sigur okkurt um »in-your-face-teatur«, eg skilti ikki heilt hvat. Men eg ivist ikki í, at alt teatur sum Búi fæst við er »in- your-face«. Hann er eitt sindur »in-your-face« – ella í øllum førum hevur honum altíð dámt at traðka á mørkini, men ógvuliga sjáldan útum – síni egnu í øllum førum. Tey hvørts mørk høvdu brúk fyri einum skumpi, ja, tey hevur hann gleðiliga hjálpt ávegis – og flestu okkara hava nokk brúk fyri einum slíkum skumpi av og á, ha? Eftir míni bestu umseting, so er tað, ið Búi roynir at siga, at leikurin, sum so nógvir aðrir, er um konfliktirnar innan í okkum – løgnu og óstýriligu kenslurnar, ið eru so torførar at fáa greiðu á. Men heldur enn, sum vanligt er í flestu leikuppsetingum, at »spæla« kenslurnar og útrykkja tær við kroppinum, so fara tey í hesum stykkinum at leggja ljóð- og ljós­ komponering­ar afturat. Ljóðið og ljósið í kenslunum Áskoðararnir sita millum fýra stórar hátalarar, so heldur enn at ljóðini kennast sum koma tey uttani­frá, so verður skapað ein kensla av at sleppa inn í høvdini á leikarunum. Ljóðini eru øll komponeraði til júst hesa uppsetingina. Afturat komponistinum hava leikararnir (tey eru fýra dansileikarir, ið fram­ føra) ein ljóskomponist – við stórum ljóskastarum lýsir ljós­ komponisturin, saman við leikara og ljóði, tær stóru kenslurnar, ið røra seg innaní. Ljósið kann kastast út í rúmið, niður á gólvið ella upp á sjálvan leikaran. Crave handlar um tær okkum menniskju, tankar, konfliktir og kenslur. Men hóast kenslur onkuntíð buldra innan í okkum, og innaru og uttaru konfliktirnar fáa alt at skúma innaní, so er ikki Búi Rouch sýnir saman við bólki sínum AINE Audio Viusuelt Teatur til Nordic Performing Art Days. Leikurin eitur Crave, og lýsir abstraktu menniskjakenslurnar á ein subtilan hátt… Skilti tú heldur einki av hasum? Les so víðari – eg havi kent Búa í nógv ár, og eg haldi meg duga at umseta Búianskt. Og orkar tú ikki at lesa? Far so bara til leikin. Eg eri vís í at tað verður feitt, umframt at Búianskt er lættast at skilja sum teatur og dansur CRAVE verður framført av føroysk-svensk-týsk-russiska bólkinum AINE í sambandi við NORDIC PERORMING ART DAYS 24.-28. mai. Nógvar aðrar spennandi sýningar vera eisini at síggja. Atgongumerkjasøla og lýsing av ymisku leikunum sæst á heimasíðuni hjá norðurlandahúsinum www.nlh.fo. CRAVE verður framført 25. og 27. mai kl.20.00 í Mentanarhúsinum í Fuglafirði. ABSURDU OG SUBTILU KENSLURNAR AINE – ART