hósdagur 2. juni 2016síða 33

FRÍGGJADAGUR 3. JUNI 2016 SOSIALURIN 63 33 glað fyri úrslitið, og royndirnar hon hevur fingið av at luttaka í kappingini. – Tað kennist sera væl at hava vunnið, og eg eri sera nøgd við mítt avrik. Eg eri eisini glað fyri tær royndirnar eg havi fingið í hesi kapp­ingini, sigur Ruth Poulsen, ið ikki hevur sett sær nøkur víðari mál innan hesa ítróttargreinina. – Tað havi eg ikki, sum so. Eg haldi á at venja, sum eg altíð havi gjørt. Eg havi fingið góða ráð­ gev­ing og vegleiðing frá Rana Dahl-Olsen, so nú eri eg tað klók­ari innan fitness og tað er positivt, sigur Ruth Poulsen, ið vann frammanfyri Elisabet Vang, Lindu Olivarsdóttir Andreasen og Torgerð Dam, ið eisini luttóku í kapp­ing­ini hjá kvinnunum. Samanberi meg ikki við onnur Her í lívinum skal tú oftani dømast av øðrum. Soleiðis er tað ikki minst eisini í eini kapping í Bikini Fitness, har luttakararnir verða dømdir eftir eitt nú kroppinum, og síðani sett í eina raðfylgju eftir hvør hev­ur fingið flest stig. Tí kann tað helst tykjast ræðandi at standa á ein­um palli og blíva dømd. Fyri Ruth Poulsen er hetta tó ikki ein spurn­ingur, sum hon tekur serliga seriøst. – Eg haldi spurningurin er kiks­ aður. Ein typiskur spurningur, sum lýsir Føroyar og føroyingar alt ov væl, sigur Ruth Poulsen, men legg­ ur afturat: – Eg var ongantíð nervøs fyri at vísa mín kropp í bikini. Eg var bara nervøs, sum ein og er, tá tú skal framføra á einum palli, sigur Ruth Poulsen, ið vandi seg til at fram­ føra frammanfyri vinum í einum dansi­sali. Ruth Poulsen ynskir ikki at saman­berast við onnur. – Eg vil gjarna hyggja eftir mær sjálvari í mun til meg sjálva og ikki samanbera meg við onnur, hóast tað kann vera torført at lata vera onkuntíð, sigur 19 ára gamla Ruth Poulsen. Glað fyri stuðulin Í átta mánaðir hevur Ruth Poulsen livað eitt lív, har venjingarætlan og kostætlan hevur verið ein stórur partur av lívinum. Ein so stórur partur, at tað hevur ikki nógv tíð til vinir og tey nærmastu. – Eg orkaði ikki at vera líka nógv ímillum fólk, og eg hevði heldur ikki tíð til so nógv. Tað mesta mátti planleggjast framanundan, um vit skuldu finna uppá okkurt, greiðir Ruth Poulsen frá. Hon starvast sum barrvørur í Café Natúr og fleiri av starvs­fólk­ unum vóru eisini í høllini til kapp­ ingina. – Eri serliga glað fyri at vinirnir og tey nærmastu vóru so stuðlandi. Tey flestu vóru positiv og tað eri eg takksom fyri, sigur hon og heldur fram: – Eg eri eisini ótrúliga glað fyri stuðulin eg fekk frá høvðus­stuðl­ inum, Ansni, og hinum, ið stuðlaðu mær, sigur Ruth Poulsen. Hóast hon nú er FM vinnari í Bikini Fitness og arbeiðir á barr, so er hon ikki so nógv úti um seg. – Ruth Poulsen er bara ein van­ lig 19 ára gomul genta, sum dámar væl krevjandi ítrótt. Tað havi eg íðkað alt mítt lív, sigur hon og leggur afturat: – Eg haldi ikki, at eg geri so nógv um meg. Eri bara glað fyri at hava mínar vinir, og royni at liva eitt lætt og gott lív í løtuni, sigur Ruth Poulsen. Eftir átta mánaðir við harðari venjing og kostætlan, kann Ruth Poulsen aftur taka sær av løtum. Nú sum Miss Bikini Fitness Føroyar 2016. TRONDUR@SOSIALURIN.FO ■ Navn: Ruth Poulsen ■ Fødd: 30.09.96 ■ Foreldur: Evi Poulsen og Olaf S. Poulsen ■ Starv: Barrvørur í Café Natúr ■ Venjari: Rani Dahl-Olsen ■ Høvðusstuðul: Ansni ■ Stuðlar: MEGI Føroyar, Sport24, Bjartalíð Fysioterapi og Sabai Thai Massage MYNDIR: ÁLVUR HARALDSEN