mánadagur 27. juni 2016síða 3

3 Mánadagur 27. juni 2016 · Nr. 73 Sosialurin Hugskot og viðmerkingar – send sms til 225000 HETTA ER TANN BERI ILLVILJI FRÁ BÝRÁÐNUM Áki Bertholdsen Tann 15. januar í fjør brunnu eini summarhús við Sunds­ vegin í Havn, í grund. Men nú er eigarin fangað­ ur í eini fellu, tí nú sleppur hann kanska ikki at ikki at byggja húsini upp aftur. Eigarin hevur søkt Tórs­ havnar Býráð um loyvi til at byggja húsið uppaftur við nøkrum broytingum, soleiðis at tey verða eitt sindur størri. Men verður tað ikki góð­ tikið, hevur hann í øðrum lagi biðið um loyvi til at byggja eini sama slag hús upp­aftur sum tey, ið brunnu í grund. Men tað gongur illa hjá honum at fáa byggiloyvi, og málið skal nú viðgerast í um­ sitingini í býráðnum eina­ferð enn. Umsitingin hjá býráðnum mælir býráðnum frá at geva teimum loyvi til at byggja nakað upp aftur á stykki­ num. Umsitingin visir á, at ongin kloakk er løgd til økið og at eftir reglunum kann kommunan ikki geva byggi­ loyvi til eini hús, uttan at kloakk er til tey. – Eftir reglunum hjá kommununi er ein kloak­ skipan ein treyt fyri at fáa byggi­loyvi til eini hús, sigur umsitingin. Harafturat kemur, at í byggisamtyktini er økið, har húsini standa, ikki byggiøki. Tað er nevniliga sett av til at vera urtagarðsøki, og tað mesta, sum er loyvt at byggja har, eru amboðsskúrðar upp á í mesta lagi 10 fermetrar. Og á hesum stykkinum er longu ein skúrður, sum er níggju fermetrar til støddar. Annars vóru sjálv húsini, sum brunnu í grund, góðar 40 fermetrar til støddar Luktar langt vekk Tá ið býráðið viðgjørdi málið herfyri, harmaðist Tróndur Sigurðsson, formaður í byggi- og býarskipanarnevndini um støðuna. Men hann kann ikki koma til nakra aðra niðurstøðu, enn býráðið hevur onkran ampa av málinum, tí hann heldur, at hetta luktar langt vekk av at vera tann beri illvilji frá býráðnum. Hann sigur, at hann hevur kannað málið, og hann staðfestir, at bý­ráð­ið kann ikki nokta eigarun­um at byggja eini sama slag hús upp aftur, sum tey í brunnu. Hann vísir á, at húsini eru bygd fult lógliga í fýrati­árun­ um, áðrenn nøkur byggi­sam­ tykt var, og tí er er einki sum forðar eigarunum at byggja eini sama slag hús upp aftur sum tey í brunnu. Í byggisamtyktini stendur eisini, at hon er ikki til hindurs fyri, at hús, sum longu vóru lógliga bygd, verða varðveitt, ella at hildið verður fram við lógligari nýtslu av eini ogn. Men tað er ikki loyvt at vaksa um hús við at byggja um ella at taka tey til aðra nýtslu, sum er ímóti í byggi­ samtyktini. Í leigusáttmálanum ímill­ um tey, sum eiga summar­ hús­ið, og Føroya Jarðar­ráð, stendur, at tey hava ikki loyvi til at byggja urta­garðs­hús á stykkin­um og heldur ikki aðrar bygning­ar, uttan við serstøkum loyvi. Men tað stendur eisini viðmerkt, at eini summarhús standa á stykkinum, ið loyvi er givið til. Umsitingin hjá Bý­ráð­ num sigur, annars, at hóast tey hava leitað væl í skjala­ goymsluni hjá bý­ráð­num, er einki loyvi at finna til hetta summarhúsið. Umsitingin vísir eisini á, at mál, ið líkjast hesum, hava áður verið til viðgerar í bý­ráðnum, og tá varð byggi­ loyvi ikki givið, tí uppaftur­ bygging var ikki í sam­svar við byggisamtyktina. Tann avgerðin varð síðani stað­ fest í kærunevndini í lendis­ málum. Hava fullan rætt Tá ið málið var til viðgerar í Byggi- og byar­skipanar­ nevnd­ini hjá býráð­num, sam­ tykti ein minni­luti, Jákup Dam og Bjørg­hild Djur­huus, at halda seg til til­mælið frá um­siting­ini, og at nokta byggi­loyvi. – Vit hava eitt rættiliga greitt tilmæli frá umsitingini, og eg plagi at halda meg til tey tilmæli, vit fáa frá umsitingini, og søgan er ikki longri enn so, sigur Jákup Dam, og tað var Bjørghild Djurhuus samd í. Hinvegin mælti meiri­ lutin í nevndini, Tróndur Sigurðsson, Annfinn Brekkstein og Helena D. á Neystabø, til at ganga um­ sóknini um byggiloyvi á møti. – Tey, sum eiga húsini, hava fullan rætt at byggja eini sama slag hús uppaftur, men tað noktar býráðið teimum, og tað er ikki ílagi, tí tað hevur kommunan ikki loyvi til, staðfesti Tróndur Sigurðsson. Eisini Annfinn Brekkstein stað­festir, at umsøkjarin hevur fullan rætt til at byggja húsini uppaftur í sama líki sum húsini, ið stóðu har frammaundan. Marin Katrina Frýdal vísir á, at húsini vórðu bygd, áðrenn byggisamtyktin varð sett í verk, og sostatt eru tey lóglig. Og tá ið eini lóglig hús brenna, er loyvt at byggja eini sama slag hús uppaftur og tað heldur hon eisini, at hesi fólkini skulu fáa loyvi til. Annars eru tað summir býráðs­limir, sum halda tað, at tað er ikki nógv urta­garðs­ brúk í sokallaða urta­garðs­ økinum við Sunds­vegin, og tí halda teir, at tað tað besta hevði verið at broytt byggi­ sam­tyktyktina og at gera tað til eitt byggi­øki, kanska til summarhúsøki, og at leggja kloakk til økið. Men tað er eitt heilt annað mál, sum krevur eina við­ger fyri seg. HETTA LUKTAR Tey, sum átti eini summarhús í Havn, sum brunnu í grund í fjør, sleppa kanska ikki at byggja tey uppaftur – Tey hava fullan rætt at byggja eini sama slag hús uppaftur, men tað noktar býráðið teimum, og tað er ikki ílagi, staðfestir Tróndur Sigurðsson, formaður í Byggi- og Býarskipanarnevndini Fyri einum hálvum øðrum ári síðani brunnu hesi summarhúsini í Havn, í grund, men nú forða lógir og reglur kanska fyri, at eigarin sleppur at byggja tey uppaftur FANGAÐ Í FELLUNI IKKI Í LAGI Býráðið hevur onkran ampa av málinum Tað hevur kommunan ikki loyvi til