mánadagur 8. august 2016síða 20

Mánadagur 8. august 2016 · Nr. 89 20 Sosialurin Hugskot og viðmerkingar – send sms til 225000 20 Sosialurin Hugskot og viðmerkingar – send sms til 225000 SVIMJING DREYMURIN ER A OL er í hondum og Pál Vitalis Joensen er til reiðar. Tíðirnar hjá honum ikki eins góðar nú, sum tær hava verið, men vónirnar eru har. - Hann er ein so nógv meira royndur svimjari nú, og tað hevur meira at siga til nakað so stórt, sum OL jú er, sigur fyrrverandi venjari hansara, Jón Bjarnason Pál Joensen bar Merkið til setanina á Maracanã fríggjakvøldið Pætur Albinus Seint seinnapartin fríggjadagin, kl.17.34, loypur Pál Vitals Joensen í hylin í OL í Rio de Janeiro. Hetta er aðru ferð, at hann luttekur í OL – fyrstu ferð var í London í 2012, har hann luttók í 400m frí, 1500m frí og 4 x 200m frí. Tá rakk hann ongari finalu. Besta úrslitið var eitt 10. pláss í 400m frí. Hesaferð luttekur Pál, sum nú er vorð­in 25 ára gamal, einans í 1500m frí. Dreymurin Fyri at hava best møguligu fyri­ reikingarnar, so hevur Pál Vitalis Joensen borið seg undan at vera við í nakrari samrøðu áðrenn summ­ar­ leikirnir í Rio de Janeiro eru av. Eina upptakt skulu vit tó ikki snýtast fyri, og tí hava vit tosað við tann mannin, sum kennir hann best av øllum sum svimjara, nevni­ liga Jón Bjarnason, ið var venjari hans­ara árini 2006 til 2012. Jón, sum nú er høvuðsvenjari hjá Suðuroyar Svimjifelag meðan Pál svimur í Danmark, hevur ein dreym kláran fyri hann hetta OL. - Dreymurin er at náa finaluna. Til OL verður tempo í innleiðandi øgiligt, og klárar ein finaluna, so kann kann alt henda. Tað verður tó øgiliga trupult. Men sjálvandi, um hann svimur sína bestu tíð, so er tað heilt sikkurt realistiskt, heldur Jón Bjarnason. Fleiri royndir At tað verður hart, bera tíðirnar hjá Páli eisini vitni um. - Tíðirnar hjá honum seinastu árini hava ikki livað upp til formin frá 2011/2012 áðrenn London, sigur Jón Bjarnason, sum tó finnur aðrar orsøkir til at Pál kann fara at leggja eitt gott avrik eftir seg. - Hann er ein so nógv meira royndur svimjari nú, og tað hevur meira at siga til nakað so stórt, sum OL jú er, sigur hann. Sum vera man, so hevur Pál vant dúgliga fram undir OL.