hósdagur 11. august 2016síða 5

FRÍGGJADAGUR 12. AUGUST 2016 SOSIALURIN 91 5 huga ger tað huldufólkini til eina ræðandi góða myndbering fyri trupulleikarnar, sum føroyingar standa fyri. Kreftir uttanífrá gera seg inn á føroysku siðvenjurnar, eins og ravmagni stygdi huldufólkini burtur. Harafturat umboða huldufólkini onkursvegna eisini náttúruna og ávaringarnar um hennara hóttafall, sigur Mike. Góða móttøku Filmurin hevur verið sýndur í Skotlandi, USA, Kanada og Føroyum og Mike Day fegnast um hvussu móttøkan hevur verið. - Sum heild hava fólk verið serstakliga positiv og glað um filmin. Sýningarnar í Føroyum eru tær týdningarmestu fyri meg, nú so nógv fólk hava verið um filmin. Somuleiðis havi eg eisini notið hesar sýningarnar mest, tí eyðkendi føroyski humorurin verður so væl móttikin, og føroysku áskoðararnir flenna væl við. Tá ið ein situr við ráupptøkunum, skal klippa og seta saman, er sjálvandi týdningarmikið, at endaligi filmurin kann fanga altjóða áskoðarar, men tað var tó týdningarmeiri, at filmurin lýsti føroysku mentanina so neyvt sum gjørligt, og júst har er humor ein stórur partur av tí. Eg eri púra burtur í turra føroyska skemtinum, sigur hann flennandi. Í Amerika hava tey eisini gjørt vart við seg eftir filmin, og Mike sær fyri sær, at filmurin onkursvegna sigur eina søgu, sum ger seg galdandi allastaðni. - Áskoðarar har hava samanborið føroysku støðuna við ta hjá upprunafólkunum í Amerika. Hvussu tann veiðimentanin og lívstílurin er skúgvaður til viks av uttanfyristandandi megi, ið tey ikki sjálvi kunnu steðgað ella taka ræði á. Eisini eru fólk, sum eru fegin um at fáa innlit í hvalaveiðuna. Tó síggja tey flestu seg før at skilja hvalaveiðuna og gera sær sína egnu meting av henni, framum at koma til skorin klæði, so at siga. Undan filmsýningunum hava summi fólk sagt seg vera móti grindadrápið, men eftir sýningina siga tey seg framvegis vera móti drápinum, tó at tey nú hava fingið eitt forstáilsi fyri tí. Hvalaveiðan er tó ikki høvuðsfokus hjá teimum, ið hava sæð filmin, men heldur hugsavnað tey seg um umhvørvisdálkingina, tykir tað mær, sigur hann. Føroyar á heimspall Ítøkiligu kanningarnar, sum Føroyar hava, og tann veiðimentanin, sum er, ger Føroyar til eina sjóneyku fyri restina av heiminum, sambært Mike Day. - Kyksilvur er eitt stórt kjakevni á altjóða pallinum í løtuni. ST hevur samráðingar, ið skulu staðfesta eina avtalu um at basa kyksilvur útláti, soleiðis at vit sleppa undan eitraðum matvørum. Føroyar kunnu her gerast bæði hetjan og offuri. Søgan um Føroyar ógvuliga beinrakin og ítøkilig – ikki minst orsaka av drúgvu kanningunum hjá Pál Weihe. Samstundis eru Føroyar onkursvegna ein lítil tjóð, sum berur trupulleikarnar, ið allur heimurin eisini stendur andlit til andlit við. Verður ST sáttmálin staðfestur, kann tað minka um dálkingina av høvunum, og tí er ógvuliga umráðandi, at almenningurin gerst tilvitaður um hesa dálkingina, sum ger seg galdandi í matvørum og hóttir siðaarv – sum tann føroyska. Av tí sama kann hendan søgan um Føroyar ikki undirmetast. Føroyar kunnu trína fram á pall og vísa heiminum hvussu oyðandi hendan dálkingin er, sigur hann, og heldur fram: - Fyri føroyingar kann filmurin vónandi stimbra hvalaveiðukjakið. Kanska enntá kveikja eina kjakmentan, sum setir seg út yvir fyri og móti, og bjóða umhvørvisdálking innivist. Filmurin kemur at verða sýndur í biografum kring knøttin og luttaka á filmfestivalum komandi Mike Day legði seg eftir at vísa Føroyar frá síni erligu síðu Mike Day, filmleikstjórin, mitt í fuglarokanum