mánadagur 15. august 2016síða 7

7 Mánadagur 6. januar 2014 · Nr. 2 Sosialurin Hugskot og viðmerkingar – send sms til 225000 Mánadagur 15. august 2016 · Nr. 92 FÍGGJARVIÐURSKIFTI Á MEG SJÁLVA Hon og sjeikurin hava tikið støðu til, at tey við hesum ikki ætlað at leggja kostin munandi um, tí tað snýr seg ikki um at eta sunnari. Tó hava tey valt ein synd­ ara frá, sum bæði er fíggjarliga og heilsuliga ósunnur. Vit hava valt fastfood frá. Og ótrúligt nokk hevur tað verið so lætt at leggja tað á hillina, sigur Heidi Lava Elgeirsdóttir. Hon hevur áður roynt at leggja ósunna grillmatin frá sær, men tá ið tað kennist sum ein revsing, so heldur avgerðin ikki leingi. Nú kennist tað sum, at eg geri okkurt gott fyri meg sjálva, tí nú fái eg meira pening til at ferðast fyri og til alt tað, sum eg kundi hugsað mær, sigur Heidi Lava Elgeirsdótt­ir. Hon hevur eisini sett sær fyri, at komandi tíðina fer hon at taka avgerð um, hvat hon og familjan skulu eta hvørja viku. Um tú bestemmar teg til dømis ein mánadag fyri, hvat tú vilt eta alla vikuna, so ert tú eisini meira tilvitaður um at endurnýta sumt ella at taka matin upp í nóg góðari tíð og so framvegis, sigur Heidi Lava Elgeirsdóttir. Ætlar at fara víðari við Skynsamt Húsarhald Heidi Lava Elgeirsdóttir kennir tað í dag sum, at hon fyri stuttum rakti ein bólt, sum hon ikki visti var har. Tí tað var henni ókent, at so mong onnur sótu við somu kenslu av óendaligum oysli, tá ið umræður pengar og mat. Men hendan vikan og undirtøkan fyri hugskotinum hjá Heidi hava elvt til, at hon hevur fingið blóð á tonnina. Í Føroyum hava vit sum so ikki fíggjarserfrøðingar, sum fara heim til fólk og leggja teimum lag á. Vit hava bankarnar, men tey hava sum so ikki nøkur góð húsarhalds­ráð, sigur Heidi Lava Elgeirsdóttir. Fyri hana er vist, at fólk mangan sjálvi hava lættast við at finna loysnir, tá ið umræður teirra egnu trupulleikar, og tí ætlar Heidi ikki at steðga her. Eg eri farin undir at kanna, um tað ber til at gera meira burturúr hesum hugskotinum. Til dømis at stovna eina fyritøku, sum hevur til endamáls at stuðla fólki í tí fíggj­arliga. Men eg veit ikki við vissu júst hvussu leisturin verður, sigur Heidi Lava Elgeirsdóttir. Meira kann lesast um átakið hjá Heidi Lava Elgeirsdóttir á Facebook síðuni Skynsamt Húsarhald.