hósdagur 1. september 2016síða 17

FRÍGGJADAGUR 2. SEPTEMBER 2016 SOSIALURIN 100 17 MYNDIR: TJÓÐHILD PATURSSON INNBJÓÐ ING til SEPTEMBUR VIÐ SAMKENSLU Mín innari veganari vaknar, nú fólkini handan facebooksíðuna »Veganararnir og verðin« bjóða fólki at royna veganska lívstílin í ein mánaða – »Septembur við Samkenslu – eg føli við!« • Følir tú eisini við? Ja, so er bara at koma í gongd. Ongan fisk, einki kjøt, ongan fugl, onga mjólk, einki egg, nei einki anlimalskt í ein mánað. Ljóðar tað farligt og keðiligt? Hoyr so her: Eina rúgvu av grønmeti í øllum ælaboðans litum. Søtar fruktir, og súrar fruktir. Nøtir. Pasta. Breyð. Linsur. Bønir. Rís. Tortillas. Nøtusmør. Smoothies og Djús. Og so enn meira grønmeti! Mhh… ! HVAT ER EIN VEGANARI? Veganisma er meira ein lívsstílur ella ein lívsáskoðan, enn tað er ein máti at eta. Veganarar velja at liva lívið við minnst møguligari ávirkan á djóralív. Ein veganari etur vanliga ikki mat sum kemur frá djórum. Ein veganari gongur vanliga ikki í klæðum sum eru frá djórum - leður, ull, silki o.s.fr. Í øllum síðum av lívinum roynir veganarin at gera minnst møguligan skaða á aðrar livandi verur á jørðini. Tankin er at tað skal vera pláss fyri okkum øllum, og at vit menniskju ikki eiga at síggja onnur djór sum okkara resursu, men heldur at djórini eiga sítt egna lív. Hetta er mín egna lýsing, onnur høvdu møgliga lýst veganismu øðrvísi. Googla - so verður tú klókari ;) VIÐ GRØNKÁLI, DLU-SITRÓNPESTO Septembur við Samkenslu Eg veit ikki um tit løgdu tað til merkis, men mín útgáva av opnari lassagnu er vegansk. Hetta septemburmánðai er komin, og eg luttaki í Septembur við Samkenslu. Ein hópur av føroyskum veganarum bjóðar føroyingum til at liva vegansk í ein (septembur)mánaða – og eg havi tikið av avbjóðingini. Síðani eg var 17 ár havi eg flirta við vegetarismu, og síðani tá havi eg verið vegetar – so ella so: Onkuntíð grót-vegetar, onkuntíð ynski-vegetar. Tað gongur upp og niður, aftur og fram. – Til tíðir veganari. Til tíðir fiskaátari. Og aðarar tíðir fer ein kjøtbiti niður um. Men oftast vegetar. Eg veit ikki heilt hví at eg og vegetarisman hava flirta í so nógv ár, og heldur ikki veit eg, hví tað ongantíð bleiv til eitt fast forhold - kærleikslívið kann vera trupult at skilja… Undir øllum umstøðum havi eg í 10 ár havt ein serligan veikleika (ella styrki?) fyri vegetarismu (Oy! Hatta man vera fyrstu ferð at eg skrivi, at eg havi havt/gjørt/sagt/hugsa okkurt í 10 ár - árini eru við at leypa upp nú. Kanska hetta er at vera vaksin?). Tað eru nógvar ymsar orsøkir til at eta veganskt - smakkur, umhvørvið, djór, pengapungurin... og við tíðini vani. Eg hugsi ikki at skriva meira um hettar her, men vónandi fái eg SO nógva orku av nýggja veganska lívistílinum, at eg hvørja viku hendan Septemburmánaðan klári at skriva eitt stutt brot um eina av orsøkunum - eg minnist aftur á mínar tíðir sum veganari, lívsorkan gerst onkusvegna altíð sterkari tá - ella møguliga er tað í tíðum við meira orku, at eg havi havt yvirskot at royna veganismu? Nú eri eg í øllum førum móð og troytt eftir eitt langt summar, so eg eri spent at vita hvat veganski maturin fer at gera við mínir tankar og mín kropp hendan illfýsna septemburmánaðan. Ja, tað hendi meira enn so at maturin hjá mær verður kaldur ímeðan eg taki myndir.