mánadagur 10. oktober 2016síða 3

3 Mánadagur 6. januar 2014 · Nr. 2 Sosialurin Hugskot og viðmerkingar – send sms til 225000 Mánadagur 10. oktober 2016 · Nr. 116 10 ÁR SÍÐAN STORD SORGARDAGURIN HJÁ ATLANTSFLOG 10. oktober í 2006 er ein myrkur dagur í føroyskari flogsøgu. Tá fór flogfarið hjá Atlantsflog út av vøllinum á Stord í Noreg. Fýra fólk doyðu Eirikur Lindenskov Fýra fólk lótu lív, tá flogfarið hjá Atlantsflog tann 10. oktober 2006 klokkan 7.35 lokala tíð fór út av flog­breytini á flogvøllinum á norsku oynni Stord. Tvey av ferðafólkunum og eitt starvsfólk hjá Atlantsflog, flog­ ternan Guðrun Joensen, lótu lív í vanlukkuni. Tíggju ferðafólk og trý av mann­ ingini sluppu frá vanlukkuni við lívinum. Við flogfarinum vóru 12 ferða­ fólk, og manningin taldi fýra. Manningin taldi tríggjar føroy­ ingar og ein dana. Vanlukkan hendi, tá flogfarið hjá Atlantsflog, Flight 670, eitt BAe 146 koyrdi út av flogbreytini eftir at hava sett seg, og eldur kom í flogfarið, sum var á veg úr Sta­ vanger til Molde við millum­lending á Stord. Orsøkin til vanlukkuna var, at spoilararnir ikki virkaðu, sum teir skuldu, og tí hevði flogfarið ikki ta bremsimegi, sum tað skuldi havt og kláraði ikki at steðga á bananum og fór út av vøllinum. Tað eydnaðist ikki norsku skaða­nevndini at finna orsøkina til, at spoilararnir ikki riggaðu, sum teir skuldu. Hinvegin fann skaða­ nevndin fram til, at aquaplanning gjørdi, at ABS bresmurnar ikki virk­ aðu, sum tær skuldu. Uppgávan hjá flogfarinum hend­an morgunin var at flúgva starvs­fólk hjá Aker Kværner úr Sta­ vanger og Stord til Molde Lufthavn. Flogfarið lendi á Sola um 23:30 tíðina dagin fyri, og har fór flogfarið til 48 tímars eftirlit. Tað arbeiðið var liðugt klokkan 05:00. Flogfarið fór á flog klokkan 07:15 sum ætlað. Flogskipari var 34 ára gamlai Niclas Djurhuus, og stýrimaður var 38 ára gamli danin Jacob Evald. Flogskiparin hevði lent á vøllin­ um á Stord 21 ferðir áður. Tað var klokkan 7:23, at flogfarið setti seg í sambandi við flogvøllin á Stord um at lenda. Klokkan 7:27 sóu tey á flogvøllinum flogfarið. Flapsini vórðu víðkað til 33 stig klokkan 7:31:12, sum skuldi minka ferðina hjá flogfarinum úr 280 km/t til 240 km/t. Tá flogfarið setti seg, var tað við eini ferð upp á 207 km/t. Flogfarið setti seg klokkan 7:32:14, tveir metrar framman fyri ætlaða landingspunktið, í eini bleytari lending. Flogskiparin bað um at aktivera spoilararnar eitt sekund eftir touchdown, og eitt sekund seinni hevði stýrimaðurin aktiverað spoil­ararnar. Tvey sekund seinni sigur flogskapin »eingir spoilarar«, sum ávaringarljósið vísti. Stýri­ maðurin kannaði hydrauliska trýst­ið, og at kontaktin var stillað rætt. Seks sekund eftir lending hevði flogskiparin aktiverað hjól- brems­urnar. Frá 12,8 sekund eftir touchdown hoyrdust hvínandi ljóð frá dekk- un-um. Hálvan vegin inn á vøllin tykst flogfarið at bremsa sum ætlað. Men tá gjørdu flogskipararnir vart við, at bremsiskipanin ikki virkaði, sum hon skuldi. Skiparin royndi at brúka bremsipedalarnar til at gera eina kraftiga bremsing, uttan at tað hjálpti. Hann flutti síðani bremsihandtakið frá grønum til gult og neyðbremsaði. Vitni søgdu seg síggja royk frá hjólunum. Hóast ferðin var ov høg til at steðga, so var hon minkað so mikið, at teir kundu ikki avbróta lend­ingina við at fara á flog aftur. Flog­skiparin valdi tí at stýra flog- farinum frá vinstru til høgru fyri at minka um feðrina. Flogfarið fór út av vøllinum 22,8 sekund eftir touchdown, klokkan 7:32:37. FAKTA UM FLOGFARIÐ British Aerospace BAe-146-200A. Skrátingarnummarið OY-CRG seriunE.2075 Fleyg fyrstu ferð 23. juni 1987 og var 19 ár og 4 mánaðir gamalt. Hevði flogið 39.829 tímar á 21.726 flogtímum. Stutt eftir at flogfarið fór út av flogbreytini á Stord kom eldur í flogafarið, sum kolaðist upp eftir lítlari løtu. 16 fólk vóru í flogfarinum, fýra teirra lótu lív, 12 vórðu bjargað