týsdagur 11. oktober 2016síða 34

FÓLKAHEILSURÁÐIÐ OKTOBER 2016 2 MIÐLAHÚSIÐ 8 00 fólk meldaðu seg til heilsufótbóltin og er tað umleið tvey prosent av vaksna fólkinum í Føroyum, sigur formaður í Fólkaheilsuráðnum. Tað er ikki gerandiskostur, at føroyskar verkætlanir seta Føroyar á heimskortið, men tey, ið lesa útlendskar miðlar, hava møguliga varnast, at Heilsufótbóltsverkætlanin, ið er eitt samstarv millum Fróðskaparsetur Føroya og Fótbóltssamband Føroya, hevur megnað júst tað. Verkætlanin hevur sítt upphav frá tá Magni Mohr, nýggi formaðurin í Fólkaheilsuráðnum, arbeiddi í Universitetinum í Keypmannahavn, har kannað varð hvørja ávirkan ymiskar ítróttargreinar høvdu á heilsuna hjá fólki. – Okkara kanningar í Keypmannahavn seinasti 10-15 árini staðfestu, at samanborið við aðrar ítróttargreinar, so hevur bóltspæl fleiri ymiskar ágóðar fyri heilsuna hjá fólki. Øll venjing er góð, men um man luttekur í bóltspølum, so er tað ein meira komplett venjing, tí man venur nógv ymisk økir, greiðir Magni Mohr frá. Fótbóltsfeløgini hjálpa Magni Mohr er nú í starvi á Fróðskaparsetur Føroya og formaður í Fólkaheilsuráðnum. Við sær úr skjáttuni úr Danmark hevði hann nýggju vitanina um ágóðarnar av fótbólti, og varð tað brúkt til at seta í verk átakið Heilsufótbóltur. – Hetta er ikki so nógv gransking, men eitt átak, har vit royna í verki tað vitan, ið vit hava frá aðrari gransking, sigur Magni Mohr. Heilsufótbóltur virkar soleiðis, at tað eru føroysku fótbóltsfeløgini, ið skipa fyri venjingunum. So tá fólk melda seg til heilsufótbólt, er tað gjøgnum eitt av lokalu feløgunum. Hevur roynst væl Sum heild so hava føroyingar tikið væl móti nýggja átakinum, upplýsir Magni Mohr. – 800 fólk meldaðu seg til upprunaliga og í dag spæla um 400-500 føroyingar heilsufótbólt regluliga. Men serliga millum miðaldrandi kvinnur er undirtøkan góð. Í bólkinum kvinnur ímillum 40-60 ár meldaðu heili 6% av øllum vaksnum kvinnum í Føroyum seg til verkætlanina, sigur formaður í Fólkaheilsuráðnum. Umframt at nógv fólk taka ein aktivan lut, so vísa hagtølini, at fólk halda á við at spæla, og lata ikki veður og annað órógva venjingina. Í løtuni verður eisini hugt eftir hagtølunum fyri at fáa nærri kunning um hvørji tey eru, ið detta úr eini slíkum átaki. Keypti gaggur fyri fyrstu ferð Ein teirra, ið hevur luttikið í Heilsufótbólti er Johild Dulavik av Argjum. Farna árið hevur hon vant tríggjar ferðir um vikuna við øðrum kvinnum á Argjum. – Eg fekk áhuga fyri hesum, tá eg hoyrdi um átakið. Eg hevði aldrin spælt fótbólt fyrr, so hetta var fyrstu ferð, at eg keypti einar gaggur til mín sjálva, sigur Johild Dulavik, ið var 52 ára gomul, tá hon byrjaði at venja. Ein av orsøkunum til, at hon valdi at taka lut í Heilsufótbólti var av heilsuávum. – Blóðtrýstið hjá mær var ov høgt, so eg hevði tørv á at røra meg meira, greiðir Johild Dulavik frá. Eitt ár er fari síðan at Johild Dulavik fyrstu ferð trein inn á vøllin til Heilsufótbólt, og tað er als ikki nakað, ið hon angrar. – Heilsustøðan er vorðin betri, blóðtrýstið er nú normalt, eg orki betri í gerandisdegnum, og so er tað stuttligt at koma saman við so nógvum øðrum kvinnum at sparka bólt. Hetta er absolutt nakað, ið eg kann viðmæla øllum, sigur Johild Dulavik. Ráðslimir Magni Mohr, formaður lektari Fróðskaparsetur Føroya Kathrina Lindenskov Holm, næstforkvinna Sálarfrøðingur Tórshavn Petra Arge Poulsen, ráðslimur Skúlaheilsufrøðingur Klaksvík Katrin Danielsen, ráðslimur Kommunulækni Tórshavn Jón Klein Olsen, ráðslimur Varapolitiinspektørur Løgreglan John Hendrik Olsen, ráðslimur Skúlastjóri Vágur Elin Ludvig, ráðslimur Deildarleiðari Almannaverkið Um Ráðið Í Fólkaheilsuráðnum sita 7 limir, tilnevndir av landsstýrismanninum fyri 4 ár í senn. Limirnir eru valdir sambært §2 í lóg um Fólkaheilsuráð Ein limur umboðar undirvísingarverkið, ein limur umboðar almannaverkið og fýra limir eru heilsustarvsfólk. Landsstýrismaðurin velur sjeynda limin, sum eisini skal hava serligt innlit í almanna- og heilsuviðurskifti. Landsstýrismaðurin velur formann og næstformann millum limirnar í ráðnum. Føroyingar tóku væl móti heilsu­ fótbóltinum