hósdagur 17. november 2016síða 22

22 FRÍGGJADAGUR 18. NOVEMBER 2016 SOSIALURIN 133 Matgerð TRANABERJA TJÓÐHILD PATURSSON V økur skyggandi reyð tranaber. Tey lógu millum alt hitt grønmetið í Keypsamtøkuni. Hvussu kundi eg ikki keypa tey? Ah! So kann eg fara at skriva um handan tranaberja sjeikin eg gjørdi Rannvá ímóti bløðrubruna hinaferð. Flestu okkara hava hoyrt at tranaberjasaft er góð móti bløðrubruna. Fesk tranaber mugu væl vera enn betur? Ja! Tað fari eg at skriva um! Men kann eg pá­ standa at tað hjálpur móti bløðrubruna? Tað áni eg einki um. Og eg havi ongantíð bløðrubruna, so eg kann ikki kanna tað… Nå. eg keypi tey allíkavæl. Tey síggja so vøkur út. Tranaberini. Tveir dagar seinni: AVVVVV! Bløðrubruni… Tey skyggjandi reyðu tranaberini lógu nú í kulda­ skáp­inum sum eitt forbannilsi. Mundi eg havt fingið bløðrubruna um eg ikki hevði keypt tey? Vilt tú pissa, so vilt tú eyka illa tá ið tú nærkast WC’num. Tað kenna vit. Fleiri okkara hava eisini roynt at fingið høvuð­pínu sama dag sum vit júst hava keypt tveir pakkar av Pan­ odil. Ella hava fingið mánan (hetta er nýggja orð­ingin fyri mánasjúku - tí tað er IKKI ein sjúka!) sama dag sum vit hava keypt Ipren… Mundi eg hava fingið bløðru­ bruna tí eg júst hevði keypt tranaber? Aj, aj. Nú var bara at fáa sum best burturúr støð­uni. Gera ein góðan tranaberja sjeik og síðani leggja meg í sofuna, balla meg væl, og bíða. Og pissa. Og drekka meira. Og bíða. Og pissa. Og drekka meira. Og pissa. Og bíða. Og pissa. Og bíða. Heppna eg at nýggja Donna Hay-blaðið júst var komið inn um hurðina. Eg haldi eina rúgvu av matbløðum. Fái næstan eitt um vikuna. Heppna heppna eg. Ja, sjálvt tá ið eg havi bløðru­bruna haldi eg at eg eri heppin. Heppin um alt annað enn um bløðrubrunan. Nú, tríggjar dagar seinni er bløðrubrunin burtur. Hvørt tað var tranaberja sjeikurin, alt vatnið eg drakk ella bara tilvild, tað veit eg ikki. Møguliga hevði eg blivi frísk óansæð - fyrr ella seinni. Men glað eri eg í øllum før­um - um pissið ið ikki svíðir. Og um vakra ‘Donna Hay’-blaðið sum enn liggur á mínum borðið. Gott at hava nógv at gleðast um. Tveir tranaberja-sjeikar - Til tvey fólk við bløðrubruna Ella til tvey ið ikki hava bløðrubruna, men bara eru smá svong 2 dl av feskum tranaberum 2 búnar bananir (frystar um tú vilt hava ein kaldan sjeik) 1 nips av vaniljupulvuri 2-4 dl av vatni - alt eftir hvussu tunnur sjeikurin skal vera ;) Koyr alt í ein blendara. Blenda væl. Lat teg í einar heitar ullintar undirbuksir, finn eitt lekkurt blað, set teg í sofuna og drekk. Møguliga, møguliga ikki hvørvur bløðrubrunin. Um ikki, ja, so verður dagurin í øllum førum eitt sindur hugnaligari - bløðrubruna ella ei. - Keypir tú panodil so fært tú høvuð­ pínu, keypir tú tranaber so fært tú…?