mánadagur 21. november 2016síða 8

Mánadagur 21. november 2016 · Nr. 134 8 Sosialurin Hugskot og viðmerkingar – send sms til 225000 SAMFERÐSLA Árni Gregersen Útlitini fyri at fólk í Skála­ firði fara at sleppa undan ferðslu gjøgnum bygdina eru long. Tað kom greitt fram, tá ið Magnus Rasmussen, Sam­ bandsflokkurin, tók málið upp í tinginum. Ongin kundi lova, at hetta mál fer at verða loyst skjótt, men víst var til samferðsluætlanina fyri 2012 til 2024. Kortini segði lands­stýr­ is­maðurin við sam­ferðslu, Hen­rik Old, Javnaðar­flokk­ urin, at arbeitt verður við at dagføra samferðsluætlanina, so kanska kann okkurt ger­ ast tann vegin. Tað sum hevur vakt und­ ran millum tingfólk er, at vegstubbin frá uttanfyri bygdina til íbindingina í Fjarða­vegin fer at kosta heil­ ar 75 milljónir krónur. So at siga allir ting­menn øtaðust um hesa risaupp­ hædd fyri ein veg, sum í veru­leikanum er ein stutur stubbi, men at hetta ikki er eitt tal, sum er tikið úr leyssari luft, verður doku­ men­terað av, at hetta ar­ beiðið einaferð er boðið út til privatar fyritøkur at gera og tá vóru lægstu tilboðini um 75 milljónir krónur. Omanfyri bygdina Sum er gongur vegurin av Skála og Strondum og bygd­ unum vestafyri Rak­tanga mitt gjøgnum gomlu bygdina í Skálafirði. Hetta bar til fyri mongum árum síðani, tá ið so at siga ongin tung ferðsla var tann vegin, men í dag er talan um tunga ferðslu við stórum lastbilum og trailarum, sum koyra hendan vegin. Tí er hetta eitt mál, sum hevur storan áhuga mill­um bygdafólkini, men so sanni­ liga eisini millum fólk á Skálafjørðinum annars. Hetta er ein farleið, sum als ikki er tíðarhóskandi og trygdarviðurskiftini við stórum bilum millum hús, sum standa dygst í vegin, eru als ikki nøktandi. Fundir hava verð fyrr, har fólk í Skálafirði hava havt høvi at siga sína hugsan um, hvussu tey halda vegføringin skal vera í bygdini ella við bygdina. Niðurstøðan er – eisini fakliga – at leggja vegin om­ an fyri bygdina. Sjálvt um tað so at siga altíð verður sagt, at tað ikki er serliga skilagott at flyta veg­ir upp í hæddirnar, so verð­ur ikki mett, at omanfyri bygd­ina í Skálafirði er ser­liga langt niðan – ikki so langt, at kavi og ísur fer at fáa serliga stóra ávirkan á ferðslu­viður­ skiftini. Møguleikin at leggja vegin framvið sjóvarmálanum er eisini kannaður, men tað vísir seg fyri tað fyrsta ikki at vera besta loysnin og fyri tað næsta so er tað líka dýrt, sum at leggja vegin omanfyri bygdina. Dýr loysn Tað fer sum nevnt at kosta á leið 75 milljónir at gera vegastrekkið frá uttanfyri bygdina í Skálafirði omanfyri húsini inn í høvuðsvegin millum Fjarða. Partur av hesum er sjálv­ andi jørð sum skal ognar­ takast ella keypast og møgu­ liga skulu onkur hús keypast eisini. Ibindingin í Fjarðavegin verður helst ein rundkoyring, umframt at buss steðgipláss skal vera har. Men sjálvt um Landsverk og Løgtingið vita hvat hetta fer at kosta, so er ikki pen­ ingur nokk settur av til at gera vegin har. Undir viðgerðini av mál­ inum í Løgtinginum – tað var í samband við ein munnligan fyrispurning frá Magnus Ramussen – tyktist vera ein góður vilji til at framskunda vegagerðina har, men tá ið hugt verður eftir galdandi samferðsluætlan, so fer tað at taka langa tíð at gera hetta vegastrekkið. Í 2018 er 10 milljónir settar av til verkætlanina og tað sama í 2019. 25 milljónir eru settar av í 2020 og fimm miiljónir í 2021. Tilsamans er talan um 50 milljónir krónur, sum eru settar av, hóast øll í dag siga, at vegastrekkið fer at kosta 75 milljónir at gera. Altso eru 25 milljónir krón­ur ov lítið settar. Meir ferðsla Hesi seinastu árini hevur ferðslan gjøgnum bygdina í Skálafirði verið nógv og tung, men alt bendir á, at hon fer at vaksa munandi. Tá ið undirsjóvartunnilin verður liðugur milllum Eystur­oynna og Streym­ oynna, fer ein uppkoyring av vera á Strondum og ein í Rókini í Runavík. Onki er at ivast í, at hetta fer at økja munandi um ferðslu­tættleikin á vestara armi á Skálafjørðinum og harvið eisini gjøgnum bygd­ ina í Skálafirði. Í samferðsluætlanin verð­ ur eisini sagt, at ætlanin er at gera ein tunnil úr Gøtu­ dali til Millum Fjaðra. Tað fer eisini at økja um ferðsl­ una út eftir vestara armi á Skálafjørðinum, men sam­ bært ætlanini, so er størsta upp­hæddin til hend­an tunn­ ilin tó ikki sett á fyrr enn í 2024. 50 milljónir eru settar av í samferðsluætlanini frá 2018 til 2021 at gera veg oman fyri bygdina í Skálafirði, men hann er mettur at kosta 75 miljónir krónur ONGIN ÆTLAN AT FRAMSKUNDA VEGIN OMAN FYRI SKÁLABOTN Soleiðis er ætlanin at vegurin skal liggja omanfyri bygdina í Skálafirði