hósdagur 5. januar 2017síða 18

FRÍGGJADAGUR 6. JANUAR 2017 SOSIALURIN 3 18 SOLEIÐIS YVIRLIVIR TÚ JANUAR Hugnaliga jólatíðin er løgd afturum og við henni veitslurnar, gávurnar, góði maturin og stóra pengabrúkið. Fyri framman bíðar ein myrkur og illsligur januar. Her hjálpa vit tær ígjøgnum avbjóðandi januar D esember er ein deiligur mánaði. Jú, víst kann veðrið vera ótespiligt, og avbjóðingarnar í lívinum og gerandisdegnum kunnu krevja sítt. Men hugsið bara um allan tann góða matin, tær hugnaligu løturnar saman við familjuni, veitslurnar við vinum og starvsfeløgum, gávurnar undir trænum, frídagarnar, jóla- og nýggjárshald. Jú, desember er ein deiligur mánaði, men hann kostar eisini orku og pengar, og tá ið vit koma út í januar, kann tað verða, at vit verða rakt av eitt sindur av timburmonnum. Og hóast styttsti dagur er farin aftur um, bíðar tað mest óhugaliga veðrið fyri framman – januar við myrkri, stormi, kanska ódn, ivaleyst kava, avmarkaðum dagsljósi og gráum gerandisdegi. Sagt verður, at 24. januar er mest deprimerandi dagurin á árinum. Rokningarnar eru aftur í postkassanum, nýggjárslyftini eru helst brotin, og tað er framvegis myrkt og kalt og illfýsið. Her geva vit tær nøkur ráð um, hvussu tú kanst koma ígjøgnum januar uttan at fara fullkomliga í kjallaran. Tað er ein vegur ígjøgnum januar, og tú kanst við einum tilvitaðum innsatsi bøta um støðuna bæði hjá tær og teimum rundan um teg. Ger títt besta Ein háttur at koma í gongd er tilvitað at verða á toppinum fýra teir fyrstu minuttirnar, tá ið tú kemur til arbeiðis, fert á fund, kemur heim frá arbeiði, kemur í skúla ella vitjar millum fólk. Tú kennir teg fantastiskan, og tað smittar – bæði tey rundan um teg og teg sjálvan. Finn flogið! 1 Legg ætlanir Tað er hugaligt at leggja ætlanir, og í januar er góður møguleiki til tað. Er ætlanin at fara í summarfrítíð, so er at fara undir kanningararbeiðið í januar. Leita eftir ferðamøguleikum, finn út av, nær tú skalt ferðast, hvør skal við, hvagar leiðin skal ganga, hvat tit skuu uppliva og hvørji alternativini eru. Far á netið og sveima millum sólstrendur og stórbýir. Tosa og kjakast um møguleikarnar, droym, og bíða við at taka endaligu avgerðina. Januar verður ikki keðiligari av hesum! 2 BYRJAN Fá dagsljós Ein orsøk til, at lagið kann verða vánaligt um veturin, og orkan ikki tykist tann sama, er, at vit fáa ikki nóg mikið av dagsljósi. Ljósu tímarnir eru fáir, og er tað myrkt í veðrinum, kann tað stundum tykjast, sum at dagurin kemur og fer, uttan at hann veruliga var har. Royn og fáa dagsljós, tá ið tað ber til. Gang ein lítlan túr, sit við vindeygað, far út um og svala tær á. Tað ber eisini til at keypa sær serliga lampu, sum kann geva tær ljósviðgerð, sum kann verða á hædd við vanligt dagsljós. Summi fólk kunnu eisini hava gott av kostískoyti í gerandisdegnum. 3