hósdagur 5. januar 2017síða 19

FRÍGGJADAGUR 6. JANUAR 2017 SOSIALURIN 3 19 Lat teg undirhalda Myrka tíðin er uppløgd at brúka til bøkur, filmar ella annað undirhald. Møguleikarnir við stroyming av filmum og sjónvarpsrøðum eru næstan uttan avmarkingar, og hetta er kanska júst mánaðin, tá ið tú letur teg undirhalda av einari góðari sjónvarpsrøð ella nøkrum góðum filmum. Dámar tær at lesa, ber til at tveita teg yvir nakrar góðar bøkur. Myrku kvøldini eru sum gjørd til at lesa bøkur ella at hyggja eftir sjónvarpi. 5 Far ikki í felluna Eitt ástøði vil verða við, at 10 prosent av tínari lukku koma av tingum, sum henda tær. 90 prosent koma av reaktiónini av tí, sum hendir tær. Tí kanst tú gera eitt tilvitað val um at hugsa positivt og ikki lata tey smáu og irriterandi viðurskiftini oyðileggja lagið. Tað verður sagt, at heilin minnist betri tað ringa enn tað góða, men tað ber til at hjálpa heilanum. Tað kanst tú til dømis gera um kvøldið, tá ið tú skrivar trý tey bestu tingini, sum eru hend tann dagin, niður á pappír. Vísindin hevur ávíst, at gert tú tað í tvær vikur, verður tú glaðari næstu tríggjar mánaðirnar. 6 Leita aftur til ungdómstónleikin Flestu okkara minnast tónleik frá teimum teimum góðu, gomlu døgunum. Leita aftur til tín yndistónleik, tá ið tú vart yngri. Er tað glaður poppur frá 80’unum, tungur rockur frá 90’unum ella dansitónleikur frá 00’unum. Lurta aftur eftir tónleiki, sum gjørdi teg glaða einaferð í tíðini og minnir teg á góðar løtur. Við YouTube og Spotify er tað lætt at finna tónleikin aftur, eisini um tú ikki orkar at fara í holt við títt plátu- ella fløgusavn. 7 Ger samanskotsgildi Veitslurnar í desember vóru nógvar, men seint í januar ber til at finna seg saman við vinum og gera eitt samanskotskvøld. Ger ikki ov nógv burtur úr, men legg dent á tað góða selskapið, og lat fólk hvør í sínum lagi taka okkurt við, sum kann leggja botnin undir eitt hugnaligt gildi. 8 Rudda Vit kenna ivaleyst øll til onkran part av húsunum, sum kundi trongt til at verði ruddaður. Kanska eru tað nakrar skuffur við gomlum lutum, ella eru tað onkrar hillar, har ymiskt er tveitt gjøgnum ár og dag. Vel ein part av húsunum, sum tú ruddar frá grundini og fá aftaná eina kenslu av, at hatta var uppá tíðina, at tað varð gjørt. 9 Lær teg okkurt nýtt Hevur tú hugsað um at læra teg at brodera, at dansa, at skifta olju á bilinum, at brúka Excel, at gera smoothies ella at binda slipsaknút, so er at tveita teg út í tað. Lær teg okkurt nýtt, set teg inn í onkur viðurskifti, ella fá innlit í okkurt. Les eina bók um Churchill, Kennedy, Móðir Teresu, kvinnurørsluna, vinstravongin, Nólsoyar Páll, fyrstu kvinnuna í rúmdini ella heimspeki. 10 Ver virkin Tað kann tykjast næstan hysteriskt, hvussu fólk nú skulu venja og krevja av sær sjálvum, at tey taka venjing fram um alt annað. Tørvurin og hugurin er individuellur, men í øllum førum er tað gott fyri teg at vera virkin. Kropsligur aktivitetur er góður fyri heila og heilsu, og tú kanst sjálv velja tað slagið av motión, sum tú tímur. Gang ein túr, fara í svimjihylin, renn, far í venjingarmiðstøð, súkkla, spæl badminton, ella finn einhvønn annan aktivitet, sum tær dámar. 4 Práta við vinir Resið í desember kann gera tað trupult at fáa tíð til tínar vinar. Januar er hinvegin gylti møguleikin at dyrka vinarbondini eitt sindur betur. Leita eisini eitt sindur út um tínar allarnærmastu vinir og fá prát við tey, tú kennir væl. Tað kann verða við einum góðum kaffikoppi á café ella á góðari, gamlari húsavitjan. Práta um tað, sum var, og tað, sum kemur, flenn og diskutera, lurta og fortel. Tú verður fegin um løtuna saman við gloymdu vinunum. 11