týsdagur 10. januar 2017síða 24

Mikudagur 11. januar 2017 · Nr. 5 24 Sosialurin Hugskot og viðmerkingar – send sms til 225000 Freelance-pilotar til Atlantic Airways - við støð í Keypmannahavn Okkum tørvar nakrar freelance-pilotar at flúgva okkara Airbus 319/320, um høgtíðirnar og í summartíðarskeiðinum, tá ið tað er nógv ferðsla. Sum freelance-pilotur fært tú møguleikan at royna teg í einum avbjóðandi starvi. Tú skal kunna arbeiða fulla tíð í summar-mánaðunum juni, juli og august 2017. Tað er ein fyrimunur fyri okkum og vónandi eisini fyri teg, um tú eftir hetta eisini kanst vera tøk/ur, tá tørvur er á tí í høgtíðunum, og tá nógv er at gera. Tú mást búgva og kunna røkja starvið úr Keypmannahavn og hava lætt við at møta upp á flogvøllinum til skiftandi arbeiðstíðir. Tín uppgáva verður, saman við okkara vandu flogskiparum, sum eru í føstum starvi, at hjálpa til á ein professionellan hátt og at halda tey høgu krøv, tænastu og væntanir, sum verða sett til Atlantic Airways. Tínir eginleikar Tú ert ábyrgdarfull/ur og arbeiðir málrættað og professionelt. Tú skalt vera broytilig/ur (fleksibul) – her verður eisini hugsað um tað praktiska í sambandi við arbeiðstíð og -stað. Tú kanst arbeiða undir trýsti, trívist við at starvast tætt saman við øðrum og kanst gera mun fyri viðskiftafólk og starvsfelagar. Tú skalt kenna til føroysk viðurskifti og hava loyvi at búgva og arbeiða í Norðurlondum og EU. Krøv Umsøkjarar skulu hava eitt av hesum certifikatum: • ATPL(A) • MPL(A) • CPL(A), við ATPL teori og MCC prógvi. Í øllum trimum førum skalt tú hava eitt galdandi IR(A)ME, eitt General Flight Radiotelephone Operator Certificate (GEN)  og ICAO Language proficiency við level 4 í enskum. Tímakrav: Í minsta lagi 200 tímar í flogfari (ikki FTD/STD). Byrjan Byrjarnarsamrøður verða hildnar skjótast til ber, og endaliga valið av freelance-pilotum verður í februar 2017. Arbeiðstíðir og -staður Verður tú vald/ur, skalt tú umskúlast til at kunna flúgva okkara Airbus 319/320. Umskúlingin fer fram í Toulouse í februar, mars og apríl 2017. Atlantic Airways rindar fyri umskúlingina, ferð, uppihald og dagpening. Løn verður ikki goldin í sambandi við umskúlingina. Eftir umskúlingina verður avtala gjørd um Line-venjingina, sum tekur umleið ein mánað. Løn og dagpeningur verður goldin undir Line-venjingini. Eftir hetta skalt tú skjótast tilber arbeiða fulla tíð í juni, juli og august, við møguleika fyri arbeiði í september eisini. Seinni skalt tú, eftir tørvi, vera tøkur í høgtíðunum og tá nógv er at gera. Starvið er við støð í Kastrup Lufthavn. Løn og dagpeningur eru sambært galdandi reglum hjá okkara freelance-pilotum. Tá byrjanarsamrøðurnar og valið av freelance-pilotum hava verið, skulu tey valdu ígjøgnum eina roynd, sum snýr seg um týdningin at arbeiða gjølla, skjótt og neyvt. Eisini verður ein persónsgreining gjørd av viðkomandi, har fatanarstigið verður mett. Við støði í hesum, saman við byrjanar- samrøðunum, verður tað okkara setanarnevnd – møguliga við fleiri starvs- samrøðum – sum fer at velja út og gera tilmæli til leiðsluna um skikkaðar umsøkjarar. Í setanarnevndini sita HR-leiðarin, flogovastin, flogstjórin, veningar- leiðarin og eitt umboð fyri flogskipararnar. Umsóknir Hevur tú hug at søkja starv sum freelance pilotur, vinarliga sendi okkum eina skrivliga umsókn saman við CV, mynd, prógvum og viðmælum til starv@atlantic.fo Umsóknarfreistin er tann 31. januar 2017. Atlantic Airways Georg Suðurgarð Director, Human Resources Atlantic Airways Vagar Airport FO-380 - Sørvágur Tel +298 34 10 00 www.atlantic.fo Atlantic Airways er ein altjóða fyritøka, hvørs virkismentan er eyðkend av, at ljós altíð verður varpað á trygd, stundvísi, kundanøgdsemi, úrslit og góð starvsfólkaviðurskifti. Umleið 200 fólk starvast í føroyska tjóðarflogfelagnum, sum hevur heimstað í Sørvági. Umsetningurin var 501 milliónir krónur í 2015. Atlantic Airways hevur tvey Airbus 319 flogfør, eitt Airbus 320 flogfar og tvær AW139 tyrlur í flotanum. Flogførini røkja rutusambandið úr Føroyum til Danmarkar, Edinburgh, Reykjavík og Bergen alt árið – og Barcelona, Mallorca, Kreta, Lissabon um summarið. Tyrludeildin hevur um hendi ferðasambandið til útoyggjarnar, sjúkraflutning umframt leitingar- og bjargingartænastu.