týsdagur 21. februar 2017síða 36

KRABBAMEINSFELAGIÐ 12 22. februar 2017 krabbameinsfelagið Stomibólkurin Stomibólkurin er ein bólkur við sjálvbodnum fólki, sum av eini ella aðrari orsøk hava fingið lagt bløðru ella tarm út á síðuna, og fólk við bekken- reservoir. Hesi stuðla øðrum í somu støðu og veita hjálp til sjálvhjálp. Í løtuni er ongin formaður. Í sjálvbodnu hjálparbólkunum hjá Krabbameinsfelagnum ber til at tosa við fólk, sum hava verið sjúk ella varða av hjá krabbasjúklingum. Endamálið við bólkunum er at stuðla teimum, sum hava ella hava havt krabbamein og í trúnaði práta um tað, ið er tungt at bera. Tey, sum stuðla, hava fingið upplæring at veita ráð og vegleiðing Bólkar veita hjálp til sjálvhjálp Tá tú fært staðfest krabbamein, setir tú nógvar spurningar. Tørv­ur­in á upplýsing, vitan, stuðli og hjálp kann vera stórur. Gott er at fáa nógva og góða hjálp frá familju, vinum og fakfólki. Royndirnar hjá Krabbameinsfelagnum vísa, at tað haraftrat hjálpir at hitta onnur í somu støðu, og sum hava kent sjúkuna á egnum kroppi. Tí bjóðar felagið einum og hvørj­um, sum hevur tørv á tí, at koma í samband við sjálvboðin í ymsu hjálparbólkunum hjá fel­agnum. Aftrat tí at stuðla og veg­leiða veita bólkarnir hjálp til sjálvhjálp og skipa fyri sosialum tiltøkum, eitt nú hugnaløtum, fyrilestrarkvøldum og útferðum. Samband fæst við bólkarnar við at venda sær til ráðgevingina. Prostatabólkurin Bólkurin er fyri menn, ið hava ella hava havt krabbamein í bløðruhálskertlinum. Endamálið við bólkinum er, at menn, ið hava ella hava havt prostatakrabba, kunnu hittast og stuðla hvør øðrum. Formaður er Eirikur Ó. Simonsen. Móðurmerkjabólkurin Móðurmerkjabólkurin er bólkur við fólki, ið eru skorin fyri móðurmerkjakrabba. Endamálið við honum er, at fólk skulu kunna koma saman at tosa, stuðla og hjálpa hvør øðrum at veita hjálp til sjálvhjálp. Forkvinna er Brynhild Høgnadóttir. Bróstabólkurin "Bót til Bata" er bólkur við sjálvbodnum kvinnum, sum eru skurðviðgjørdar fyri krabbamein í brósti. Tær stuðla og vegleiða kvinnum, ið skulu skurðviðgerast ella eru skurðviðgjørdar fyri krabba­ mein í brósti. Forkvinna í bólkinum er Turið Horn. Undirlívsbólkurin Hetta er bólkur við sjálvbodnum kvinnum, sum hava ella hava havt krabbamein í undirlívinum. Tær veita øðrum kvinnum stuðul og vegleiðing, ið skulu viðgerast ella eru viðgjørdar fyri krabbamein í undirlívinum. Forkvinna er Beinta E. Højsted. Foreldrabólkurin Bólkurin stuðlar teimum foreldrum, hvørs barn hevur fingið staðfest krabbamein. Endamálið er at gera tað møguligt fyri familjur at børnum við krabbameini at koma saman og hjálpa hvør øðrum. Forkvinna er Elin-Maria Joensen. Lymfødembólkurin Lymfødem er ein varandi sjúka, sum stendst av ov nógv­um gróðrarvatni í vevnaðinum. Hetta vísir seg serliga á tann hátt, at bein og armar hovna. Brekið kann vera viðføtt, men kann eisini standast av t.d. stráluviðgerð. Bólkurin er nýggjur, og forkvinna er Eyðbjørg Djurhuus. krabbameinsfelagið Nærri kunning og samband við limir í øllum bólkum fæst við at venda sær til ráðgevingarstovuna telefon 317959 ella um teldupost: kmf@krabbamein.fo Stuðlað blaðútgávuni hava: JFK, Samskip, Tryggingarfelagið Føroyar og Svend Krosstein