mánadagur 27. februar 2017síða 8

Mánadagur 27. februar2017 · Nr. 25 8 Sosialurin Hugskot og viðmerkingar – send sms til 225000 FERÐAVINNA & LANDBÚNAÐUR FERÐAFÓLK MUGU IKKI VERÐA EIN PLÁ FYRI FØROYINGAR Áki Bertholdsen Tað er í stóran mun ferða­ vinnan sum verður fram­tíð­ in hjá føroyska land­bún­að­ inum. Tað heldur Poul Michel­ sen, landsstýrismaður í vinnu­málum. Á búnaðarráðstevnuni í Klaksvík leygardagin metti hann, at ferðavinnan fer at fáa alstóran týdning fyri før­oyska landbúnaðin í fram­tíðini, og hinvegin fer eisini landbúnaðurin at fáa stóran týdning fyri at menna ferðavinnuna. – Ferðavinnan fer at leita eftir teimum tilboðum og teimum upplivilsum, bønd­urnir hava at bjóða, og ferðavinnan fer at skapa økt virksemi á matstovunum. Og matstovurnar fara so aft­ur at fáa størri tørv á føroyskum matvørum frá bóndunum. Møguleikarnir eru so nógvir­, at tað er at kalla bara hugflogið, sum sett­ ur mørkini, sigur lands­ stýrismaðurin. Men samstundis ásannar hann, at ferðavinnan er á einum vegamóti og tí er neyð­ugt við einum nýggjum ferðavinnupolitikki. Í hesum sambandi er neyðugt, at vit leggja soleiðis til rættis, at ferðavinnan kann mennast, uttan at vit gera okkum inn á náttúruna og uttan at talið á ferðafólki verður ein ampi fyri sam­ felagið. Neyðugt við fleiri tiltøkum Hann sigur, at nú eru vit av álvara farin at síggja úr­ slitið av, at vit hava lagt so stóran dent á at menna ferðavinnuna. – Talið á ferðafólki veksur, vit hava fingið fleiri nýggjar fyritøkur í ferðavinnuna og nógvastaðni síggja vit ein framtakshug, sum av álvara kann flyta mørk. – Men hendan vaksandi ferðavinnan ger tað eisini greitt, at vit mugu seta fleiri tiltøk í verk fyri at geva henni betri karmar at virka undir, sigur hann. Tí hevur hann sett sjøtul á arbeiðið at orða ein nýggjan ferðavinnupolitikk, og tað arbeiðið verður liðugt um ikki so langa tíð. Poul Michelsen sigur, at í tí nýggja ferða­vinnu­ politikkinum verður dentur lagdur á náttúruvernd, stuðulsskipanir og at stimbra nýggj tilboð, útbúgvingar og trygd. – Tann nýggi ferðavinnu­ politikkurin fer eisini at um­fata viðurskifti, sum bein­leiðis og óbeinleiðis hava við landbúnaðin at gera, tí framum alt eru tað maturin, náttúran og ment­ anin sum gera Føroyar verd­ ar at vitja. Og hetta eru somu grundarsteinar sum land­ búnaðurin byggir á. Einastandandi møguleikar Poul Michelsen vísir á, at í seinastuni hava vit hoyrt nokk so nógv um tær av­leið­ ingar, ein óskipað ferðavinna kann elva til, eitt nú fyri náttúruna. – Vit vilja, og vit mugu hava eina burðardygga ferða­vinnu, bæði sosialt, bú­ skaparliga og ikki minst um­ hvørvisliga. Hann staðfestir sam­ stundis, at tað er ikki ov nógv sagt, at landbúnaðurin í Føroyum hevur eisini havt sítt at dragast við. – Politiskt hava vit ikki funnið útav, hvat vit vilja við landbúnaðinum í Føroyum, og í stóran mun er lóggávan á økinum, avoldað. – Men eg haldi at land­ búnaðurin eigur at síggja ferðavinnuna sum ein gyltan møguleika at fáa betri lønsemi í vinnuna. Og tí er tað eisini týdningarmikið at leggja dent á teir møguleikar, ferðavinnan hevur við sær, eisini fyri landbúnaðin í Føroyum. – Vit hava einastandandi møguleikar at vísa ferðafólki eina fantastiska náttúru afturvið føroyskum mati og mentan. – Vit kunnu geva ferða­ fólki heilt einastandandi upp­livilsi, sum tey fara at minn­ast fyri lívið. – Men slíkt kann man taka góðan pening fyri, legði hann afturat. Hann heldur, at Michelin­ stjørnan hjá KOKS er prógv um, hvussu langt føroyskar Møguleikarnir eru so nógvir, at tað er bara hugflogið, sum setur markið, men endamálið skal ikki vera at fáa so nógv ferðafólk hendavegin sum gjørligt, sigur Poul Michelsen, landsstýrismaður í vinnumálum Er nøkur meining í at royna at draga øll tey stóru ferðamannaskipini hendavegin? IKKI LÁGPRÍSUR – Føroyar skulu ikki verða eitt lágprísferðamál, har endamálið er at fáa so nógv ferðafólk higar sium gjørligt, sigur Poul Michelsen, sum nú er í ferð við at gera ein nýggjan ferðavinnupolitikk