hósdagur 16. mars 2017síða 6

FRÍGGJADAGUR 17. MARS 2017 SOSIALURIN 33 6 Tónleikaútgávur • Jealous, 2007, stakfløga. • An Invisible Gun, 2007 album • Peter Pan, 2010, stakfløga. • Maria's Donkey, juli 2014, stakfløga. • Change of Frame, 2016, stakfløga. • Funeral, September 2016, album. Filmar og sjónvarp • Mús,2008-2009 (sjónvarpsrøð): leikrithøvundur, reportari og redaktørur. • ORKA & YANN TIERSEN Live in Rennes, 2008 (post production), Leikstjóri og editor. • Mítt Rúm, 2009 (stuttfilmur), leikrithøvundur, filmsleikstjóri og editor. • Waves - A Portrait of Maria á Heygum, 2010 (portrett filmur). • Sigarett, 2010 (stuttfilmur) Leikrithøvundur, leikstjóri, sjónleikari og editor. • A Hipstory, 2012 (stuttfilmur) Leikrithøvundur og leikstjóri. • True Love, 2013 (stuttfilmur) Leikrithøvundur og leikstjóri. • Skuld - 2014 (stuttfilmur) Leikstjóri. • Dalur – 2015 (stuttfilmur) Ein av leikrithøvundunum og leikstjóri. fyri ikki at vera góð nokk. Kanska havi eg bara lært at spæla víðari. Eg havi ikki lagt so nógv í, um onnur ikki hava hildið tað verið nóg gott. Øll menniskjur hava nógv evnir, um vit bara lata tey framat, sigur Heiðrikur á Heygum. Eins og flest onnur, ið gera nak­ að alment í Føroyum, so hevur hann eisini møtt teimum atfinn­ ingar­somu røddunum, ið hava lyndi til at finnast at honum, og tí hann tekst við. – Eg havi altíð verið treiskur. Um fólk ikki halda eg dugi okkurt, so havi eg sagt, at eg skal vísa teimum. Tey eru nógv, ið hava funnist at mær. Eg havi tó aldrin skilt hví fólk hava trongdina at niðurgera onnur. Men eg havi sett mær fyri, at eingin skal køva mína rødd. Eg havi nakað at siga, og eg trúgvi upp á tað, sigur Heiðrikur á Heygum avgjørdur. Vakra við listini Sum ein av virknastu listamonn­ unum á føroysku listapallinum seinastu tíggju árini, hevur Heið­ rikur á Heygum latið eitt stórt tal av verkum úr hondum. Spurdur hvussu tað er at síggja sína verk, verða tulkað av øðrum, er hann skjótur at svara, at tað er ein kelda til gleði. – Tað er altíð deiligt, at fólk kunnu fáa okkurt annað burturúr mínum verkum enn tað, ið eg hugsaði, tá ið eg gjørdi tað. Tað er tað vakra í list, at fólk síggja seg sjálvi í verkunum ella okkurt tey hava uppliva. Tá verður tað ikki bara mítt verk, men eisini teirra. Á tann hátt rørir man við fólk, og fær tey at hugsa um nøkur ting, greiðir Heiðrikur á Heygum frá. Hóast hann hevur tikist við list í nógv ár, so skulu føroyingar ikki verða bangnir fyri, at hann knappliga hvørvur, tí tað trýtur ikki við hugskotum. – Eg fái nýggjar tankar hvønn dag, og verði troyttur av øðrum, so eg má framleiða áðrenn eg gerist troyttur av tankunum. Tað er tað sama við øllum listafólkum. Vit mugu duga at siga við okkum sjálvi, at nú er nokk arbeitt, hóast man heldur man kann gera nakað betri, tí annars kemur aldrin nakað út, sigur Heiðrikur á Heygum. Hetta við, at man aldrin er heilt nøgdur við úrslitið, er ein kensla, ið Heiðrikur á Heygum metir flest øll fólk kenna frá sínum egna gerandisdegi. – Man er harður við seg sjálvan, og vil altíð gera tað betri. Eg haldi vit øll hava tað soleiðis. Um man skrivar eina bók, málar ein málning, ger eina máltíð ella okkurt heilt annað, so er har altíð ein kensla av, at hatta ella hetta kundi gerast betri. Tann kenslan hvørvur aldrin, sigur Heiðrik á Heygum. Pengar ikki ein drívmegi Tá Heiðrikur á Heygum leygar­ kvøldið tók móti FMA virðislønini sum besti sangari innan popp/ rokkbólkin, var tað seinasta viður­ kenningin av mongum seinnu árini. Sum leikstjóri vann hann eina FMA virðisløn í 2016 fyri video­ lagið til sangin Rain hjá Eivør, hann hevur vunnið fleiri Geyta- virðislønir fyri sínar filmar, hann hevur havt listaframsýningar í Føroyum, Danmark og Týsklandi og hevur vunnið útlendskar filmskappingar. Við so nógvum viðurkenningum hevur ungi havnarmaðurin megn­ að tað, ið mong fólk tráa eftir alt teirra lív, men tá prátið fellir inn á viðurkenning og pengar, slær Heiðrikur á Heygum fast, at tað als ikki fellur honum í hug, tá hann fer undir eina verkætlan. – Tá ið eg fái eitt hugskot, so hugsi eg um hvussu eg best fái sett orð á tað. Tað kann vera gjøgnum film, tekningar, sang, málningar ella annað. Eg royni at finna út av, hvat er best fyri hugskotið. Hvat eg fái mest viðurkenning ella peng­ar fyri, er slett ikki partur av tilgongdini, tí so missir tað sína meining, greiðir Heiðrikur á Heyg­ um frá, og leggur afturat. – Hetta handlar nevniliga ikki um pengar og viðurkenning, men at fáa míni ting út. Tað at vera kendur sigur mær einki. Um tað var tað eg ynskti, so hevði eg fari í X-factor. Men tað hevur ikki mín áhuga. Eg eri áhugaður í at gera list, og tað er tað, sigur Heiðrikur á Heygum. Sjálvur er hann sannførdur um, at tað er nevniliga mangulin upp á pengar, sum í stóran mun hevur ment hann sum listamann. – Tað eru hesar forðingarnar, ið havt ment meg mest. Tað, at eg ikki altíð hava ráð at gera hugskot til veruleika, noyðir meg at vera kreativur. Tað er tá ið onnur fara niður við nakkanum, tí tey síggja ongan útveg, at eg mennist mest. Peningur kann steðga nógvum kreativum vinnum, tí tað steðgar nýhugsanini, sigur Heiðrikur á Heygum. Á pólska marknaðin Samrøðan er við at koma at enda, tá prátið fellir inn á framtíðarætlanir, og Heiðrikur á Heygum avdúkar, at hann hevur fingið eitt nýtt tilboð um at marknaðarføra Funeral uttan­lands. Og hóast upplivingin við enska felagnum enn situr fast í minn­inum hjá tónleikaranum, so er hann ikki bangin fyri at taka kjansin. Hesaferð er tað eitt pólskt plátu­ felag, ið hevur sett seg í samband við havnarmannin, um møguleikan fyri at umboða hann á pólska marknaðinum. – Eg havi gjørt ein sáttmála um at geva Funeral út í Póllandi. Higartil er hon bara givin út í Íslandi og Føroyum, so tá hesin møguleikin kom, so hugsaði eg hví ikki, sigur Heiðrikur á Heygum. Sáttmálin inniber, at felagið markn­aðarførir fløguna og Heið­ rik á Heygum í Póllandi. Tað inni­ber, at løgini verða spæld í útvarpi og sjónvarpi, umframt at Heiðrikur á Heygum møguliga skal spæla nakrar konsertir í eystur­ evropeiska landinum. – Vanliga geri eg alt sjálvur, so um onkur hevur hug at gera hetta fyri meg, so eru tey vælkomin til tað, sigur Heiðrikur á Heygum. Hann vissar tó um, at hann hevur tikið við læru frá fyrra sátt­ málanum. – Eg havi fingið onnur at hyggja gjøgnum sáttmálan fyri at tryggja mær, at eg ikki aftur verður snýtt­ ur, sigur Heiðrikur á Heygum við einum brosi. HALLUR@SOSIALURIN.FO PERSÓNSSØGA – Eg havi altíð verið treiskur. Um fólk ikki halda eg dugi okkurt, so havi eg sagt, at eg skal vísa teimum